Spennan í algleymingi í N1-deild karla
Spennan er í agleymingi í N1-deild karla í handknattleik en þegar tvær umferðir eru eftir eiga fimm lið möguleika á að fylgja Haukum í fjögurra liða úrslit um Íslandsmeistaratitilinn. Næstsíðasta umferð deildarinnar fer fram í kvöld með heilli umferð. Stórleikir kvöldsins eru viðureignir FH og HK í Kaplakrika og Fram og Akureyri í Framhúsinu, en einnig mætast Valur og Grótta að Hlíðarenda og Haukar taka á móti Aftureldingu.
Haukar hafa tryggt sig áfram en liðið er í efsta sæti deildarinnar með 27 stig, en FH, Akureyri, HK, Fram og Valur eiga öll möguleika á að fylgja Haukum í úrslitakeppnina. FH hefur 25 stig í öðru sæti, Akureyri 24 stig í þriðja sæti, HK og Fram 23 stig í fjórða til fimmta sæti og Valur 20 stig í því sjötta, en allt þarf að ganga upp hjá Val í síðustu tveimur umferðunum svo liðið hafni á meðal fjögurra efstu liða.
Það má búast við fullu húsi í Kaplakrika í Hafnarfirði í kvöld. Frítt verður á leikinn og er gríðarlega mikið undir fyrir bæði lið en FH getur tryggt sér sæti í úrslitakeppninni með sigri í kvöld. Tapi HK í kvöld getur liðið fallið niður í fimmta sætið fyrir lokaumferðina og því mikilvæg stig í boði fyrir bæði lið í kvöld.
Líkt og FH geta Akureyringar tryggt sig áfram í úrslitakeppnina með að vinna Fram í kvöld. Fram getur hins vegar komist upp fyrir Akureyringa með sigri og þannig komið sér í betri stöðu fyrir lokaumferðina.
Staða Vals er þannig að þeir verða að vinna báða leikina sem eftir eru og treysta á hagstæð úrslit úr öðrum leikjum til þess að komast áfram. Ekkert annað en sigur kemur því til greina fyrir Val í kvöld en Grótta er þegar fallið niður í 1. deild.
Haukar hafa þegar tryggt sig áfram og Afturelding mun enda í sjöunda sæti deildarinnar, hvernig sem síðustu tvær umferðirnar fara.
N1-deild karla |Handknattleikur
Kl. 19:30 FH-HK | Kaplakriki
Kl. 19:30 Fram-Akureyri | Framhús
Kl. 19:30 Valur-Grótta | Vodafonehöllin
Kl. 19:30 Haukar-Afturelding | Schenkerhöllin
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.