Verðlaunamarkaður - Viðskiptatækifæri
Hreiðar Eiríksson veltir vöngum
Friðarverðlaun Nóbels fóru til einstaklings sem ég hafði áður ekki heyrt nefndan og vissi ekki til að hefði nokkurn skapaðan hlut lagt af mörkum í þágu friðar, hvorki staðbundin né heimsfriðar. Örugglega samt ágætur einstaklingur eins og nær allir þegnar heims.
Eftir að Donald Trump sótti inn í Venesúela þann sem þar hafði að flestra mati rænt þar völdum, stefndi í að hann ætlaði að setja sömu stjórnvöld í stól landsstjóra síns þar í landi. Sterk rök hníga að því fyrirkomulagi þó það sé vissulega ekki lýðræðisleg.
Handhafi Friðarverðlauna Nóbels kunni ráð við þessu og spilaði á barnaskap, hégómagirni og siðblindu Bandaríkjaforseta. Hún hreinlega gaf honum Friðarverðlaun Nóbels til eignar og kom sér þannig í mjúkinn hjá honum. Þannig gerði hún tilraun til að kaupa sér landsstjórastöðuna í Venesúela. Svo sjáum við til hvernig það mun ganga.
Allt í einu man ég eftir því að þegar ég útskrifaðist frá Lögregluskólanum árið 1988 fékk ég verðlaunabikar sem kallaður er "Íslenskubikarinn" og var veittur þeim útskriftarnemanda sem hafði fengið besta einkunn í íslensku. Þetta var að vísu farandbikar en hann hefur verið tekinn úr notkun (eins og sjá má á lögregluskýrslum nútímans) og ég get örugglega fundið hann. Svo er bara að ákveða hvort ég á að fara til Washington, gefa Bandaríkjaforseta ,,Íslenskubikarinn" og reyna að kaupa mér landsstjórastöðu á Grænlandi.
Auðvitað á maður ekki að flimta með grafalvarlega hluti - en grín hefur í allri mannkynssögunni verið notað til að kalla fram fáránleika hegðun manna og framgöngu samfélaga.
Nýjast
-
Verðlaunamarkaður - Viðskiptatækifæri
Friðarverðlaun Nóbels fóru til einstaklings sem ég hafði áður ekki heyrt nefndan og vissi ekki til að hefði nokkurn skapaðan hlut lagt af mörkum í þágu friðar, hvorki staðbundin né heimsfriðar. Örugglega samt ágætur einstaklingur eins og nær allir þegnar heims. -
VMA - Á lokasprettinum í bifvélavirkjuninni
Á annan tug nemenda stunda nám í bifvélavirkjun í VMA og er þetta síðasta önnin þeirra í náminu. Brautskráning er á dagskrá í lok maí nk. og sveinspróf í september. Það skiptir að sjálfsögðu gríðarlega miklu máli að útskrifa svo marga bifvélavirkja á einu bretti, ekki síst utan höfuðborgarsvæðisins, því mikill og viðvarandi skortur hefur verið á fagfólki í þessari grein. -
Í Boganum er hægt að ganga innandyra, í hlýju og öruggu umhverfi – óháð veðri og færð
„Með reglulegri göngu, jafnvel í stutta stund í senn, má bæta jafnvægi, styrkja vöðva og bein, draga úr líkum á byltum og viðhalda sjálfstæði til lengri tíma. Hreyfing hefur einnig jákvæð áhrif á hjarta- og æðakerfið, svefn, minni og líðan. Ekki síður skiptir máli að vera í félagsskap annarra,“ segir Héðinn Svarfdal, verkefnastjóri lýðheilsumála hjá Akureyrarbæ. -
Nýjar gönguleiðir á Norðurlandi eystra
Á síðasta ári var í gangi verkefni um skráningu gönguleiða á Norðurlandi eystra, sem unnið var af Markaðsstofu Norðurlands. Markmið verkefnisins var að koma á miðlægu og samræmdu skráningarkerfi fyrir gönguleiðir á svæðinu og tryggja ferðafólki áreiðanlegar upplýsingar til að auðvelda val á leiðum sem henta bæði byrjendum og reyndari göngufólki. Í verkefninu voru skráðar 20 gönguleiðir um allt Norðurland eystra sem stuðla að öruggri og ánægjulegri útivist. -
Heilbrigðiseftirlit Norðurlands eystra - Harma tafir á úrbótum
Heilbrigðisnefnd Norðurlands eystra harmar tafir sem orðið hafa á á nauðsynlegum úrbótum á svæði Skútabergs á Moldhaugnahálsi og bendir enn á ný á að umgengni um svæðið er með þeim hætti að það er verulegt lýti í umhverfinu. -
Ingibjörg Isaksen tilkynnir um framboð sitt til formennsku í Framsókarflokknum
Ingibjörg Isaksen, þingflokksformaður Framsóknarflokksins, býður sig fram til formanns á flokksþingi Framskónrflokksins en það fer fram a Hilton hótelinu um miðjan febrúar n.k. Þetta kemur fram í færslu sem Ingibjörg setti fram á Facebook rétt í þessu. -
Nýr samstarfssamningur SAk og RHA
Samstarfssamningur Sjúkrahússins á Akureyri (SAk) og Rannsóknamiðstöðvar Háskólans á Akureyri (RHA) hefur verið undirritaður. Með samningnum staðfesta SAk og RHA sameiginlegan vilja til að efla samstarf á sviði rannsókna og fræðastarfs. En frá þessu segir á www.sak.is í dag -
Tvær stórar aðgerðir á annasamri helgi -innbrot hjá byggingafyrirtæki og hótanir með skotvopni
Helgin var annasöm hjá lögreglu í umdæminu en auk hefðbundinna verkefna stóð lögregla í tveimur stórum aðgerðum. -
EM í handbolta og lestrarkennsla
Hvað skyldu tvö mest ræddu mál þessarar viku eiga sameiginlegt. Kíkjum aðeins á það og skoðum hvernig þessi mjög svo aðskildu mál tengjast.
