Oddur á EM-Arnór Þór dettur út
Oddur Gretarsson er á leiðinni á sitt annað stórmót í röð, en hann var einnig með á HM í Svíþjóð í fyrra.
Guðmundur Guðmundsson, landsliðsþjálfari karla í handknattleik, hefur valið sautján leikmenn fyrir lokakeppni Evrópumótsins í Serbíu sem hefst á sunnudaginn. Oddur Gretarsson, hornamaður hjá liði Akureyrar, er í hópnum en Akureyringurinn Arnór Þór Gunnarsson dettur út. Leikstjórnandinn Snorri Steinn Guðjónsson er ekki í hópnum en hann gefur ekki kost á sér þar sem hann og kona hans hafa nýlega eignast sitt annað barn. Þetta er mikið áfall fyrir íslenska liðið sem verður einnig án Ólafs Stefánssonar sem gefur heldur ekki kost á sér vegna meiðsla. Aron Pálmarsson verður því aðalleikstjórnandi íslenska liðsins og mun mikið mæða á honum í Serbíu.
Ólafur Bjarki Ragnarsson, miðjumaður hjá HK, og Rúnar Kárason, vinstri skytta hjá Bergischer, eru einu leikmennirnir sem ekki hafa farið á stórmót áður. Ólafur, ásamt Arnóri Atlasyni, munu vera Aroni til taks á miðjunni en Guðjón Valur Sigurðsson hefur einnig brugðið sér í stöðu miðjumanns.
Markvörðurinn Aron Rafn Eðvarðsson og Fannar Þór Friðgeirsson detta út úr hópnum ásamt Arnóri.
Lokahópurinn fyrir Evrópumótið í Serbíu:
Markverðir:
Björgvin Páll Gústavsson Magdeburg
Hreiðar Levý Guðmundsson Nötteröy
Útileikmenn:
Alexander Petersson Fuchse Berlin
Arnór Atlason AG Köbenhavn
Aron Pálmarsson THW Kiel
Ásgeir Örn Hallgrímsson Hannover-Burgdorf
Guðjón Valur Sigurðsson AG Köbenhavn
Ingimundur Ingimundarson Fram
Kári Kristján Kristjánsson HSG Wetzlar
Oddur Grétarsson Akureyri
Ólafur Andrés Guðmundsson Nordsjælland
Ólafur Bjarki Ragnarsson HK
Róbert Gunnarsson Rhein Neckar Löwen
Rúnar Kárason Bergischer HC
Sverre Jakobsson Grosswallstadt
Vignir Svavarsson Hannover-Burgdorf
Þórir Ólafsson KS Vive Targi Kielce
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.