Þorvaldur lætur af starfi forstjóra FSA
Sjúkrahúsið á Akureyri. Mynd: Hörður Geirsson.
Þorvaldur Ingvarsson forstjóri Sjúkrahússins á Akureyri segir í pistli til samstarfsmanna sinna, að hann hafi ákveðið að þiggja ekki tímabundna stöðu forstjóra þar sem líklegt sé að breytingar verði á búsetu sinnar fjölskyldu í sumar. Eins og þið vitið þá var um miðjan desember sl. auglýst laust til umsóknar starf forstjóra, tímabundið til eins árs, vegna leyfis Halldórs Jónssonar. Að beiðni velferðarráðuneytisins þá hef ég gegnt starfinu frá 1. maí síðastliðnum en skipun mín rann út um áramótin. Þessi tími hefur verið ánægjulegur og gefandi, mér finnst að við höfum öll komið miklu í verk og þið hafið staðið ykkur frábærlega á þessum niðurskurðartímum. Ennþá getum við veitt sjúklingum góða þjónustu, það er ykkur að þakka, segir Þorvaldur.
Hann segist jafnframt hafa ákveðið að þiggja ekki tímabundna stöðu forstjóra þar sem líklegt sé að breytingar verði á búsetu sinnar fjölskyldu í sumar. Með því að starfa ekki sem forstjóri geti ég unnið meira sem bæklunarlæknir við sjúkrahúsið að minnsta kosti enn um sinn. Þetta er mér ekki auðveld ákvörðun þar sem við erum að ganga í gegnum miklar breytingar sem ég hef leitt. Þegar ég tók að mér starfið var gert ráð fyrir að ég gegndi því til síðustu áramóta og átti ég von á að í haust yrði gengið frá ráðningu forstjóra til lengri tíma. Af því hefur ekki orðið enn. Ég mun þó gegna starfinu þar til ráðuneytið hefur gengið frá tímabundinni ráðningu forstjóra sem ég ætla að verði 1 mars.
Þorvaldur segir að ný framkvæmdastjórn hafi tekið til starfa þann 1. febrúar og að mikilvægt sé að standa heilshugar að baki nýjum stjórnendum. Jafnframt sé mikilvægt að allir standi saman að því að innleiða nýja stefnu og framtíðarsýn sjúkrahússins með hagsmuni sjúklinga að leiðarljósi.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.