Óvenju margar fæðingar á FSA í janúar
Sjúkrahúsið á Akureyri. Mynd: Hörður Geirsson.
Janúar var mjög líflegur hjá okkur, segir Ingibjörg Jónsdóttir deildarstjóri á fæðingadeild Sjúkrahússins á Akureyri en alls voru fæðingar 50 talsins í nýliðnum mánuði og fæddist 51 barn, því ein tvíburafæðing var í janúar. Undanfarin 10 ár hafa fæðingar í janúar verið að meðaltali 36. Ingibjörg segir að það hafi hentað vel að svo margar konur fæddu í janúar en breytingar standa nú yfir á deilinni. Framkvæmdir hófust 24. janúar og er gert ráð að þær standi yfir í alls 12 vikur. Það gengur allt vel og framkvæmdir eru á áætlun. Til að byrja með fylgdi þeim töluverður hávaði, þar sem m.a. var verið að brjóta niður veggi, en konurnar okkar eru ótrúlega skilningsríkar og kvarta ekki, segir Ingibjörg.
Verið er að endurnýja báðar fæðingastofurnar, stækka aðra þeirra, útbúa salernis- og sturtu aðstöðu inni á báðum fæðingastofunum, setja ný og dýpri baðkör/fæðingakör á báðar stofurnar því við vorum bara með grunnt kar á annari stofunni. Svo verður að sjálfsögðu málað, segir Ingbjörg. Þá verða innréttingar á barnastofunni endurnýjaðar og vinnuaðstaða starfsfólks endurbættm m.a. með tilliti til aukinnar rafrænnar skráningar.
Ingibjörg segir að vinna starfsfólks gangi sinn vanagang þrátt fyrir raskið, fæðingastofurnar voru fluttar í heilu lagi" inn á legustofur og það á ekki að koma niður á fæðingarþjónustunni. Hins vegar fækkar leguplássum. Við getum ekki í öllum tilfellum boðið upp á gistingu feðra, sem er mjög miður, en við erum þakklát okkar skjólstæðingum fyrir góðan skiling og þolinmæði, segir Ingibjörg.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.