Þetta er allt annað líf
Ásdís Sigurðardóttir er að nálgast sitt besta form með liði KA/Þórs.
Ásdís Sigurðardóttir, leikmaður KA/Þórs, hefur farið á kostum í undanförnum leikjum með liðinu í N1-deild kvenna í handknattleik. Hún hefur spilað vel í sókn sem vörn og ásamt Mörthu Hermannsdóttur fyrirliða verið þungamiðjan í leik liðsins í vetur. Þegar stutt hlé er gert á deildinni vegna bikarúrslita um helgina er Ásdís í sjöunda sæti yfir markahæstu leikmenn deildarinnar. Hún hefur skorað 65 mörk í tíu leikjum og er markahæst í liði KA/Þórs það sem af er tímabils, en Martha Hermannsdóttir kemur á hæla hennar með 63 mörk í ellefu leikjum.
Ég er þokkalega sátt við mína frammistöðu í vetur en ég tel mig samt eiga meira inni, segir Ásdís í spjalli við Vikudag. Hún hefur lengi glímt við þrálát axlarmeiðsli á vinstri hönd sem hafa hrjáð hana inn á vellinum. Hún er hins vegar óðum að ná sínum fyrri styrk eftir aðgerð sl. vor og sér loks fram á varanlegan bata. Ég fór í aðgerðina í lok maí og nýtti vel tveggja mánaða pásuna í deildinni vegna HM í desember. Sú hvíld gerði mér mjög gott og eftir það fór þetta að ganga vel hjá mér inn á vellinum. Þetta er allt að koma og ég toppa vonandi í úrslitakeppninni í vor en þar ætlum við að vera, sagði hún.
Ásdís, sem er 29 ára, hefur komið víða við á handboltaferlinum og ásamt KA/Þór hefur hún leikið með FH og Stjörnunni hér heima. Hún varð Íslandsmeistari með Stjörnunni 2007 og 2008, bikarmeistari 2005 og 2008 og deildarbikarmeistari 2007. Hún lék einnig um skamms tíma sem atvinnumaður í þýsku úrvalsdeildinni og hefur einnig leikið A-landsleiki fyrir Íslands hönd. Hún hefur leikið með KA/Þór síðan haustið 2009 en norðanliðið sendi hins vegar ekki lið til keppni síðasta vetur.
Nánar er rætt við Ásdísi í nýjasta tölublaði Vikudags.
Nýjast
-
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45.