Tjaldsvæðisreitur - Lágmarksverð fyrir byggingarétt tæplega 300 milljónir króna
Akureyrarbær hefur samþykkt að leita eftir kauptilboðum í byggingarrétt þriggja lóða fyrir íbúðarhús á svokölluðum Tjaldsvæðisreit.
„Við rennum svolítið blint í sjóinn, þetta er ný aðferð hjá okkur og við vitum auðvitað ekki hvað kemur út úr þessu útboði,“ segir Pétur Ingi Haraldsson skipulagsfulltrúi Akureyrarbæjar. Samþykkt hefur verið að leita eftir kauptilboðum í byggingarrétt þriggja lóða fyrir íbúðarhús á svokölluðum Tjaldsvæðisreit. Frestur til að sækja um lóðirnar rennur út á hádegi þann 12. febrúar næstkomandi. Ekki verður hægt að bjóða eingöngu í eina lóð heldur eru þær boðnar út sem ein heild.
Pétur Ingi segir að deiliskipulagi á reitnum sé ekki lokið en hún verður áfram í höndum bæjarins en í samvinnu við þann verktaka sem fær lóðirnar. „Það er einfaldara að vinna með einum aðila í þessu verkefni en ef þeir væru margir. Þess vegna var þessi leið farin,“ segir hann. Lóðirnar sem um ræðir eru við Byggðaveg 102 til 110, Hrafnagilsstræti 20/Þórunnarstræti 95-101 og við Þórunnarstræti 105.
Eitt til fimm stakstæð hús á hverjum reit
Á þeirri fyrst nefndu er gert ráð fyrir fjórum stakstæðum íbúðarhúsum á fjórum hæðum með sameiginlegum bílakjallara. Á þeirri næstu er gert ráð fyrir fimm stakstæðum íbúðarhúsum á fjórum hæðum með sameiginlegum bílakjallara. Á síðast töldu lóðinni er gert ráð fyrir einu stakstæðu íbúðarhúsi á þremur hæðum með 15-17 íbúðum. Miðað er við að í húsinu verði almennar íbúðir sem falla undir ákvæði um hlutdeildarlán eða að íbúðirnar verði seldar sem heild til óhagnaðardrifins félags. Alls verða á lóðinni á bilinu frá 150 til 180 íbúðir.
Lágmarksverð fyrir byggingarrétt lóðanna er samtals rúmlega 295 milljónir króna miðað við janúar 2026, byggingarréttargjald hækkar eða lækkar 1. hvers mánaðar samkvæmt byggingarvísitölu Hagstofu Íslands. Byggingaréttargjald fyrir fyrst töldu lóðina er að lámarki tæplega 137 milljónir, tæplega 131 milljónir frá þá næstu og ríflega 27 milljónir fyrir þá síðast töldu. Pétur Ingi segir að verðið sé miðað við gjaldskrá Akureyrarbæjar.
Reitnum er skipt niður í þrjá hluta og verða á hverjum þeirra frá einum og upp í fimm stakstæð hús.
Spennt að sjá hver áhuginn verður
„Við erum spennt að sjá hvað kemur út úr þessu, en vitum svo sem ekki enn hvernig þessi aðferð virkar, hún er nýjung hjá okkur, en það verður gaman að sjá hver áhuginn verður,“ segir hann.
Miðað er við að forsendur þess deiliskipulags sem hefur verið útfært frá því að ferlið hófst árið 2023 haldist í megindráttum en gert er ráð fyrir að lokaferli deiliskipulags fyrir svæðið verði unnið í samvinnu við þann aðila sem fær lóðunum úthlutað.
Nýjast
-
Tjaldsvæðisreitur - Lágmarksverð fyrir byggingarétt tæplega 300 milljónir króna
„Við rennum svolítið blint í sjóinn, þetta er ný aðferð hjá okkur og við vitum auðvitað ekki hvað kemur út úr þessu útboði,“ segir Pétur Ingi Haraldsson skipulagsfulltrúi Akureyrarbæjar. Samþykkt hefur verið að leita eftir kauptilboðum í byggingarrétt þriggja lóða fyrir íbúðarhús á svokölluðum Tjaldsvæðisreit. Frestur til að sækja um lóðirnar rennur út á hádegi þann 12. febrúar næstkomandi. Ekki verður hægt að bjóða eingöngu í eina lóð heldur eru þær boðnar út sem ein heild. -
Eyjafjarðarsveit Íslendingar 90% gesta á tjaldsvæði
Íslendingar eru yfirgnæfandi fjöldi gesta á tjaldsvæði Eyjafjarðarsveitar í Hrafnagilshverfi. Þetta sýnir tölfræðin frá síðasta ári. -
Uppstilling hjá Samfylkingu í Norðurþingi fyrir sveitarstjórnarkosningar 16. maí n.k.
