Öruggur sigur KA í dag- Ótrúleg endurkoma hjá Þór
KA lagði Víking Ó. að velli með öruggum 3-0 sigri á Akureyrarvelli í dag er liðin mættust í 1. deild karla í knattspyrnu. Fyrr í dag gerðu Leiknir R. og Þór jafntefli í miklum markaleik en lokatölur á Leiknisvelli urðu 4-4. Það var hreint ótrúlegur endasprettur sem tryggði Þór stig í leiknum en öll mörk Þórs komu á tólf mínútna kafla undir lok leiksins. Einar Sigþórsson átti stórleik og skoraði þrennu fyrir Þór í dag og Hreinn Hringsson skoraði eitt mark. Í leik KA og Víkings Ó. voru það heimamenn sem höfðu mikla yfirburði.
Það tók KA- menn aðeins um sex mínútur að skora fyrsta mark leiksins og það gerði Andri Fannar Stefánsson með hörkuskoti fyrir utan teig í stöng og inn. Á 38. mínútu bætti Sandor Fortizs við öðru marki KA. Hann fékk þá boltann fyrir utan teig og lét vaða á markið og boltinn fór upp í samskeytin, algjörlega óverjandi fyrir markvörð gestanna. Staðan 2-0 í hálfleik.
Það var svo snemma í síðari hálfleik að KA gulltryggði sigurinn og það gerði Bjarni Pálmason með marki á 60. mínútu. Lokatölur því öruggur 3-0 sigur KA. Eftir 19. umferðir er KA í 5. sæti deildarinnar með 29 stig en Þór í 7. sæti með 25 stig.
Nýjast
-
Dýrey flutti starfsemi að Baldursnesi 2
„Þörfin fyrir að stækka við okkur húsnæði var löngu tímabær. Eftir mikla leit og vangaveltur varð húsnæði við Baldursnes 2 fyrir valinu, enda hentar það okkar starfsemi einkar vel. Þar getum við sameinað spítala fyrir bæði gæludýr og stór dýr. Við erum hæst ánægð með flutninginn í nýtt húsnæði sem og okkar viðskiptavinir,“ segir Helga Berglind Ragnarsdóttir dýralæknir og einn eigandi Dýralæknaþjónustu Eyjafjarðar, Dýrey. -
Mjölhúsið og síldarverksmiðjan á Raufarhöfn heyra brátt sögunni til
Í maí sl. gerði Hringrás ehf. tilboð í niðurrif hluta húseignanna, þ.e. mjölhúsið og verksmiðjuhúsið -
Gefur okkur færi á að sækja fram og auka starfsemina -Segir Jón Ingvi Árnason sparisjóðsstjóri Sparisjóðs Höfðhverfinga.
„Við verðum betur í stakk búinn til að sækja fram, að auka okkar starfsemi og efla hana,“ segir Jón Ingvi Árnason sparisjóðsstjóri Sparisjóðs Höfðhverfinga. Stjórnir Sparisjóðs Höfðhverfinga hf. og Sparisjóðs Strandamanna hf. hafa undirritað samrunaáætlun um sameingingu sjóðanna og tekur hún mið af stöðu sjóðanna í upphafi árs. Sameinaður sparisjóður fær nafni Smári sparisjóður en verður áfram markaðsettur undir merkjum Sparisjóðanna. -
Að fá rafræn skilríki fyrir fatlaða barnið sitt!!!
Hrafnhildur Jónsdóttir á Akureyri, móðir tveggja fatlaðra drengja skrifar pistil á Facebookvegg sinn í morgun sem hefur vakið mikla athygli. Hrafnhildur gaf samþykki fyrir birtingu pistils hennar hér. -
Jöfnuður er lykilorðið – svar framkvæmdastjóra sveitarfélaga á landsbyggðinni
Sjö bæjar- og sveitarstjórar skrifa um grunntilgang Jöfnunarsjóðs sveitarfélaga -
Ja þessir unglingar
Um 70 manns frá EBAK Félagi eldri borgara á Akureyri, EBAK heimsóttu Kjarnaskóg í vikunni, líkt og þau gera alla þriðjudaga sumarlangt til að ganga sér til gleði. -
Hugleiðingar hafnarstjóra
Sigurður Pétur Ólafsson hafnastjóri skrifaði hugleiðingar sínar á Facebookarvegg sinn í gærkvöldi, vefurinn fékk leyfi til að birta þær ásamt myndum sem fylgdu með. -
Listasafnið á Akureyri: Hekla Björt Helgadóttir með gjörning á Listasumri
Laugardaginn 12. júlí kl. 15 verður boðið upp á gjörning Heklu Bjartar Helgadóttur í Listasafninu á Akureyri í tengslum við þátttöku hennar í samsýningu norðlenskra listamanna, Mitt rými. Viðburðurinn er hluti af Listasumri á Akureyri -
Minningarbekkur í Birtugerði
Minningarbekkur til heiðurs systkinunum Huldu Benediktsdóttur (f. 1938) og Sigurjóni Benediktssyni (f. 1936) hefur verið vígður í Lónsbakkahverfinu í Hörgársveit.
