Sumarfríið langþráða.
Heiðrún E Jónsdóttir átti Lokaorðið i blaðinu s.l fimmtudag
-Þarf ekki að kosta augun úr að hlaða batteríin
Eðlilega er tilhlökkun að brjóta upp hversdaginn og njóta sumarfrís með sínum nánustu. Stundum er búið að spenna upp væntingar þannig að margir upplifa vonbrigði og pirring frekar en að ná að hlaða batteríin og fylla minningarbankann af góðum og glöðum minningum.
En svo eldist maður og þroskast.
Ég reyni að verja sumarfríinu á Íslandi, en hef einstaka sinnum bugast á rigningu og súld og farið upp í flugvél til að finna sól. Almennt kýs ég þó að fara frekar erlendis á vorin eða haustin en ekki yfir hásumarið. Það er einfaldlega ekkert sem toppar björtu, kyrru, íslensku sumarnæturnar.
Ég hef litla nennu að dvelja langdvölum á almennum tjaldstæðum, kýs frekar að fara á staði sem eru fámennari t.d. Flateyjardal við Skjálfanda, Hornstrandir eða Ófeigsfjörð á Ströndum. Þetta eru algjörar perlur í góðu og heiðarlegu íslensku sumarveðri. En þegar íslenska veðrið leikur ekki við mann, þá hefur maður skilning á því hvers vegna þessir staðir fóru í eyði. Raunar undravert að forfeður og –mæður hafi náð að halda velli á þessum svæðum yfir verstu vetrarmánuðina.
Íslenska sveitin
Ég á mér þó nokkra uppáhaldsstaði, margir þeirra eðlilega í Þingeyjarsýslu og á Norðurlandi En um allt land eru perlur, íslenska sveitin, þar sem hægt er að hlaða batteríin, og yfirleitt þarf ekki að fara langt yfir skammt.
Við þekkjum það vel að það kostar sitt að vera í fríi með alla fjölskylduna, og ekki bara erlendis heldur einnig hér á landi. Og það þarf ekki að kosta augun úr að hlaða batteríin.
Skorradalurinn
Skorradalurinn er dæmi um stað þar sem vel er hægt að hlaða batterí. Ég fer reglulega, mætti vera oftar, á hjóli í kringum Skorradalsvatn, sem er um 42 km ferð. Leiðin er afar fjölbreytt, ýmist hjólað á malbiki, malarvegi, sandi eða illfærum slóðum. Oft legg ég af stað í þungbúnu veðri eða í rigningu en enda í sólskini. Ferðalagið er því aðeins eins og lífsins ganga, oftast greiðfært, stundum illfært en aldrei ófært. Stundum er þungbúið en að endingu mun sólin ná að brjóta sér leið í gegnum skýin.
Frá Skorradal
Hólar, hálsar, tindar, fell eða fjöll
Alls staðar í kringum landið er hægt að finna hóla, hálsa, tinda, fell eða fjöll til að ganga á. Mæli með því að hlusta eingöngu á náttúruna og gefa síbyljunni og símanum smá frí. Það er ótrúlega nærandi að hlusta á fuglana eða hlusta jafnvel bara á þögnina. Það þarf ekki endilega að fara á hæstu tindana eða setja tímamet. Setjast niður og gefa sér tíma til að horfa í kringum sig. Ekki er verra að vera í góðum félagsskap, helst með börnum, því ferðalagið er eins og lífið sjálft, það verður allt betra og skemmtilegra með sína nánustu sér við hlið.
Nýjast
-
Sumarfríið langþráða.
-Þarf ekki að kosta augun úr að hlaða batteríin Eðlilega er tilhlökkun að brjóta upp hversdaginn og njóta sumarfrís með sínum nánustu. Stundum er búið að spenna upp væntingar þannig að margir upplifa vonbrigði og pirring frekar en að ná að hlaða batteríin og fylla minningarbankann af góðum og glöðum minningum. -
„Skjalda launar kálfi ofbeldið“
Mig langar að þakka ykkur öllum sem hafa lesið lokaorðin mín á undanförnum vikum. Það er mér sérstaklega ánægjulegt að einhverjum skuli þykja skemmtilegt að lesa það sem ég hef skrifað. En í þetta sinn ætla ég að vera bæði leiðinlegur og skrítinn. Það er mér hvort sem er tamara. -
Bíladagar
Dýrleif Skjóldal átti Lokaorðið í blaðinu s.l. fimmtudag. -
Batnandi manni er best að lifa.
Það er að renna upp fyrir mér þessa dagana hvernig ég hlýt að koma öðru fólki fyrir sjónir. Einkum á það við þegar ég lít gleraugnalaus í spegil. Þá stend ég andspænis manni sem ég kannast lítið við. Skin og skúrar tilverunnar hafa markað andlitið og þau fáu hár sem eftir eru á höfðinu eru hvít að lit. Og ef ég geri þau reginmistök að snúa mér í kvart-hring fyrir framan spegilinn, þá sé ég að engu líkara en að maginn á mér hafi þjófstartað deginum og hafi náð að vera aðeins á undan mér fram úr svefnherberginu. Hann er ekki ósvipaður stefninu á nýju Samherjatogurunum og þótt svona stefni fari togskipum vel þá er þau ófögur sjón framan á mér. Ég þarf að horfast í augu við það að ég hef orðið að holdgervingi alls hins illa í mannlegri tilveru. Þó andlit mitt sé að mestu rautt og appelsínugult þá telst ég hvítur. Og þegar ég lít niður sé ég gripinn sem lætur lítið yfir sér en dugði þó til þess að þegar ég fæddist ákváðu færustu sérfræðingar að ég væri karlkyns. Ég er hvítur, miðaldra karlmaður. Ég fullkomna svo verkið með því að klæða mig í jakkafötin og luntast í vinnuna. -
Fróðir fjármálasnillingar og frábærar fyrirmyndir í Fjallabyggð
Mikilvægt að fjalla um það sem jákvætt er -
Lokaorðið - Öfugsnúin tilvera og ný tækifæri
Af og til kemur lífið mér á óvart og í skaut mér falla viðfangsefni sem ég er ekki vanur. Sum þessi viðfangsefna hafa verið mér lítt sýnileg og ég stundum hef ég hreinlega ekki gert mér grein fyrir því að þau væru til. Þetta gerist helst þegar ég þarf að taka að mér að ganga í verk sem konan mín vinnur alla jafna. En nýjar aðstæður færa manni líka ný tækifæri. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Dreptu mig …. Þú ert svo leiðinlegur röflari
Listin að rýna til gagns Listin að rýna til gagns, eða gagnrýna með uppbyggilegum hætti er eitthvað sem við ættum að temja okkur og ekki forðast. Það má vissulega oft finna leiðir til að gera misgóða hluti enn betri, benda á það sem betur mætti fara. Koma með lausnir og hugmyndir um betri leiðir, það flokkast undir að vera lausnamiðaður og framsýnn. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag.
