Sjúkraflug jókst um 19% milli ára
Sjúkraflug á Akureyri jókst um 19% á milli ára en á árinu 2017 var farið í 799 flug með 849 sjúklinga. Læknir fór með í um 40% tilfella. Aukning er bæði í forgangsflugi og flutningi sjúklinga frá Landspítala á aðrar sjúkrastofnanir. Þetta kemur fram í pistli Bjarna Jónassonar forstjóra Sjúkrahússins á Akureyri.
Legudögum fjölgaði um 1,5%. Meðallega á öllum deildum var 4,6 dagar en 3,4 dagar ef einungis er skoðuð meðallega á bráðadeildum. Eru þetta óbreyttar tölur frá fyrra ári. Fæðingar voru 387 sem er tveimur færri en á fyrra ári. Skurðaðgerðum fjölgaði nokkuð. Komur á bráðamóttöku stóðu í stað á milli ára en erlendum sjúklingum hélt áfram að fjölga, eða um 9%, voru 717 en 656 árið 2016. Þá gekk vel að stytta biðtíma eftir aðgerðum í samræmi við átak stjórnvalda.
„Gerðar voru 363 gerviliðaaðgerðir á árinu og hafa þær aldrei verið fleiri, en 156 voru gerðar í tengslum við átakið. Til gamans má geta þess að um 23% allra gerviliðaaðgerða á landinu eru gerðar á Sjúkrahúsinu á Akureyri. Auk þessa voru gerðar um 300 augasteinsaðgerðir þar af 94 í tengslum við átakið. Þá var bætt við 18 kvensjúkdómaaðgerðum í tengslum við styttingu biðlistanna. Þessi fjölgun aðgerða hefur kallað á mikla útsjónarsemi og endurskipulagningu vinnulags þeirra sem að þessu verkefni hafa komið,“ segir í pistli Bjarna Jónassonar.
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.