Samþykkt um búfjárhald á Akureyri aftur til framkvæmdaráðs
Sigurður Guðmundsson og haninn Hrólfur í pontu á fundi bæjarstjórnar í dag.
Haninn Hrólfur mætti á fund bæjarstjórnar Akureyrar fyrr í dag, þegar fram fór síðari umræða um samþykkt um búfjárhald í bæjarfélaginu. Sigurður Guðmundsson bæjarfulltrúi Bæjarlistans hafði Hrólf með sér þegar hann steig í pontu á fundinum og tóku þeir félagar sig vel út, þótt Hrólfur hafi ekki haft neitt sérstakt til málanna að leggja. Nærvera hans virtist þó hafa góð áhrif á aðra bæjarfulltrúa, sem virtust kunna vel við þetta uppátæki Sigurðar.
Hvort það var Hrólfi að þakka eða kenna, þá komu fram nokkrar breytingartillögur við samþykktina og fór svo að lokum að Oddur Helgi Halldórsson formaður bæjarráðs og formaður framkvæmdaráðs lagði til að samþykktin færi aftur til umfjöllunar í framkvæmdaráði og var það samþykkt með 11 samhljóða atkvæðum. Hrólfur mun því geta haldið jólin nokkuð afslappaður með sínum hænum og sonum sínum tveim, þeim Oddi Helga og Böðvari og kanínunni Dísu, sem býr í góðu yfirlæti í hæsnakofanum við Norðurgötu. Reyndar kom í ljós á fundinum að samkvæmt samþykkt um búfjárhald, er bannað að vera með kanínur á Akureyri. Það fannst Sigurvini Jónssyni, eiganda Hrólfs og Dísu, nokkuð sérstakt, þar sem margir væru með kanínur og að hægt væri að kaupa kanínur í gæludýraverslun í bænum.
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.