Ránið í Fjölumboðinu og fleiri brot upplýst
Lögreglustöðin á Akureyri. Mynd: Hörður Geirsson.
Tæplega tvítugur piltur hefur játað við yfirheyrslur hjá lögreglunni á Akureyri að hafa framið rán í Fjölumboðinu að Geislagötu 12 á Akureyri þann 23. febrúar s.l. með því að ógna starfsmanni með úðabrúsa og taka peninga úr afgreiðslukassa. Pilturinn var handtekinn 25. febrúar eftir að hafa verið stöðvaður við akstur á óskráðri bifreið og úrskurðaður í gæsluvarðhald vegna málsins þann 26. febrúar til þess 29. en látinn laus í gærkvöld og telst málið upplýst. Hann mun hafa haft um 5-600.000 krónur upp úr krafsinu. Ránsfengnum hafði hann m.a. eytt í fíkniefni, lyf og skuldir. Þessi aðili kom frá Reykjavík þann 22. febrúar sl. á stolnum bíl ásamt rúmlega tvítugum kunningja sínum en bílnum höfðu þeir stolið í Reykjavík og einnig bensíni á hann. Bílinn urðu þeir þó að skilja eftir í Skagafirði eftir að hafa fest hann og brotist þar inn í sumarbústað. Þangað voru þeir svo sóttir frá Akureyri. Eftir að annar hafði framið ránið á Akureyri tók hinn póstbíl traustataki þann 24. febrúar sl. sem skilinn hafði verið eftir í gangi við hús á Akureyri. Hann braust inn í aðra bifreið og stal úr henni nokkrum smáhlutum og síðan inn í einbýlishús austan Akureyrar og stal þaðan talsverðum verðmætum. Hann var síðan handtekinn sama dag á Svalbarðsströnd eftir eftirför lögreglu og játaði brot sín og þýfið komst til skila. Báðir þessir piltar hafa komið við sögu lögreglu áður. Auk þess að vera báðir án ökuréttinda eru þeir báðir grunaðir um akstur undir áhrifum fíkniefna.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.