Oddviti Samfylkingarinnar á Akureyri hættir
Sveitarstjórnarkosningar fara fram í maí á næsta ári.
Sigríður Huld Jónsdóttir oddviti Samfylkingarinnar í bæjarstjórn Akureyrar ætlar ekki í framboð í sveitarstjórnarkosningunum næsta vor. Sigríður Huld tók við sem oddviti eftir að Logi Már Einarsson fór á þing. „Aðstæður mínar breyttust úr því að vera aðstoðarskólameistari og í 2. sæti yfir í það að verða skólameistari og oddviti,“ segir Sigríður Huld um ákvörðunina.
„Ég er í tveimur mjög skemmtilegum störfum og einfaldlega of mikið að gera. Eftir mikla umhugsun ákvað ég að láta bæjarmálin víkja,“ segir Sigríður. Hún segir bæjarfulltrúastarfið skemmtilegt, krefjandi og lærdómsríkt en oddviti þurfi að hafa meiri tíma. „Krafan á tíma bæjarfulltrúa er orðin mjög mikil og sérstaklega þeirra sem eru í meirihluta og eru oddvitar, enda mjög mikilvægt fyrir sveitarfélagið að bæjarfulltrúar séu að taka þátt í umræðum á mörgum stöðum t.d. tengt atvinnulífi, samstarfi innan sveitarstjórnarstigsins, sambandi við ýmis mál sem unnin eru með ríkinu og síð ast en ekki síst að geta gefið sér meiri tíma í innri mál sveitarfélagsins t.d. með því að kynnast betur þeim stóra vinnustað sem Akureyrarbær er,“ segir Sigríður Huld.
Sigríður Huld Jónsdóttir
Þrír undir feldi
Guðmundur Baldvin Guðmundsson formaður bæjarráðs og oddviti Framsóknarflokksins hefur ekki tekið ákvörðun um hvort hann fari fram. „Hugurinn þessa dagana er bundinn við margvísleg og krefjandi störf sem formaður bæjarráðs og ég hef ekki tekið endanlega ákvörðun um framhaldið. Ég mun hins vegar fljótlega gefa út hver ákvörðun mín verður,“ segir Guðmundur í skriflegu svari við fyrirspurn blaðsins. Sömuleiðis hefur Matthías Rögnvaldsson forseti bæjarstjórnar og oddviti L-listans ekki tekið ákvörðun um hvort hann bjóði sig fram. Þá er Preben Jón Pétursson oddviti Bjartrar framtíð ar einnig undir felldi. „En þó eru meiri líkur en minni á að ég gefi kost á mér,“ sagði Preben í samtali við blaðið.
Sóley og Gunnar áfram
Sóley Björk Stefánsdóttir oddviti Vg ætlar að gefa kost á sér á í fyrsta sæti listans og sömuleiðis mun Gunnar Gíslason oddviti Sjálfstæðisflokksins gera slíkt hið sama. Líkt og kom fram í viðtali við Gunnar í Vikudegi í vor vill hann pólitískan bæjarstjóra og stefnir á bæjarstjórastólinn í vor. -þev
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.