Þeir sem ekki þurfa að leggja í stæði fatlaðra eiga að njóta þess á meðan þeir geta
Gjaldskrá leikskóla á Akureyri hækkar um 12% á milli ára.
Gjaldskrá í fjárhagsáætlun Akureyrarbæjar fyrir næsta ár var samþykkt af meirihluta bæjarstjórnar á fundi í vikunni. Fram kom í máli Odds Helga Halldórssonar formanns bæjarráðs, að ekki hafi verið um neinar miðlægar ákvarðanir að ræða frá bæjarstjórn eða bæjarráði niður til nefnda, um það hvernig þær skyldu haga gjaldskrárhækkunum. Nefndirnar hafi átt að leggja til breytingar á gjaldskrá í þeim málumflokkum sem undir þær heyra. Hann sagði að hækkanirnar væru mismunandi.
Fram kom í máli Odds að engin hækkun yrði hjá Amtsbókasafninu en töluverð hækkun í gjaldskrá leikskóla, eða um 12% og í skólavistun um rúm 12%. Stök máltíð í mötuneyti grunnskóla hækkar um tæp 14% og annar áskrift um svipaða prósentutölu. Oddur sagði að eftir þessa hækkun í leikskólum væri hlutur foreldra af kostnaði við barn í leikskóla kominn í 22,7% og hækkaði um rúmlega 1% milli ára. Hækkunin fyrir foreldra er um 20 milljónir króna, eða um helmingur af kostnaðarauka sem verður á milli ára. Einnig kom fram hjá Oddi að heimsendur matur hækkar um 110 kr. eða 12,3%, úr 890 kr. í 1.000 kr. Akstur í heimaþjónustu hækkar úr 99 kr. í 111 kr. og í félags- og tómstundastarfi eldri borgara hækkar hádegismatur úr 840 kr. í 970 kr.
Tímaleigur í íþróttahúsum hækka um 5-7% en engin hækkun er í Boganum. Stakt gjald fullorðinna í sund hækkar úr 450 kr. í 470 kr., eða um 4% en árskort barna kostar áfram 1.000 kr. Önnur sundkort hækka frá tæpum 6% upp í rúm 8%. Gjaldskráin í Hlíðarfjalli hækkar um 5-9%.
Gjald fyrir fasleigubílastæði og stöðubrot Bílastæðasjóðs hækka nokkuð en mest er hækkunin fyrir að leggja í stæði fatlaðra, eða um 80% - úr 5.000 kr. í 9.000 kr. Þeir sem ekki þurfa að leggja í stæði fatlaðra eiga að njóta þess á meðan þeir geta, sagði Oddur. Sorphreinsunargjald hækkar um 1.100 kr. á íbúð, eða úr 22.000 kr. í 23.100 kr. Oddur sagði að bæjarbúar væru þar með að greiða um 88% af kostnaði við soprhreinsun.
Fulltrúar minnihlutaflokkanna í bæjarstjórn gerðu athugasemdir við það misræmi sem væri í þessum gjaldskrárhækkunum. Hækkunin væri einna mest hjá leikskólum og í skólavistun, sem kæmi illa við barnafólk.
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.