Tónlist, myndlist og söguganga í boði á Listasumri
"Víst skaltu öllum veraldar sorgum gleyma". Söngtónleikar á Tónlistarhlaðborði í Ketilhúsinu á föstudag 31. júlí kl. 12. Björg Þórhallsdóttir, sópran og Elísabet Waage, hörpuleikari flytja íslensk þjóðlög í útsetningu Þorkels Sigurbjörnssonar ásamt sönglögum eftir Árna Thorsteinsson, Sigvalda S. Kaldalóns, Jón Ásgeirsson, Hreiðar Inga Þorsteinsson og Guðrúnu Ingimundardóttur. Aðgangseyrir kr. 1.500.
31. júlí - 3. ágúst. Ein með öllu og allt undir. Fjölskylduhátíð á Akureyri. Nánari upplýsingar um dagskrá á http://vikudagur.is/www.visitakureyri.is Tónleikar með hljómsveitinni Hjálmum verður á Græna hattinum föstudaginn 31. júlí kl. 21.30.
Hvað verður alltaf um hinn sokkinn eftir þvott? Sokkaskrímslið ógurlega skartar sínu fegursta á Ráðhústorgi kl. 14, laugardaginn 1. ágúst og gengur sem leið liggur eftir göngugötunni upp í Listagil. Jonna í samvinnu við Saumakompuna hefur hannað búninginn sem Anna Gunndís klæðist úr hinum sokknum.
Laugardaginn 1. ágúst kl. 14 opnar María Sigríður Jónsdóttir sýninguna "Vökudraumar" á svölunum í Ketilhúsinu. María er fædd á Akureyri og stundaði nám í Flórens á Ítalíu 1994-1998, þar sem hún hefur búið síðan. "Hin mildu hughrif verka Maríu líða ljúflega áfram. Skínandi björt og fíngerð hægja þau á tímans rás og bjóða áhorfandanum í friðsæla heiðríka ferð þar sem fjallagyðjur, blóm, föll og fuglar hvetja okkur til að líta heiminn nýju ljósi... Og við stöldrum við til að virða fyrir okkur verk hennar og finna nýjan lífstakt vökudraumanna", skrifar Francesca Marini, listfræðingur um verk Maríu.
Laugardaginn 1. ágúst kl. 14 opna þær Guðrún Halldórsdóttir og Halldóra Helgadóttir samsýningu í aðalsal Ketilhússins. Sýningin sem ber yfirskriftina "Náttúra og mannlíf" er undir handleiðslu Aðalsteins Ingólfssonar og Björn Björnsson er sýningarstjóri. Guðrún sem hefur verið búsett í Bandaríkjunum umliðin ár, en er nú flutt heim sýnir skúlptúra í naivískum stíl sem hún kallar mannlífið, einskonar þverskurður af mannlífi. Halldóra málar sem hún kallar óræktina á Íslandi, fíflana og fífurnar sem koma úr grýttum jarðvegi.
Minjasafnið á Akureyri býður upp á sögugöngu um Innbæinn, laugardaginn 1. ágúst kl. 14. Guðrún Hadda Bjarnadóttir opnar sýningu í Gallerí Haughúsi á Þórisstöðum, Svalbarðsströnd, laugardaginn 1. ágúst kl. 14. Opnun á sýningu Sebastian Montero og Steven Lepriol í Gallerí BOX, laugardaginn 1. ágúst kl. 15. Opnun á sýningu Aðalsteins Vestmanns í Jónas Viðar Gallery, laugardaginn 1. ágúst kl. 15. Opnun á sýningu Þórgunnar Oddsdóttur á Café Karólínu, laugardaginn 1. ágúst kl. 15.
Laugardaginn 1. ágúst kl. 15 opnar samsýning 6 listamanna í Deiglunni undir yfirskriftinni "Sex sýna". "Hver er kynlægur munur á túlkun, er hægt að tala um kyntúlkun. Það er talað endalaust um að við sjáum, skiljum og gerum hluti eftir því hvers kyns við erum. En gerum við það? Hvernig sér myndlistamaður/-kona þetta eða hitt? ER í raun kynlægur munur á túlkun? Sýnendur eru þrír karlmenn og þrjár konur: Ása Óla, Dagrún Matthíasdóttir, Sigurlín M. Grétarsdóttir, Margeir Sigurðsson, Ólafur Sveinsson og Trausti dagsson.
Sumartónleikar í Reykjahlíðarkirkju við Mývatn, laugardaginn 1. ágúst kl. 21. Flytjendur: Hafdís Vigfúsdóttir, flauta og Kristján Karl Bragason, píanó. 1.-2. ágúst: Ásbyrgi, Gljúfrastofa-Vatnajökulsþjóðgarður: Verslunarmannahelgi í Ásbyrgi. Nánar á http://vikudagur.is/www.nordausturland.is Laugardaginn 1. ágúst opnar sýningin "Kvörn" í Verksmiðjunni á Hjalteyri. Á sýningunni eru verk eftir stofnendur Verksmiðjunnar og einn gest. Þetta eru: Aðalheiður S. Eysteinsdóttir, Arnar Ómarsson, Arna Valsdóttir, A.P.E. Clémentine Roy, Gustav Geir Bollason, Hlynur Hallsson, Jón Laxdal, Jóna Hlíf Halldórsdóttir, Knut Eckstein, Lene Zachariassen, Véronique Legros og Þórarinn Blöndal.
Opnun sýningar Knut Eckstein í Gallerí +, Brekkugötu 35 hefur verið frestað um einn dag m.v. upplýsingar í Listasumarsbæklingi. Opnunin verður því sunnudaginn 2. ágúst kl. 15. Sýningin nefnist "Summer of Love" og stendur til og með 9. ágúst. Knut Eckstein er starfandi listamaður í Berlín og er þetta önnur sýning hans í Gallerí +. Markaðsdagur í Gamla bænum í Laufási, mánudaginn 3. ágúst kl. 14-17. Nánar um dagskrá Listasumars á http://vikudagur.is/www.listagil.akureyri.is
Nýjast
-
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna.