Óvissuástandið haft verulega lýjandi áhrif á fólk
Starfsmenn Byrs á Akureyri búa við mikla óvissu.
Þessi óvissa er mjög erfið fyrir starfsmenn, við höfum búið við yfirvofandi óvissuástand til lengri tíma og hefur það verulega lýjandi áhrif á fólk, segir Sigrún Kristbjörnsdóttir stjórnarmaður í Starfsmannafélagi Byrs, en útibú Byrs og útibú Íslandsbanka á Akureyri verða sameinuð í febrúar á næsta ári, 2012. Alls starfa í dag 13 manns í útibúi Byrs á Akureyri sem eru í óvissu með störf sín.
Um síðustu mánaðamót var 9 manns, sem störfuðu í bakvinnslu, sagt upp störfum, en þeir tilheyrðu höfuðstöðvum Byrs í Reykjavík. Af þeim hópi eru 7 enn starfandi í útibúinu og verða fram í janúar. Þá hefur útibússtjórinn, Örn Arnar Óskarsson sagt starfi sínu lausu og lét hann af störfum í vikunni. Starfsmenn vita ekki á þessari stundu hvað um þá verður, engar upplýsingar hafi spurst út um hversu margir af starfsmönnum Byrs fari hugsanlega yfir í Íslandsbanka við samrunann, en boðaðar hafi verið breytingar á starfsmannafjölda, hjá báðum þessum útibúum.
Sigrún segir að viðbrögð viðskiptavina Byrs á Akureyri við tíðindunum séu misjöfn eins og gengur, en margir okkar viðskiptavina sjá verulega eftir sparisjóðnum sínum, segir hún. Viðskiptavinir sína okkur mikinn samhug og hafa látið í ljós að þeir hafi áhyggjur af okkar framtíð. Það líður ekki sá dagur að við fáum ekki góðar kveðjur og þær eru okkur mikils virði.
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.