Veruleg hækkun húsnæðisverðs á Akureyri
Hæsta meðalstaðgreiðsluverð á fermetra á Akureyri árið 2016 var í Naustahverfi eða að jafnaði um 308 þúsund krónur.
Húsnæðisverð á Akureyri hækkaði verulega í fyrra. Meðalstaðgreiðsluverð á fermetra á þriðja
ársfjórðungi 2017 í notuðu fjölbýli var 312 þúsund krónur á fermetra og hafði hækkað frá fyrra ári um 22% að raungildi. Þetta er meiri hækkun en var á sama tímabili á höfuðborgarsvæðinu þar sem fjölbýli í vísitölu Þjóðskrár Íslands hækkaði um rúmlega 17% að raungildi frá september 2016 til september 2017.
Þetta kemur fram í skýrslu Íslandsbanka um stöðuna á fasteignamarkaðnum á Akureyri.
Frá þriðja ársfjórðungi ársins 2013 og til þriðja ársfjórðungs 2017 hefur fermetraverð í fjölbýli á Akureyri hækkað um tæplega 65% á föstu verðlagi. Verð á nýbyggingum í fjölbýli hækkaði einnig mikið frá þriðja ársfjórðungi ársins 2016 til þriðja ársfjórðungs ársins 2017 eða um 17,6 % að raungildi. Í skýrslunni segir að á undanförnum misserum hafi fólki fjölgað á svæðinu sem skapar frekari eftirspurn eftir húsnæði.
Hæsta verðið í Naustahverfi
Við athugun á þróun íbúðaverðs á Akureyri var rýnt í verð á fjölbýli í hverfum bæjarfélagsins. Ekki liggja fyrir upplýsingar um verð íbúðarhúsnæðis eftir hverfum á árinu 2017 en hæsta meðalstaðgreiðsluverð á fermetra á Akureyri árið 2016 var í Naustahverfi eða að jafnaði um 308 þúsund krónur, en Naustahverfið er nýjasta hverfið í Akureyrarbæ. Næsthæsta verðið á árinu 2016 var í Giljahverfi eða 264 þúsund krónur á fermetra.
Veruleg hækkun húsnæðisverðs á Akureyri
„Áhugavert er að sjá að verðhækkunarhrina virðist hafa gengið yfir í Holta- og Hlíðahverfi, Síðuhverfi og Brekku og Innbæ árið 2015. Önnur hverfi sigldu í kjölfarið árið 2016,“ segir í skýrslunni.
Nýjast
-
Nýtt 80 rýma hjúkrunarheimili mun rísa við Þursaholt 2 á Akureyri.
Nýtt 80 rýma hjúkrunarheimili mun rísa við Þursaholt 2 á Akureyri. Inga Sæland, félags- og húsnæðismálaráðherra, og Ásthildur Sturludóttir, bæjarstjóri á Akureyri, undirrituðu samkomulag þess efnis í dag og skoðuðu byggingarstaðinn ásamt fulltrúum úr bæjarstjórn, öldungaráði og stjórn félags eldri borgara á Akureyri. -
Rómantík er nýjasta skógarafurðin
Á Facebooksíðu Skógræktarfélags Eyjafjarðar er skemmtileg frásögn, í henni er kastað fram hugmynd sem um er að gera að skoða hvort ekki eigi við hjá þér lesandi góður. -
Þorsteinn Már Baldvinsson lætur af störfum sem forstjóri Samherja
Þorsteinn Már Baldvinsson, forstjóri Samherja hf., ritaði í dag bréf til starfsfólks þar sem tilkynnti um ákvörðun sína um að láta af störfum sem forstjóri félagsins í júní næstkomandi. -
Tímamót hjá Sigríði Huld skólameistara VMA
Eins og fram hefur komið lætur Sigríður Huld Jónsdóttir af embætti skólameistara við Verkmenntaskólan á Akureyri mánaðarmótin júli, ágúst n.k. Heimasíða VMA tók viðtal við hana að þessu tilefni sem vefur Vikublaðsins fékk góðfúslegt leyfi til að birta hér. Á morgun, laugardaginn 24. maí, brautskráir Sigríður Huld Jónsdóttir skólameistari nítjánda nemendahópinn frá Verkmenntaskólanum á Akureyri. Þetta verður síðasta brautskráning hennar því hún hefur sagt starfi sínu lausu og mun formlega láta af störfum 31. júlí nk. Hún verður þó áfram í skólanum fram í ágúst til þess að ganga frá ýmsum lausum endum og leggja eftirmanni sínum lið fyrstu vikurnar í starfi. -
SÍMEY fagnaði 25 ára afmæli
Símenntunarmiðstöð Eyjafjarðar – SÍMEY er 25 ára á þessu ári. Þessara tímamóta var minnst í afmælishófi í húsakynnum SÍMEY á Akureyri í gær. Afmælishófið var í beinu framhaldi af ársfundi SÍMEY fyrir árið 2024 en þar kom fram að starfsemin hafi gengið mjög vel á liðnu ári og reksturinn hafi skilað rúmlega 10 milljóna króna jákvæðri niðurstöðu. -
Viðtalið - Hermann Jóhannesson nýr umdæmisstjóri í umdæmi 3 Isavia á Akureyrarflugvelli
„Það er í góðu lagi að láta sig dreyma stórt. Og brjóta svo draumaverkefnin niður í bita sem hver og einn kemur á sínum tíma. -
Hjördís Þórhallsdóttir ráðin þjónustustjóri atNorth á Akureyri
Hjördís Þórhallsdóttir hefur verið ráðin í starf þjónustustjóra hátæknigagnavers atNorth á Akureyri og hefur störf í júní. Viðamikil reynsla Hjördísar sem stjórnanda kemur að góðum notum við yfirstandandi stækkun gagnaversins sem kallar bæði á aukinn mannafla og eykur þjónustu þess. Meðal verkefna Hjördísar verður að tryggja farsæla innleiðingu nýrra viðskiptavina atNorth og sjá til þess að hæsta þjónustustig fyrirtækisins verði ávallt uppfyllt. -
Fer í veikindaleyfi
Ingvar Þóroddsson, þingmaður Viðreisnar í Norðausturkjördæmi, segir frá því á Facebook síðu sinni að hann þurfi að taka sér frí frá störfum og að hann væri á leið á Vog í áfengismeðferð -
Samherji gagnrýnir RÚV harðlega
Í tilkynningu á vefsíðu sjávarútvegsfyrirtækisins Samherja í dag er sett fram hörð gagnrýni á fréttaskýringu Ríkisútvarpinu sem var sett fram í þættinum, Þetta helst síðasta mánudag og í grein á vefsíðu fjölmiðilsins á miðvikudag.