Tilraunaboranir á sorphaugunum á Glerárdal hefjast í apríl
„Við höfum aflað tilboða í borun þriggja rannsóknarhola og til stendur að þær verði boraðar innan skamms eða í apríl," segir Franz. Norðurorka sótti í ágúst á síðasta ári um heimild til að kanna nánar hauggas á sorphaugunum á Glerárdal og í framhaldi af því var samþykkt að ganga til samninga við fyrirtækið. Franz segir að til séu áætlanir um magn gass á haugsvæðinu og samkvæmt þeim er gert ráð fyrir að unnt sé að vinna þar verulegt magn af hauggasi. „Nú þurfum við að staðfesta þessa útreikninga með borun rannsóknarhola," segir hann en úrvinnslu allra gagna á að ljúka fyrir lok þessa árs.
Það þarf að hreinsa hauggasið þannig að eftir verði metangas sem ef til vill gæti nýst hugsanlegri koltrefjaverksmiðju á Akureyri, en Franz segir að einnig megi nota gasið sem eldsneyti á bíla, „en sú nýting ein og sér er langt frá því arðbær eins og sakir standa."
Hauggas og þá einkum metangas er afar óæskilegt efni, það megnar lofthjúp jarðar og er yfir 20 sinnum skaðlegra en koltvísýringur. Gasið sígur upp á yfirborðið og fer á endanum allt út í andrúmsloftið sé ekkert að gert. „Sumstaðar safna menn gasinu frá sorphaugum og brenna því án þess að nýta það frekar og er sú aðgerð þá ætluð til að draga úr mengun lofthjúpsins," segir Franz
Gert er ráð fyrir að kostnaður við rannsóknir geti numið allt að 8 milljónum króna. Stofnkostnaður við virkjun borhola og hreinsibúnað er hinsvegar áætlaður um 250 milljónir króna og segir Franz ólíklegt að vinnsla hefjist fyrr en stór viðskiptavinur finnst, eða fjöldi ökutækja sem nýtt geta metangas sem eldsneyti, í það minnsta hundraðfaldast hér á svæðinu. „Við teljum hins vegar að fyrirtækið, sem orkuframleiðandi hafi hagsmuni af og beri einnig skylda til að kanna þessa orkulind," segir Franz.
Nýjast
-
Minningarbekkur í Birtugerði
Minningarbekkur til heiðurs systkinunum Huldu Benediktsdóttur (f. 1938) og Sigurjóni Benediktssyni (f. 1936) hefur verið vígður í Lónsbakkahverfinu í Hörgársveit. -
Geislameðferð sem lífsbjörg
Ég held að við upplifum flest áhyggjur þegar við lesum fréttir af því að bið fólks með krabbamein eftir því að komast í geislameðferð sé orðin tvöfalt lengri en sú hámarksbið sem miðað er við. Flest þekkjum við til og vitum hversu mikið álag er á fólki sem gengur í gegnum þessa erfiðu meðferð og sömuleiðis á ástvini þess. Það er hálfóhugsandi að ímynda sér stöðu þeirra sem hafa lokið lyfjameðferð og bíða bara eftir að geta haldið áfram sinni meðferð við þennan lífsógnandi óvin. -
Alls 100 kg af rusli fjarlægð úr fjörunni
Í liðinni viku stóðu starfsmenn PCC á Bakka við Húsavík fyrir ruslahreinsun utan athafnasvæðis fyrirtækisins í samstarfi við Ocean Missions -
Lagt til að heimgreiðslur verði festar í sessi
Alls fengu foreldrar 81 barns heimgreiðslur frá Akureyrarbæ árið 2024. Greiðslur námu tæplega 38,6 milljónum króna. Á tímabilinu janúar til maí á þessu ári hafa foreldrar 61 barns fengið heimgreiðslur að upphæð 15,5 milljónir króna. -
Sumarið er byrjað í Hlíðarfjalli
Sumaropnun í Hlíðarfjalli hefst í dag, 8. júlí, og stendur til 6. september. -
Afmæliskaffi GA í gær - sex nýir heiðursfélagar GA
Afmæliskaffi GA í tilefni 90 ára afmælis klúbbsins á árinu var haldið í golfskálanum að Jaðri í gær kl.14:00. -
Ferro Zink og Metal sameinast
Skrifað hefur verið undir samninga um sameiningu á Ferro Zink og Metal með fyrirvara um samþykki hluthafafunda og Samkeppniseftirlitsins. Með sameiningu þessara tveggja rótgrónu fyrirtækja verður til eitt öflugasta þjónustufyrirtæki á sviði iðnaðar á landinu með yfir 70 starfsmenn og starfsstöðvar á Akureyri og á höfuðborgarsvæðinu en ársvelta þessara félaga var samtals tæpir 5 milljarðar í fyrra. -
Tvö tilboð í lóðir við Hofsbót
Tilboð bárust frá tveimur lögaðilum í lóðirnar við Hofsbót 1 og 3, en frestur til að sækja um rann út í gær. Þeir sem buðu voru annars vegar SS Byggir sem bauð 251 milljón króna í lóðirnar og Sigtún Þróunarfélag bauð 235 milljónir. -
Hálsmelar – Falin útivistarperla
Þingeyjarsveit vill benda íbúum á einstakt útivistarsvæði sem margir hafa ekki enn uppgötvað, Hálsmelana. Árið 2022 var vígður 1,4 km langur göngustígur sem liggur um melana og býður upp á nærandi útivist í afar fallegu umhverfi.
