Stefnubreyting í skólamálum á Akureyri
Eins og fram hefur komið hefur Akureyrarbær ákveðið að 5 ára leikskóladeild verði starfrækt í húsnæði Glerárskóla næsta skólaár til að bregðast við skorti á leikskólaplássum. Vikudagur ræddi við Soffíu Vagnsdóttur fræðslustjóra á Akureyri og spurði fyrst um hvort stefnubreytingu væri að ræða í skólamálum.
„Sannarlega er fólgin ákveðin nýsköpun í því að útvíkka starfsemi leikskóladeilda innan veggja grunnskólans. Þannig að já, þetta er stefnubreyting að bregðast við með þessum hætti, að blanda skólastigunum saman undir sama þaki Það er líka mjög gleðilegt að upplifa jákvæðni grunnskólanna fyrir verkefninu og einnig einlægan vilja leikskólanna til að taka þátt í þessari nýju lausn,“ segir Soffía.
Ekki valkostur að fresta lokun leikskóla
Leikskólum fer fækkandi á Akureyri á sama tíma og mikil þörf er á leikskólaplássum. Sunnuból var lokað í fyrra og í haust mun Hlíðarból loka. Ástæðan er sparnaður hjá Akureyrarbæ.
-Hefði verið heppilegra að fresta því að loka tveimur leikskólum í ljósi ástandsins? Voru það mistök að loka þeim?
„Nei, það hefði ekki verið valkostur á þeim tíma sem þær ákvarðanir voru teknar þar sem nemendaspáin gaf þá til kynna að plássin nægðu og sú ákvörðun að loka Sunnubóli og síðar Hlíðabóli var tekin að vel ígrunduðu máli og miðað við áætlaða þörf fyrir leikskólapláss,“ segir Soffía.
Nánar er fjallað um málið og rætt við Soffíu í prentútgáfu Vikudags
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.