Starfsfólki talin trú um að það sé betra að vera á atvinnuleysisbótum
Aðalsteinn Á. Baldursson, formaður Framsýnar, stéttarfélags.
Á heimasíðu Framsýnar, stéttarfélags er áfram fjallað um það að sífellt fleiri fiskvinnslur taki starfsfólk af launaskrá vegna hráefnisskorts út af yfirstandandi sjómannaverkfalli. Stéttarfélagið segir frá því að fyrirspurnum frá fiskvinnslufólki rigni inn varðandi réttindi þeirra og kjör í sjómannaverkfallinu.
Fyrirspurnirnar koma einkum frá starfsfólki sem hefur verið sent heim kauplaust til að skrá sig á atvinnuleysisbætur í stað þess að fyrirtækin haldi því á kauptryggingu. „Því miður virðist sem þeim fullyrðingum sé haldið að fiskvinnslufólki að það sé hagstæðara að vera á atvinnuleysisbótum en á kauptryggingu hjá fiskvinnslufyrirtækjum. Framsýn er kunnugt um nokkur fyrirtæki sem hafa haldið þessu fram og í einhverjum tilfellum haft stéttarfélög starfsmanna með í ráðum ef marka má skýringar sem fyrirtækin hafa gefið,“ segir á heimasíðu Framsýnar.
Í kvöldfréttum RÚV í gærkvöld var rætt við Drífu Snædal, framkvæmdastjóra Starfsgreinasambandsins. Þar gagnrýnir hún harðlega aðferðir sjávarútvegsfyrirtækja og telur ástæðu til að þrýsta á um lagabreytingu. Mörg hundruð manns hafa verið teknir af launaskrá víða um land og hvattir til að skrá sig á atvinnuleysisbætur.
Drífa segir það koma sér í opna skjöldu að fyrirtækin velji að fara þessa leið í stað þess að halda ráðningasambandi við starfsfólk sitt með kauptryggingarleiðinni og fá þá mótgreiðslu úr atvinnuleysistryggingasjóði. „Það þýðir að fólk fær í einhverjum tilfellum tekjutengdar atvinnuleysisbætur og í öðrum tilfellum strípaðar atvinnuleysisbætur. En það þýðir að fólk er ekki að safna upp réttindum sem launafólk á meðan það er á atvinnuleysisbótum. Það er að ganga á rétt sinn til atvinnuleysisbóta sem það gæti þurft að nota síðar. Svo þetta er skerðing fyrir nánast undantekningalaust alla,“ sagði Drífa í samtali við fréttastofu RÚV.
Í ítarlegri samantekt á heimasíðu Framsýnar eru fullyrðingar sjávarútvegsfyrirtækjanna um að hagstæðara sé fyrir starfsfólk að fara beint á atvinuleysisbætur í stað þess að vera á kauptryggingu hraktar. Skoða má samntektina með því að smella hér.
Nýjast
-
Ársfundur SAk: samskipti, öryggi og gæði í krefjandi umhverfi
Ársfundur Sjúkrahússins á Akureyri (SAk) fór fram í gær. Þar flutti Hildigunnur Svavarsdóttir forstjóri sjúkrahússins ávarp þar sem farið var yfir stöðuna í rekstri og starfsemi SAk, framtíðarhorfur, tækifæri og helstu áskoranir. Yfirskrift fundarins var „Samskipti – Öryggi – Gæði“. -
Hvatningarverðlaun Eyrarrósarinnar í Þingeyjarsveit
Afhverju Ekki, einnig nefnt „The Absolutely Everything Studio“, er þverfaglegt vinnustofu-rannsóknarsetur sem stofnað var árið 2024. Verkefnið er leitt af Dr. Jack Armitage fræði- og listamanni. Afhverju Ekki stuðlar að samvinnu og samstarfi með það að marki að finna lausnir á flóknum vistfræðilegum viðfangsefnum. Setrið er staðsett í Breiðanesi, á Laugum í Þingeyjarsveit. Þegar hefur verið tekið á móti sex fræði- og listamönnum sem komið hafa til vinnudvalar og unnið að hönnun, hugbúnaðarþróun og listsköpun, meðal annars fyrir sýningu Íslands á Feneyjartvíæringnum í arkitektúr. -
Vicente Fita Botet - Dagleg Kynni
Sýningin verður opin föstudag 30. maí frá 19 – 21 og laugardag 31. maí frá 14 – 15.45, ath. Sýningin stendur uppi meðan á tónleikum MÝR tríós stendur, en þeir sem hefjast kl. 16.00 þann 31.mai n.k. -
Hreinsunarátak Norðurorku skemmtileg hefð
Með hækkandi sólu kemur í ýmislegt í ljós, á milli trjáa og ofan í skurðum. Glaðlegir túnfíflar, spriklandi köngulær, skærgrænt gras - og því miður oft talsvert rusl. Þá er kjörið tækifæri til að taka höndum saman og hreinsa til, áður en grasið hækkar og runnarnir þéttast. -
Öldungaráð Akureyrar - Þátttaka í Virkum efri árum verði gjaldfrjáls
Öldungaráð Akureyrar mælir með því að þátttaka eldri borgara í verkefninu Virkum efri árum sem snýst um alls kyns íþróttaiðkun, verði gjaldfrjáls. Ráðið óskar eftir upplýsingar um hvar mál standa varðandi stuðning við tekjulægri hópa með lýðheilsustyrk. -
Minningarsigling með Húna n.k laugardag
Minningarsigling verður um horfna og látna sjómenn í tengslum við hátíðarhöld á sjómannadaginn, en siglt verður með Húna II EA 740 næsta laugardag, 31. maí kl. 17. -
Núna er rétti tíminn fyrir nýja áskorun!
Kynningarfundur um Executive MBA námið við Háskóla Íslands haldinn í Múlabergi, Hótel KEA miðvikudaginn 28.maí kl. 12:15. -
Húsavík: Eggvopnum beitt
Kl. 02:51 í nótt barst tilkynning til lögreglunnar um heimilisofbeldi í heimahúsi á Húsavík og að hnífi hafi verið beitt. Þegar lögregla og sjúkralið komu á vettvang kom í ljós að þar voru tveir aðilar með áverka. -
Höfðinleg gjöf til Krabbameinsfélags Akureyrar og nágrennis.
Krabbameinsfélag Akureyrar og nágrennis á marga velunnara og það er auðvitað frábært og mjög þakkarvert. Á Facebooksíðu félagsins er sagt frá höfðinlegri gjöf sem félaginu barst á dögunum.