Segja Bíladaga hafa gengið betur en undanfarin ár
Aðsóknarmet var slegið á einstaka viðburði á Bíladögum. Mynd/BA.is
Að sögn lögreglunnar á Akureyri var ástandið í bænum á nýliðnum Bíladögum almennt betra en verið hefur síðustu árin. Þetta kom fram á fundi í gær hjá fulltrúa frá lögreglunni, Aflinu, Bílaklúbbi Akureyrar, Akureyrarstofu, Eyjafjarðarsveit og Slökkviliðinu á Akureyri. Frá þessu er greint á vef Akureyrarbæjar.
Alvarlegasta málið sem kom upp er nauðgun sem var tilkynnt til lögreglunnar og harma aðstandendur hátíðarinnar atvikið. Einnig kom fram að fíkniefnamál hafi ekki verið fleiri en gengur og gerist á öðrum tímum. Álíka mörg mál komu til kasta lögreglunnar og síðustu árin en sýnileiki lögreglunnar var meiri en verið hefur á Bíladögum sem veldur því óhjákvæmilega að fleiri skráð tilvik eru færð til bókar.
Starfsmenn Umhverfismiðstöðvar bæjarins segja að afar snyrtilega hafi verið gengið um bæjarlandið og að engar kvartanir hafi borist til þeirra.
Fulltrúar Bílaklúbbsins telja að aðsókn í heildina hafi verið nokkru minni en á síðasta ári en að þó hafi trúlega nýtt aðsóknarmet verið slegið á einstaka viðburði.
Nokkuð bar á ólátum á tjaldsvæðinu við Hrafnagilsskóla í Eyjafjarðarsveit og verður tekið á því máli sérstaklega við undirbúning Bíladaga á næsta ári.
„Þrátt fyrir að lögreglan hafi verið með öflugt eftirlit á þessum vegi er ljóst að það verður að leggja sérstaka áherslu á að fylgjast með hraðakstri á Eyajafjarðarbraut frá Akureyri að Hrafnagili þar sem óvarlega var ekið að þessu sinni sem getur skapað hættu fyrir almenna vegfarendur. Samdóma álit fundarmanna var að með þessum undantekningum hafi tekist vel til með Bíladaga að þessu sinni og minna borið á óánægjuröddum meðal bæjarbúa enda hafi spól og bíladrunur innan bæjarmarkanna verið minni en síðustu árin,“ segir á vef Akureyrarbæjar.
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.