Félagsfundur Samfylkingarinnar í Norðurþingi samþykkti einróma tillögu stjórnar um að viðhöfð verði uppstilling sem aðferð við val á framboðslista flokksins í Norðurþingi fyrir sveitarstjórnarkosningar þann 16. maí 2026. -
KEA og EBAK hefja samstarf um þróunarverkefni á íbúðamarkaði
KEA og EBAK – Félag eldri borgara á Akureyri, fyrir hönd óstofnaðs félags ÍBA 55+, hafa undirritað viljayfirlýsingu um samstarf um undirbúning og þróun íbúðakjarna fyrir fólk 55 ára og eldra á Akureyri. Markmið samstarfsins er að kanna forsendur fyrir uppbyggingu sjálfstæðs búsetuforms sem leggur áherslu á lífsgæði, gott aðgengi, sjálfbærni og sterk tengsl við nærsamfélagið. Verkefnið mun meðal annars byggja á hugmyndum um svokallaða lífsgæðakjarna og "íbúðir út lífið", þar sem íbúðir og sameiginleg rými styðja við virkt samfélag eldri borgara og gerir þeim kleift að búa á sínu heimili sem lengst. Gert er ráð fyrir að skipaður verði sameiginlegur undirbúningshópur sem vinni að greiningu á eftirspurn, greiðslugetu og búsetuþörfum, kanni mögulegar staðsetningar og eigi samtal við skipulagsyfirvöld. Niðurstöður þeirrar vinnu geta, ef forsendur reynast hagfelldar, leitt til stofnunar formlegs undirbúnings- og þróunarfélags sem taki til frekari þróunar og undirbúnings framkvæmda. -
Ágætis horfur fyrir sumarið en barátta við árstíðarsveiflur
„Það hefur verið vöxtur í ferðaþjónustu á svæðinu, ekki mjög ör en aukning og það er jákvætt. Millilandaflug beint til Akureyrar vegur þungt hvað þann vöxt varðar en fleiri þættir skipta einnig máli. Liðið ár kom alveg þokkaleg út, þrátt fyrir að blikur væru á lofti í byrjun þess og útlitið fyrir nýhafið ár eru ágætar,“ segir Halldór Óli Kjartansson starfandi framkvæmdastjóri Markaðsstofu Norðurlands. Nú í vikunni hefur staðið yfir stærsti viðburður íslenskrar ferðaþjónustu, Ferðaþjónustuvikan sem lauk með Mannamótum Markaðsstofa landshlutanna í gær, fimmtudag. -
Hugurinn og hjartað er hjá börnum á Gaza
Ragnheiður Steindórsdóttir stjórnarmaður í Vonarbrú fékk heilablóðfall á Spáni. Biðlar til fólks að styrkja félagið. -
„Mjög dýrmætt að raddir kvennanna sjálfra heyrist“
Gagnaöflun er nú lokið í samnorræna rannsóknarverkefninu Enhancing labour opportunities for Ukrainian women in rural Nordic communities, sem Rannsóknamiðstöð Háskólans á Akureyri leiðir. Verkefnið beinist að stöðu úkraínskra flóttakvenna á vinnumarkaði í dreifðari byggðum á Norðurlöndum. Að sögn Sæunnar Gísladóttur, sérfræðings hjá RHA, hefur verkefnið verið bæði lærdómsríkt og gefandi. Sæunn hefur unnið að verkefninu ásamt Mörtu Einarsdóttur, sérfræðingi hjá RHA. -
Einni milljón úthlutað til KAON úr minningarsjóð Baldvins
Einni milljón króna úthlutað til Krabbameinsfélags Akureyrar og nágrennis úr minningarsjóði Baldvins í dag, 15. janúar sem er afmælisdagur Baldvins. -
Berglind Ósk Guðmundsdóttir vill leiða lista Sjálfstæðisflokksins á Akureyri í sveitarstjórnarkosningunum næsta vor
Berglind Ósk Guðmundsdóttir, fyrrverandi alþingismaður, tilkynnti í morgun að hún gæfi kost á sér í oddvitasæti lista Sjálfstæðisflokksins í sveitarstjórnarkosningunum n.k vor.
