Rakel með þrennu í sigri Þórs/KA í kvöld
Fyrsta mark leiksins kom síðan eftir aðeins fimm mínútna leik. Rakel Hönnudóttir fékk þá stungusendingu frá Mateju Zver inn fyrir vörn gestanna og skoraði af öryggi og kom heimastúlkum í 1-0. Rakel var svo aftur á ferðinni á 17. mínútu leiksins er hún fékk boltann í teig gestanna, lagði hann fyrir sig og skoraði með góðu skoti í fjærhornið. Staðan 2-0.
Eftir þetta misstu Þórs/KA stúlkur dampinn en þó ekki lengi því Rakel Hönnudóttir fullkomnaði þrennu sína í leiknum er hún skoraði þriðja mark Þórs/KA á 40. mínútu með þrumuskoti inn í teig. Staðan í hálfleik, 3-0.
Seinni hálfleikurinn var rólegur framan af. Afturelding/Fjölnir sótti í sig veðrið en tókst lítið að koma sér áleiðis gegn sterkri vörn Þórs/KA. Heimastúlkur fengu nokkur ágætis færi til þess að bæta við marki þegar líða tók á seinni hálfleikinn og átti Rakel Hönnudóttir m.a. skot í stöng. Það var svo á 69. mínútu leiksins að fjórða mark heimastúlkna leit dagsins ljós og það skoraði Katla Óska Káradóttir með fínu skoti af stuttu færi inn í teig gestanna eftir sendingu frá Rakel Hönnudóttur. Staðan 4-0.
Þegar sjö mínútur voru til leiksloka bætti Arna Sif Ásgrímsdóttir við fimmta marki Þórs/KA. Vesna Smiljkovic, sem kom inn á sem varamaður, átti sendingu fyrir mark gestanna og Arna renndi boltanum auðveldlega í netið. Staðan 5-0. Aðeins tveimur mínútum síðar eða á 85. mínútu leiksins náðu gestirnir að minnka muninn í 5-1 með marki frá Aldísi Mjöll Helgadóttur af stuttu færi.
Lokatölur á Þórsvelli, 5-1 sigur Þórs/KA sem eftir leikinn hefur 36 stig í þriðja sæti deildarinnar.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.