Spenntur fyrir hugmyndinni að breyta Sjallanum í hótel
Sjallinn og Ráðhúsið á Akureyri. Mynd: Hörður Geirsson.
Geir Kristinn Aðalsteinsson forseti bæjarstjórnar segist fylgjandi því að Sjallanum á Akureyri verði breytt í hótel, eins og hugmyndir eru um. Hann segir að sú skoðun sé almennt ríkjandi innan L-listans. Eins og fram hefur komið, hafa fjárfestar í Reykjavík gert bindandi kauptilboð í Sjallann og hafa þeir jafnframt sent inn fyrirspurn til bæjarins um hvort leyfi fáist til að breyta húsnæðinu í hótel. Málið var tekið fyrir á fundi skipulagsnefndar í síðustu viku og í bókun frá fundi nefndarinnar kemur fram að samkvæmt aðalskipulagi sé lóð Sjallans á skilgreindu miðsvæði, þar sem gert er ráð fyrir verslunar- og þjónustustarfsemi, s.s. veitinga- og gistihúsum. Skipulagsnefnd telur því að umbeðin breyting á notkun hússins falli undir ákvæði og skilmála gildandi aðalskipulags og deiliskipulags svæðisins.
Geir Kristinn segir að rekstraraðilar Sjallans hafi bent bæjaryfirvöldum á að það sé orðið mjög erfitt að reka svona stað. Menningin hefur breyst og ég skil sjónarmið þeirra vel. Sjallinn er barn síns tíma og þótt margir sjái eftir staðnum sem slíkum, þá þurfa svona staðir að reka sig. Fyrirhuguð breyting verður vonandi til þess að draga hingað fleiri ferðamenn. Húsið sjálft og nánasta umhverfi verður þá vonandi gert upp, þannig að þetta ætti að verða upplyfting fyrir miðbæinn. Ég er því mjög spenntur fyrir þessari hugmynd.
Sjallinn er um 2000 fermetrar að stærð en hugmyndin er að bæta einni hæð ofna á húsið. Gangi fyrirliggjandi hugmyndir eftir, er stefnt að því opna hótel í húsnæðinu fyrir sumarið 2013.
Nýjast
-
PWC styður áfram við bakið á Völsungi
PwC og Völsungur hafa skrifað undir áframhaldandi samstarfssamning sín á milli -
Vilja lóð undir iðnaðarmannaíbúðir
Hnjúkur efh. hefur óskað eftir að fá úthlutað eða leigða lóð á Akureyri til að reisa á iðnaðarmanníbúðir. -
Sótt um rekstur ölstofu í fyrrum apóteki
Sótt hefur verið um leyfi til reksturs ölstofu á neðstu hæð Hafnarstrætis 95 við göngugötuna á Akureyri. Þar hefur um árabil verið rekið apótek,m.a. Stjörnuapótek í eina tíð og síðar Apótekarinn, en því var lokað nú nýverið. -
Blood Harmony spilar á tónleikum á Minjasafninu í kvöld.
Blood Harmony er samstarfsverkefni systkinanna Arnar, Aspar og Bjarkar Eldjárn sem hófst snemma árs 2020 þegar heimsfaraldurinn skall á og sökum hans voru þau flutt í heimahagana fyrir norðan. -
Semja um nýtingu glatvarma og byggja þjónustuhús á Akureyri
Framkvæmdum við 16 milljarða króna stækkun gagnavers atNorth á Akureyri miðar vel og er fyrri áfangi nú tilbúinn í rekstur. Samhliða stækkun gagnavers verður reist þjónustuhús fyrir ört stækkandi hóp starfsmanna félagsins á Akureyri. -
Spjall og skál í Sigurhæðum í dag 3. júlí
Í dag fimmtudaginn 3. júlí kl 17:00 fögnum við 150 ára brúðkaupsafmæli Guðrúnar og Matthíasar. Ásthildur Sturludóttir, bæjarstjóri, mælir fyrir skál og Margrét Jónsdóttir leirlistakona verður með listamannsspjall um ný verk hennar í Sigurhæðum. Hér skapast áhugaverðar og skemmtilega tengingar í opnu samtali. Öll velkomin og enginn aðgangseyrir sem fyrr á okkar gamla menningarheimili." Meðfylgjandi myndir er teknar af Daníel Starrasyni og eru af tveimur verkum Margrétar "Matthías Jochumsson" og "Guðrún Runólfsdóttir". -
,,Erfitt að slíta sig frá þessu"
Ragnheiður í Kisukoti hættir að þjónusta ketti í Akureyrarbæ -
Sýningin „Úr fullkomnu samhengi“ í Verksmiðjunni á Hjalteyri
Myndlistarsýningin „Úr fullkomnu samhengi“ verður opnuð í Verksmiðjunni á Hjalteyri á morgun, fimmtudaginn 3. júlí kl. 16. Þar sýna þau Julie Tremble, Philippe- Aubert Gauthier og Tanya Saint- Pierre , kanadískt kvikmynda og Vídeólistafólk. Aukalega verður sérstök vídeódagskrá á opnun, með verkum eftir 7 listamenn. -
Forseti Íslands sló í gegn í Vísindaskóla unga fólksins
Forseti Íslands, frú Halla Tómasdóttir og eiginmaður hennar Björn Skúlason, slógu í gegn við útskrift Vísindaskóla unga fólksins sem lauk föstudaginn 27. júní. Þau svöruðu fjölda spurninga sem nemendur höfðu sent embættinu, allt frá spurningum um uppáhaldslit hennar til þess hvort henni þætti Alþingi starfa vel. Alls 85 börn útskrifuðust að þessu sinni og er þetta ellefta starfsár skólans. Vísindaskólinn er rekinn af Rannsóknamiðstöð HA.
