Tilkynning: Kría og Drift EA í samstarf
Hrönn Greipsdóttir, forstjóri NSK og Sesselja Barðdal, framkvæmdastóri Drift við undirritun samnings á Akureyri
Nýsköpunarsjóðurinn Kría og Drift EA hafa gert með sér samstarfssamning til eflingar á frumkvöðlastarfi og nýsköpunar á Íslandi. Með þessu samstarfi styður Nýsköpunarsjóðurinn Kría við starfsemi Driftar EA og tekur virkan þátt í að styrkja umgjörð nýsköpunar og vaxtarmöguleika sprotafyrirtækja á landsvísu. Eins mun Drift EA hafa aðgengi að aðstöðu hjá Kríu þegar þau heimsækja höfuðborgarsvæðið.
Frá þessu segir í tilkynningu sem fjölmiðlum barst nú rétt í þessu, þar segir ennfremur: ,,Drift EA er kraftmikil miðstöð frumkvöðla og nýsköpunar, þar sem samfélag og aðstaða skapa frjósaman jarðveg fyrir hugmyndir til að þroskast og vaxa. Með stuðningi Kríu styrkist umgjörðin enn frekar og verða tengsl við sprota- og fjárfestasamfélagið á Íslandi efld.
Kría leggur áherslu á að styðja þar sem markaðsbrestur er mestur og þar sem opinber stuðningur getur haft mest áhrif. Sjóðurinn fjárfestir beint í sprota- og nýsköpunarfyrirtækjum, veitir breytanleg lán og tekur þátt í fjárfestingasjóðum, með það að markmiði að brúa bilið milli frumskóga nýsköpunar og markaðarfjárfestinga.
Hrönn Greipsdóttir, forstjóri Nýsköpunarsjóðsins Kríu
„Það er okkur mikilvægt að ná til landsbyggðanna og með því að ganga til liðs við bakhjarla Drift vonumst við til að tengsl okkar við Norðurland eflist enn frekar. Nýsköpun á sér ekkert síður stað úti á landsbyggðinni en á höfuðborgarsvæðinu og því er okkur mikilvægt að ná til frumkvöðla sem eru að leita eftir því að koma sinni vöru eða þjónustu á framfæri við fjárfesta og tengingin við Drift eflir sjóðinn í þeirri vegferð.“
Sesselja Barðdal Reynisdóttir, framkvæmdastjóri Drift EA
„ Það er mikill akkur að fá Nýsköpunarsjóðinn Kríu til liðs við Drift ea í þessu mikilvæga samstarfi. Með sameiginlegu átaki styrkjum við umgjörðina sem frumkvöðlar og sprotafyrirtæki á Norðurlandi geta byggt á og eflum tengslin við fjárfesta og nýsköpunarsamfélagið á landsvísu. Nýsköpun á Norðurlandi hefur mikið fram að færa og á fullt erindi á stóra sviðið. Við erum sannfærð um að þessi samvinna muni skapa ný tækifæri fyrir hugmyndir og verkefni á starfssvæði Driftar til að vaxa og dafna."
Nýsköpunarsjóðurinn Kría og Drift EA fagna samstarfinu og líta svo á að samvinnan marki jákvætt skref í áframhaldandi uppbyggingu nýsköpunar um land allt."
Nýjast
-
Tilkynning: Kría og Drift EA í samstarf
Nýsköpunarsjóðurinn Kría og Drift EA hafa gert með sér samstarfssamning til eflingar á frumkvöðlastarfi og nýsköpunar á Íslandi. Með þessu samstarfi styður Nýsköpunarsjóðurinn Kría við starfsemi Driftar EA og tekur virkan þátt í að styrkja umgjörð nýsköpunar og vaxtarmöguleika sprotafyrirtækja á landsvísu. Eins mun Drift EA hafa aðgengi að aðstöðu hjá Kríu þegar þau heimsækja höfuðborgarsvæðið. Frá þessu segir í tilkynningu sem fjölmiðlum barst nú rétt í þessu, þar segir ennfremur -
Tilkynning: Kría og Drift EA í samstarf
Nýsköpunarsjóðurinn Kría og Drift EA hafa gert með sér samstarfssamning til eflingar á frumkvöðlastarfi og nýsköpunar á Íslandi. Með þessu samstarfi styður Nýsköpunarsjóðurinn Kría við starfsemi Driftar EA og tekur virkan þátt í að styrkja umgjörð nýsköpunar og vaxtarmöguleika sprotafyrirtækja á landsvísu. Eins mun Drift EA hafa aðgengi að aðstöðu hjá Kríu þegar þau heimsækja höfuðborgarsvæðið. Frá þessu segir í tilkynningu sem fjölmiðlum barst nú rétt í þessu, þar segir ennfremur -
Jól í skókassa
Enn á ný er kvatt til þátttöku í verkefninu Jól í skókassa. Þetta er tuttugasta og annað árið í röð sem það er haldið. Á þessum rúmlega 20 árum höfum við sent börnum og ungmennum í Úkraínu um það bil eitt hundrað þúsund jólagjafir. -
Sorglegt að málið hafi farið í þennan farveg
„Þetta er afskaplega sorglegt mál og leitt til þess að hugsa að það hafi farið í þennan farveg, því vel var hægt að grípa inn í miklu fyrr,“ segir Leifur Þorkelsson framkvæmdastjóri Heilbrigðiseftirlits Norðurlands. Íbúðarhús að Hamaragerði 15 á Akureyri var boðið upp í vikunni, en HNE hefur staðið í miklu stappi við lóðarhafa um að sinna tiltekt á lóðinni sem er full af bílum í mismunandi ástandi. Um var að ræða framhaldssölu, en upphaf uppboðs hafði þá þegar farið fram. -
Borun á Ytri Haga
Á heimasíðu Norðurorku er í dag ítarleg og fræðandi frásögn af borun á fyrstu djúpu vinnsluholunni við Ytri-Haga á Árskógsströnd. Holan var boruð í sumar og sáu starfsfólk Ræktunarsambands Flóa og Skeiða um verkið og jarðborinn Sleipnir notaður. -
Gott ferðamannasumar í Hrísey
Fjöldi ferðamanna sem leggur leið sína til Hríseyjar að sumarlagi hefur aukist jafnt og þétt um árin, jafnt þeir sem koma í dagsheimsóknir og þeir sem dvelja lengur. Því fylgja bæði tækifæri og áskoranir segir í fundargerð Hverfisnefndar Hríseyjar. Þrjár hátíðir voru haldnar í Hrísey á liðnu sumri og gengu allar vel. -
Nýr slökkviliðsbíll til Grímseyjar
Fjórum nýjum, sér útbúnum slökkvibílum hefur verið ekið á fjóra innanlandsflugvelli víða um land þar sem þeir verða afhentir til notkunar. Bílarnir verða notaðir til viðbragðs á flugvöllunum á Bíldudal, Gjögri, í Grímsey og á Hornafirði. Bílarnir eru af gerðinni Ford F550 og voru gerðar á þeim breytingar í Póllandi -
Verkmenntaskólinn á Akureyri - Sveinspróf í vélvirkjun um liðna helgi
Um liðna helgi var sveinspróf í vélvirkjun í húsakynnum málmiðnbrautar VMA. Sveinsprófinu var skipt upp í skriflegt próf, smíðaverkefni, bilanaleitarverkefni, slitmælingarverkefni, suðuverkefni, frágang smíðaverkefnis og vinnuhraða við smíðaverkefnið og var hver þáttur metinn sérstaklega. Standast þurfti alla prófþætti prófsins til að ljúka sveinsprófinu. -
„Fyrir fólk sem vill upplifa eitthvað einstakt“
Matur, hönnun og nýsköpun á HönnunarÞingi 2025