Rúmlega 90% bera mikið traust til Sjúkrahússins á Akureyri
Sjúkrahúsið á Akureyri nýtur mikils trausts á meðal almennings. Mynd/Auðunn Níelsson.
Sjúkrahúsið á Akureyri (SAk) hélt uppi góðri þjónustu á öllum sviðum starfseminnar á árinu 2017. Áfram var haldið við að stytta biðlista þar sem þörfin var brýn sem og biðtíma eftir aðgerðum. Reksturinn gekk almennt vel og mjög mikil ánægja ríkti með þjónustu sjúkrahússins, samkvæmt niðurstöðum könnunar sem Gallup vann fyrir Sjúkrahúsið á meðal skjólstæðinga þess og aðstandenda þeirra, og fram kemur í tilkynningu frá SAk.
Niðurstöðurnar voru kynntar á ársfundi Sjúkrahússins sem haldin var í gær. „Þetta er góður vitnisburður um það starf sem hér er unnið. Slíkt er engan veginn sjálfgefið og að baki liggur mikið starf þeirrar samhentu sveitar sem hér starfar,“ er haft eftir Bjarna Jónassyni, forstjóra SAk. Könnunin var framkvæmd á tímabilinu frá 15. nóvember 2017 til 5. janúar 2018. 90,2% aðspurðra bera ýmist fullkomið traust (20,3%), mjög mikið traust (41,7%) eða frekar mikið traust (28,2%) til Sjúkrahússins á Akureyri. Þá sögðust 92,6% þeirra sem nýttu sér þjónustu þess vera ánægð með hana.
Aðeins Landhelgisgæslan nýtur meira trausts
Markmiðið með könnuninni var að mæla traust almennings á starfssvæði Sjúkrahússins á Akureyri ásamt því að mæla afstöðu þeirra sem hafa nýtt sér þjónustu sjúkrahússins. Úrtakið var 1.553 manns í póstnúmerum 540 til 765,18 ára og eldri, handahófsvaldir úr Viðhorfahópi Gallup, og var þátttökuhlutfallið 73,7%. „Í skýrslu Gallup er niðurstaðan hvað varðar traust til Sjúkrahússins á Akureyri borin saman við niðurstöður um traust sem almenningur ber til annarra stofnana samfélagsins eins og þær mældust í Þjóðarpúlsi Gallup í febrúar 2017. Landhelgisgæslan ein mælist með meira traust en SAk en auk þeirra mælast einungis Lögreglan og Embætti forseta Íslands með yfir 80% traust almennings,“ segir í tilkynningu.
Ívið meiri starfsemi á árinu
Starfsemin var ívið meiri að umfangi á flestum sviðum á Sjúkrahúsinu á Akureyri en í fyrra. Í biðlistaátaki velferðarráðuneytisins voru gerðar 156 gerviliðaaðgerðir eða 10 fleiri en árið áður. Skurðaðgerðir voru álíka margar og árið áður, legudögum fjölgaði um 1,5% og sjúklingum á legudeildum um 1,2%. Meðallegutími var 4,6 dagar. Fæðingum fækkaði um 12 frá fyrra ári en 377 konur fæddu 383 börn á árinu. Einingar vegna göngudeildarþjónustu lækna voru 828 þúsund og fjölgaði um 1,4%. Komum sjúklinga á dagdeildir fjölgaði um 1,6% og sjúkraflug jókst enn, nú um 19,3% og voru flugin 798. Almennar rannsóknir jukust um 11,5% á milli ára og starfsemi og þjónusta apóteks jukust um 2,4%. Á bráðamóttöku var komufjöldi sá sami og árið 2016 en komum til heilsugæslulækna sem hafa aðsetur á bráðamóttöku utan dagvinnutíma fjölgaði um 15% milli ára.
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.