Tugir fólks heimilislausir á Akureyri
Erfiðlega hefur gengið að finna hentugan stað fyrir smáhýsi fyrir heimilislausa á Akureyri.
Alls eru 41 einstaklingur heimilislaus á Akureyri samkvæmt úttekt bæjaryfirvalda. Þar af eru 32 karlar og 9 konur. Þrettán af þessum einstaklingum eru í langtímabúsetuúrræði en 28 á götunni. Sigríður Huld Jónsdóttir bæjarfulltrúi hóf umræðu um málið á síðasta bæjarstjórnarfundi og gerði grein fyrir þessum tölum um fjölda heimilislausra.
Bæjaryfirvöld á Akureyri óskuðu eftir upplýsingum frá félagsráðgjöfum á fjölskyldusviði, starfsfólki búsetusviðs og lögreglunnar á Akureyri til að áætla hversu margir heimilislausir væru í bænum. Mikil umræða hefur verið um heimilislausa eftir að Akureyrarbær fyrirhugaði að reisa smáhýsi fyrir fólkið í nýju hverfi í Naustahverfi en þær fyriráætlanir mættu hörðum viðbrögðum íbúa í hverfinu. Því var hætt við þær áætlanir. Áður hafði staðsetning smáhýsa við Norðurgötu á Oddeyrinni verið harðlega gagnrýnd þar sem staðurinn þótti ekki nægilega góður fyrir heimilislausa.
Nauðsynlegt að setja upp áfangaheimili
Sigríður Huld sagði mikilvægt að koma upp áfangaheimili á Akureyri til þess að taka á móti fólki sem er að koma úr meðferð. Með því sé hægt að koma í veg fyrir að fólk endi á götunni. „Það eru engin úrræði í boði í bænum fyrir fólk sem kemur úr meðferð og þeirra bíður oft bara gamli dópsalinn við hornið. Þessu verður að breyta,“ sagði Sigríður Huld.
Þeir bæjarfulltrúar sem tóku til máls á fundinum voru allir sammála um að áfangaheimili væri gríðarlega mikilvægt og fari þurfi í þá vinnu sem fyrst.
Sóley Björk Stefánsdóttir bæjarfulltrúi sagði umræðuna um smáhýsi vera búna að veltast vandræðalega lengi í kerfinu. Guðmundur Baldvin Guðmundsson formaður bæjarráðs lagði til að hugaði yrði að grunnvinnu; forvörnum, og auka sérstaklega forvarnir hjá yngri börnum og farið verði m.a. inn í grunnskólana með fræðslu.
Preben Jón Pétursson bæjarfulltrúi lagði til að byggð yrðu smáhýsi við Norðurtanga eins og til stóð í fyrstu á meðan leitað væri varanlegri lausna. „Setjum þessu smáhýsi niður í stað þess að gera ekki neitt. Því það getur tekið 2-3 ár að leysa málið,“ sagði Preben Jón.
-þev
Nýjast
-
Ársfundur HSN
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu.