Samningur milli Norðurþings og Golfklúbbs Húsavíkur undirritaður
Katrín Sigurjónsdóttir sveitarstjóri og Benedikt Þór Jóhannsson rekstrarstjóri GH. Mynd/Norðurþing.
Katrín Sigurjónsdóttir, sveitarstjóri og Benedikt Þór Jóhannsson rekstrarstjóri GH undirrituðu á dögunum endurnýjað samstarfssamning Norðurþings og Golfklúbbs Húsavíkur til næstu þriggja ára. Samningurinn gildir fyrir árin 2026–2028 og er liður í áframhaldandi stuðningi sveitarfélagsins við íþrótta- og tómstundastarf í Norðurþingi. Greint er frá þessu á vef Norðurþings.
Með samningnum er markmiðið að tryggja áfram stöðugleika í starfsemi Golfklúbbs Húsavíkur, efla aðstöðu og skapa góðar forsendur fyrir áframhaldandi uppbyggingu golfíþróttarinnar á svæðinu. Samstarfið felur jafnframt í sér gagnkvæman ávinning fyrir íbúa og gesti, þar sem golfvöllurinn gegnir mikilvægu hlutverki í útivist, lýðheilsu og ferðaþjónustu.
„Norðurþing lítur á samstarfið sem mikilvægan hluta af heildarstefnu sveitarfélagsins um öflugt íþrótta- og frístundastarf og fagnar því að geta haldið áfram farsælu samstarfi við Golfklúbb Húsavíkur næstu ár,“ sagði Katrín við undirritun samningsins.
Golfklúbbur Húsavíkur hefur um árabil verið öflugur þátttakandi í íþróttalífi sveitarfélagsins og boðið upp á fjölbreytt starf fyrir iðkendur á öllum aldri. Með endurnýjun samningsins er lögð áhersla á áframhaldandi uppbyggingu barna- og ungmennastarfs, auk þess að styðja við rekstur á golfvelli og félagsaðstöðu ásamt almennri kynningu á íþróttinni.
,,Við erum afar þakklát fyrir þann stuðning og traust sem Norðurþing sýnir Golfklúbbi Húsavíkur með endurnýjun þessa samstarfssamnings. Samningurinn er afar mikilvægur fyrir starfsemi félagsins og tryggir nauðsynlegan stöðugleika til áframhaldandi uppbyggingar, bæði hvað varðar aðstöðu og öflugt barna- og ungmennastarf. Hann gefur okkur jafnframt tækifæri til að efla golfíþróttina sem vettvang fyrir hreyfingu, útivist og félagslega þátttöku fólks á öllum aldri. Golfvöllurinn gegnir mikilvægu hlutverki í lýðheilsu, samfélagslífi og móttöku gesta í sveitarfélaginu. Við hlökkum til áframhaldandi farsæls samstarfs á komandi árum," sagði Benedikt Þór.
Nýjast
-
Samningur milli Norðurþings og Golfklúbbs Húsavíkur undirritaður
Með samningnum er markmiðið að tryggja áfram stöðugleika í starfsemi Golfklúbbs Húsavíkur, efla aðstöðu og skapa góðar forsendur fyrir áframhaldandi uppbyggingu -
Jólatónleikar Hymnodiu í Akureyrarkirkju
Jólagrautur og sætur spuni á jólatónleikum Hymnodiu sem eru orðnir ómissandi hluti af jólahefðum margra að kvöldi 22. desember þegar kominn er tími til að hægja ferðina í jólaamstrinu. -
Penninn á lofti þegar Akureyrarbær skrifaði undir samninga við Akur og ÍBA.
S.l. föstudag var undirritaður þriggja ára þjónustu- og rekstrarsamningur milli Akureyrarbæjar og Íþróttafélagsins Akurs. Markmið samningsins er að styðja við það heilbrigða og metnaðarfulla íþróttastarf sem Akur er að sinna og bjóða upp á og tryggja að félagið geti haldið úti starfsemi og aðstöðu fyrir bogfimideild félagsins. Jón Heiðar Jónsson, formaður Akurs, undirritaði fyrir félagið. -
73 brautskráðir frá VMA s.l. föstudag
Sjötíu og þrír nemendur brautskráðust frá Verkmenntaskólanum á Akureyri við hátíðlega athöfn í Menningarhúsinu Hofi s.l föstudag. -
Jólaball Skógræktarfélagsins-karamella og köngull!
Það verður glaumur og gleði, gott rjúkandi ketilkaffi og nánast ómótstæðilegt skógarkakó, jólasveinar og heil hljómsveit á hinni árlegu jólatrésskemmtun Skógræktarfélags Eyfirðinga, karamellu og köngul sem haldin verður í Kjarnaskógi á morgun sunnudaginn 21. des kl 15:45 til 17:00. -
Á vakt um jólin
Fyrir marga snúast jólin um að vera með fjölskyldu, borða góðan mat og opna pakka en jólin eru þó ekki eins hjá öllum. Kristjana Freydís Stefánsdóttir, nemi í HA og lögreglumaður á Akureyri, var einmitt með öðruvísi jól í fyrra en þá var hún á kvöldvakt hjá Lögreglunni á Akureyri og ætlar að endurtaka leikinn í ár. -
Björgunarsveitin Súlur er tilbúin allan ársins hring
Jólin og áramótin hafa eflaust verið annasöm hjá Björgunarsveitinni Súlum í flugeldasölu en sveitin er mjög skipulögð allan ársins hring. -
Ævintýrin sem enda vel eru best ! - Snorkstelpan okkar snýr aftur
Síðastliðið sumar reis múmínhús í Ævintýralundinum í Kjarnaskógi. Ungir og aldnir glöddust en stormur í vatnsglasi brast á og kvittur um ólögmæti framkvæmda, brot á höfundarrétti, fyrirhugaðar málsóknir rétthafa osfrv barst út, kyntur upp af virðulegum fjölmiðli úr borginni á smelluveiðum. -
Ertu ekki með hagar hendur?
Hildur Eir Bolladottir prestur við Akureyrarkirkju segir frá þvi í dag að skemmtilegt verkefni sé farið í gang í Safnaðarheimili Akureyrarkirkju og allt sem vanti núna séu fleiri hagar hendur