Plássleysi í dagvistun hefur áhrif á fjölskyldulífið
Stefán Guðnason og yngri dóttir hans, Katrín Lea.
Stefán Guðnason og konan hans Sveindís Ósk Ólafsdóttir hafa þurft að bjarga sér með hjálp fjölskyldunnar síðustu 10 mánuði þar sem ekkert pláss hefur verið hjá dagforeldri á Akureyri fyrir tæplega tveggja ára dóttur þeirra. Þau hafa verið á biðlista eftir plássi hjá dagforeldri í um eitt ár en lítið gengið.
Daggæslumál á Akureyri hafa reglulega verið í umræðunni undanfarna mánuði þar sem skortur er á leikskóla- og dagvistunarplássum. Staða Stefáns og Sveindísar er eflaust lýsandi fyrir þann vanda sem fjölmargir eru í. Tengdamóðir Stefáns var með dóttur þeirra fram að áramótum svo þau gætu bæði sinnt sinni vinnu.
Eftir áramót tók Sveindís Ósk út sumarleyfið sitt til að geta verið með barninu og kláraði það 20. febrúar sl.
„Síðan þá hefur fyrirkomulagið verið þannig að ég hef verið heima með dóttur okkar fram að hádegi og svo hefur mamma mín eða tengdamamma mín tekið við. Þá fer ég í vinnuna fram á kvöld og vinn svo um helgar. Ég sé því eldri dóttur okkar lítið þar sem ég er farinn í vinnuna þegar hún kemur heim og svo er stutt í að hún fari að sofa þegar ég kem heim á kvöldin. Þetta er auðvitað ömurlegt,“
segir Stefán.
Hann segist heppinn að því leytinu til að geta hagað sínum vinnutíma sjálfur. „En það eru alls ekkert allir í þeirri stöðu. Vinafólk okkar t.d. eru í þeirri stöðu að konan er launalaus heima með yngra barnið þeirra.“
„Humma“ ekki vandann frá sér
Akureyrarbær hefur sagt að aðstæður sem hafa skapast hér séu fordæmalausar þar sem um 50 börn fluttust til bæjarins á skömmum tíma og fyrir vikið fór allt úr skorðum.
„En þá spyr maður sig, er ekki hægt að hafa kerfið betra en svo að það sé ekki reiknað með því að fólk flytji hingað í bæinn?“ segir Stefán. „Þegar mannfjöldaspá er reiknuð út frá fæðingartíðni í bæ sem er að byggja upp heilu hverfin og fjölga störfum, þá hlýtur fólk að sjá að þar er massívur reikningsfeill, feill sem hefur verið allt of lengi við lýði,“ segir Stefán.
Ítarlegra er rætt við Stefán og fjallað um daggæslumálin í prentútgáfu Vikudags.
Nýjast
-
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu.