Slæm verkefnastaða hjá jarð- vinnuverktökum á Akureyri
Guðmundur Hjálmarsson hjá G. Hjálmarssyni segir að fyrirtækið hafi verkefni fram í lok júlí eða byrjun ágúst, „en svo er bara ekki neitt eftir það," segir hann. Nú starfa 11 manns hjá fyrirtækinu en voru 22 þegar mest var, þannig að helmingsfækkun hefur orðið í mannahaldi. „Við þurftum að segja upp fólki um mánaðamótin janúar-febrúar, enda sáum við ekki fram á að hafa næg verkefni fyrir alla," segir Guðmundur. „Þetta er hörmungarástand, það má segja að við höfum færst aftur til ársins 1970, þetta er ekki gott." Guðmundur segir að lítið þýði að bjóða í verk um þessar mundir, margir verktakar bjóði afar lágt, allt niður í 50% af kostnaðaráætlun og slíkt gangi ekki upp ætli menn sér að reka fyrirtæki. „Ég nenni ekki að standa í svoleiðis vitleysu, það er betra að vera bara heima," segir hann en verkin eru gjarnan utanbæjar og þá kostar sitt að senda og halda úti vinnuflokki víðsfjarri heimabyggð.
Guðmundur Gunnarsson hjá GV gröfum tekur í sama streng og segir að kostnaður við að halda úti mannskap utan heimabyggðar sé það mikill að ekki gangi að bjóða í verk langt undir áætluðum kostnaði. „Það gerir ekki annað en að lengja í heningaról manna, eða gera fyrirsjáanleg gjaldþrot enn stærri en þyrfti. Það er því betra að taka ekki þátt í þessu," segir hann. Félagið hefur einhver verkefni næstu vikur, eitthvað fram á sumar, en útlitið er ekki bjart, „við verðum búnir með það sem við höfum einhvern tíma í júní og eftir það sé ekki mikið framundan. Það halda allir að sér höndum og mér sýnist ekkert framundan hjá ríkinu, það er lítið að gerast á þeim vettvangi þykir mér." Nú starfa 22 menn hjá GV gröfum, en voru allt upp í 40 þegar mest var umleikis. „Það er í raun ekki hægt að gera neitt nema bíða og sjá hverju fram vindur á næstu viku, en ef ekkert gerist er starfsemi af þessu tagi sjálfhætt," segir Guðmundur.
Finnur Aðalbjörnsson hjá Finni ehf. segist hafa næg verkefni um þessar mundir, m.a. við gerð undirganga við Hörgárbraut og frágang við reiðhöll. „Við höfum aldrei séð langt fram í tímann hvað verkefni varðar. Við erum ágætlega settir eins og er, vorum heppin að fá þessi tvö nokkuð stóru verkefni núna," segir hann. Alls starfa 9 manns hjá fyrirtækinu og hefur ekki þurft að grípa til uppsagna. „Maður finnur það sterkt að þessi bransi er ekki mjög líflegur um þessar mundir, þó ég kvarti ekki. Það verður bara að koma í ljós hvernig málin þróast þegar líður á sumarið," segir Finnur.
Nýjast
-
Kveldúlfur, ný tónlistarhátíð á Hjalteyri
Kveldúlfur er ný tónlistarhátíð sem verður haldin á Hjalteyri á morgun laugdaginn, 12. júlí. Skipuleggjendur hátíðarinnar eru þau Sara Bjarnason verkefnastjóri og Vikar Mar bóndi á Ytri Bakka og listmálari. -
Dýrey flutti starfsemi að Baldursnesi 2
„Þörfin fyrir að stækka við okkur húsnæði var löngu tímabær. Eftir mikla leit og vangaveltur varð húsnæði við Baldursnes 2 fyrir valinu, enda hentar það okkar starfsemi einkar vel. Þar getum við sameinað spítala fyrir bæði gæludýr og stór dýr. Við erum hæst ánægð með flutninginn í nýtt húsnæði sem og okkar viðskiptavinir,“ segir Helga Berglind Ragnarsdóttir dýralæknir og einn eigandi Dýralæknaþjónustu Eyjafjarðar, Dýrey. -
Mjölhúsið og síldarverksmiðjan á Raufarhöfn heyra brátt sögunni til
Í maí sl. gerði Hringrás ehf. tilboð í niðurrif hluta húseignanna, þ.e. mjölhúsið og verksmiðjuhúsið -
Gefur okkur færi á að sækja fram og auka starfsemina -Segir Jón Ingvi Árnason sparisjóðsstjóri Sparisjóðs Höfðhverfinga.
„Við verðum betur í stakk búinn til að sækja fram, að auka okkar starfsemi og efla hana,“ segir Jón Ingvi Árnason sparisjóðsstjóri Sparisjóðs Höfðhverfinga. Stjórnir Sparisjóðs Höfðhverfinga hf. og Sparisjóðs Strandamanna hf. hafa undirritað samrunaáætlun um sameingingu sjóðanna og tekur hún mið af stöðu sjóðanna í upphafi árs. Sameinaður sparisjóður fær nafni Smári sparisjóður en verður áfram markaðsettur undir merkjum Sparisjóðanna. -
Að fá rafræn skilríki fyrir fatlaða barnið sitt!!!
Hrafnhildur Jónsdóttir á Akureyri, móðir tveggja fatlaðra drengja skrifar pistil á Facebookvegg sinn í morgun sem hefur vakið mikla athygli. Hrafnhildur gaf samþykki fyrir birtingu pistils hennar hér. -
Jöfnuður er lykilorðið – svar framkvæmdastjóra sveitarfélaga á landsbyggðinni
Sjö bæjar- og sveitarstjórar skrifa um grunntilgang Jöfnunarsjóðs sveitarfélaga -
Ja þessir unglingar
Um 70 manns frá EBAK Félagi eldri borgara á Akureyri, EBAK heimsóttu Kjarnaskóg í vikunni, líkt og þau gera alla þriðjudaga sumarlangt til að ganga sér til gleði. -
Hugleiðingar hafnarstjóra
Sigurður Pétur Ólafsson hafnastjóri skrifaði hugleiðingar sínar á Facebookarvegg sinn í gærkvöldi, vefurinn fékk leyfi til að birta þær ásamt myndum sem fylgdu með. -
Listasafnið á Akureyri: Hekla Björt Helgadóttir með gjörning á Listasumri
Laugardaginn 12. júlí kl. 15 verður boðið upp á gjörning Heklu Bjartar Helgadóttur í Listasafninu á Akureyri í tengslum við þátttöku hennar í samsýningu norðlenskra listamanna, Mitt rými. Viðburðurinn er hluti af Listasumri á Akureyri
