Sex sóttu um starf framkvæmdastjóra á FSA
Embætti forstjóra FSA hefur verið auglýst laust til umsóknar tímabundið. Mynd: Hörður Geirsson.
Sex umsóknir bárust um þrjár framkvæmdastjórastöður við Sjúkrahúsið á Akureyri, FSA, sem auglýstar voru á dögunum og eru fimm umsækjenda starfandi á spítalanum. Þá hefur velferðarráðuneytið auglýst laust til umsóknar embætti forstjóra Sjúkrahússins á Akureyri. Um er að ræða setningu til eins árs vegna leyfis forstjóra og setur velferðarráðherra í stöðuna frá og með 1. febrúar 2012. Umsóknarfrestur er til 23. desember nk.
Auglýst var á dögunum eftir framkvæmdastjóra hjúkrunar, framkvæmdastjóra lækninga og framkvæmdastjóra fyrir eitt af þremur klínísku sviðum í nýju skipuriti sjúkrahússins. Framkvæmdastjóri hjúkrunar mun jafnframt gegna stöðu framkvæmdastjóra eins klínísku sviðanna og framkvæmdastjóri lækninga mun jafnframt gegna stöðu framkvæmdastjóra eins klínísku sviðanna. Ráðið verður í stöðurnar frá 1. febrúar 2012 til 5 ára.
Umsækjendur eru:
- Gróa B. Jóhannesdóttir, sérfræðingur í barnalækningum við Sjúkrahúsið á Akureyri, sækir um starf framkvæmdastjóra lækninga og um starf framkvæmdastjóra lyflækningasviðs.
- Jónas Franklín, yfirlæknir slysa- og bráðamóttöku Sjúkrahússins á Akureyri, sækir um starf framkvæmdastjóra bráða-, fræðslu- og gæðasviðs.
- Hildigunnur Svavarsdóttir, hjúkrunarfræðingur og forstöðumaður deildar kennslu og vísinda á Sjúkrahúsinu á Akureyri, sækir um starf framkvæmdastjóra hjúkrunar og um starf framkvæmdastjóra bráða-, fræðslu- og gæðasviðs.
- Hrafnhildur Haraldsdóttir, sjúkraliði og viðskiptafræðingur sækir um starf framkvæmdastjóra hjúkrunar.
- Sigurður E. Sigurðsson, framkvæmdastjóri lækninga á Sjúkrahúsinu á Akureyri, sækir um starf framkvæmdastjóra lækninga og um starf framkvæmdastjóra handlækningasviðs.
- Þóra Ákadóttir, hjúkrunarfræðingur og starfsþróunarstjóri á Sjúkrahúsinu á Akureyri, sækir um starf framkvæmdastjóra hjúkrunar og um eitt af störfum framkvæmdastjóra klínískra sviða.
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.