Um 29 milljóna króna halli á rekstri FSA fyrstu sjö mánuðina
Breytileg yfirvinna hefur lækkað um 15% á milli ára og stöðum hefur fækkað að meðaltali um 23. Almenn rekstrargjöld eru 849 milljónir og hafa hækkað um rúm 25% á milli ára. Almenn rekstrargjöld hafa farið um 15 milljónir framúr áætlun eða 1,8%. S-merkt lyf hafa hækkað um 96%, bæði vegna gengis og magnaukningar og eru um 23 milljónir umfram áætlun, þar af eru um 7 milljónir vegna gengisbreytinga. Sértekjur nema 396 milljónum og eru 3,6% lægri en áætlað var eða 14,4 milljónir. Það stafar m.a. af því að ekki varð af fjölgun gerviliðaaðgerða um 60 sem gert hafði verið ráð fyrir í áætlun en einnig hefur sala á almennum rannsóknum og myndgreiningum dregist saman.
Starfsemi tímabilsins er nokkru minni en var á síðasta ári. Legudögum hefur fækkað um 15,6% og aðgerðum um 19,6%. Fjöldi sjúklinga hefur þó aukist um 0,9% og fæðingum hefur fjölgað um 6,6%. Almennt hefur rannsóknum fækkað og sama er að segja um ferliverk og slysadeildarkomur. Eins og oft áður hafa forsendur fjárlaga ekki staðist og á það einkum við um gengisþróun, segir í frétt vef FSA. Þegar áhrif gengis og verðlags hafa verið reiknuð og borin saman við forsendur fjárlaga kemur í ljós að kostnaðaraukning vegna þess er um 45 milljónir króna. Hefðu forsendur staðist hefði því verið um 17 milljóna króna afgangur af rekstri í lok júlí eða 0,7%. Rekstrarstaðan eftir 7 mánuði sýnir að áætlanir hafa gengið eftir og umtalsverður árangur hefur náðst í lækkun kostnaðar. Það verður þó verkefni næstu mánaða að ná niður þeim rekstrarhalla sem þegar er orðinn auk þess sem fyrirséðar eru frekari lækkanir á fjárlögum ársins 2010.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.