Sautján kýr mjólkuðu yfir 10 þúsund kíló
Alls náðu 17 kýr í Eyjafirði og Suður-Þingeyjarsýslu því marki, að mjólka yfir 10 þúsund kíló á síðastliðnu ári, en árið þar á undan voru þær aðeins 5. Þetta kemur fram í niðurstöðum afurðaskýrslna í naugriparækt fyrir árið 2011. Alls komu til uppgjörs skýrslur frá 96 búum í Eyjafirði og 57 í Suður-Þingeyjarsýslu. Er þar um að ræða sama fjölda og árið áður, en með í uppgjörinu er eitt bú í Eyjafirði sem hætti mjólkurframleiðslu á árinu og annað í S.-Þing. Þá féll út skýrsluhald á einu búi á síðarnefnda svæðinu.
Fjöldi árskúa í Eyjafiði var 4656,7 og 1409,8 í S.-Þing. Er um að ræða nokkra fækkun frá fyrra ári á báðum svæðum. Meðalbústærð er 48,5 árskýr í Eyjafirði, en 24,7 í S.-Þing. Meðalafurðir eftir árskú í Eyjafirði reyndust vera 5410 kg, sem er hækkun um 177 kg og í S.-Þing. 5443 kg og hafði hækkað frá fyrra ári um 120 kg.
Þegar horft er á allt landið er meðalbústærð 38,5 árskýr, flestar í Eyjafirði eða 48,5 kýr en fæstar í S.-Þing. eða 24,7 kýr. Ellefu bú á Búgarðssvæðinu ná meðalafurðum yfir 6.500 kg, þau eru á Syðri-Bægisá, Steinsstöðum, Nesi, Stóru-Tjörnum, Vöglum, Svertinsstöðum, Engihlíð, Hvassafelli, Ingjaldsstöðum, Brakanda og Baldursheimi.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.