Vaðlaheiðargöng munu skipta miklu máli fyrir svæðið
Oddný G. Harðardóttir fjármálaráðherra segir að Vaðalheiðargöng muni skipta miklu máli fyrir svæðið fyrir norðan, bæði vegna öruggari samgangna yfir vetrartímann og styttingu aksturleiða en einnig sem tenging á milli atvinnusvæða. Það atriði er enn mikilvægara nú vegna uppbyggingar og markaðssetningar iðnaðarsvæðisins á Bakka. Samgöngubót sem Vaðlaheiðargöng mun nýtast vel við þá uppbyggingu og greiða leið á milli atvinnusvæða á Norðurlandi, sagði fjármálaráðherra.
Þetta kom fram í fyrirspurnatíma á Alþingi í dag, þar sem Höskuldur Þórhallsson þingmaður Framsóknarflokksins í Norðausturkjördæmi var málshefjandi og spurði fjármálaráðherra um stöðu mála varðandi göngin.
Fjármálaráðherra sagði alls staðar þar sem göng eru tekin í notkun aukist umferð til muna og því sé spurt hvort þróunin varðandi þessi göng verði með öðrum hætti. Slíkum framkvæmdum sem Vaðlaheiðargöngum fylgir alltaf einhver áhætta en samkvæmt niðurstöðu IFS Greiningar þá mun sú fjárhagslega minnka um leið og eigið fé félagsins er aukið. Frumvarp um veitingu lánsins til verkefna félagsins er tilbúið í ráðuneytinu en eins og gert er ráð fyrir þá óskaði fjármálaráðuneytið eftir umsögn ríkisábyrgðarsjóðs um frumvarpið og er viðbragða hans að vænta á allra næstu dögum. Frumvarpið fer fyrir ríkisstjórn þegar umsögn sjóðsins liggur fyrir og nú fer hver að verða síðastur að leggja fram frumvörp fyrir yfirstandandi þing, þannig að ekki eru margir dagar til stefnu, sagði fjármálaráðherra.
Auk Höskuldar tóku fjölmargir þingmenn þátt í umræðunni og voru þeir flestir fylgjandi því að ráðist verði í framkvæmdina. Guðfríður Lilja Grétarsdóttir þingmaður VG og formaður umhverfis- og samgöngunefndar talaði gegn framkvæmdinni sem fyrr og það gerði Ásbjörn Óttarsson þingmaður Sjálfstæðisflokksins einnig.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.