Við förum langt á þessari frábæru vörn
Ég er mjög ánægður með að hafa klárað þetta svona með þessum leik og þetta var bara framhald af því sem við höfum verið að gera í undanförnum leikjum. Þetta sýnir líka að liðið er í fínum gír og hefur metnað til að fara upp á við, segir Atli Hilmarsson þjálfari Akureyrar. Norðanmenn enduðu árið með stæl í N1-deild karla með sjö marka sigri gegn Val, 30-23, í Vodafonehöllinni sl. sunnudag. Þetta var síðasta umferðin fyrir jóla-og EM frí en næst verður leikið í deildinni 2. febrúar nk. Akureyri hefur unnið fimm af síðustu sex leikjum sínum og fengið ellefu stig af síðustu tólf mögulegum. Norðanmenn hafa nú jafnað Fram að stigum en bæði liðin hafa 14 stig, Fram í fjórða sæti en Akureyri í fimmta. Haukar enda árið á toppnum með 20 stig og FH og HK hafa 15 stig í öðru og þriðja sæti.
Við höfum verið að bæta okkur jafnt og þétt og verið að fá inn menn úr meiðslum. Þetta hefur mjatlað vel hjá okkur og vörnin hefur verið svakalega góð og við förum langt á henni sem er að vinna marga leiki fyrir okkur. Svo var þetta ekki alveg að falla með okkur í haust þar sem við vorum að tapa þessum jöfnu leikjum sem í fyrra voru að falla okkar megin, en þetta er meira að falla með okkur núna. Það gerði hins vegar ungu leikmönnunum okkar gott að þurfa að takast á við þessi verkefni og það er frábært að þeir séu núna reynslunni ríkari. Það er auðveldara að henda þeim inn á núna ef á þarf að halda. Við eigum líka ennþá menn inni og það er ansi gott að fá frí núna til að huga að líkamlega ástandinu, segir Atli.
Nánar er rætt við Atla um stöðu mála í N1-deildinni á íþróttasíðum Vikudags í dag. Einnig er þar að finna viðtöl við knattspyrnumennina Atla Sigurjónsson og Gísla Pál Helgason og skíðakappann Björgvin Björgvinsson.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.