ÖA sækist eftir vínveitingaleyfi
Kráarkvöldin á ÖA njóta vinsælda meðal heimilisfólks en með vínveitingaleyfi er m.a. hægt að einfalda innkaup, bæta þjónustuna og minnka fyrirhöfnina þegar kemur að kráarkvöldum og öðrum viðburðum, segir framkvæmdastjóri. Mynd/Þröstur Ernir
Framkvæmdastjóri Öldrunarheimila Akureyrar (ÖA) hefur sent inn umsókn um vínveitingaleyfi fyrir öldrunarheimilin. Um nokkurt skeið hefur staðið til að sækja um slíkt leyfi enda hafa kráarkvöld verið haldin að jafnaði einu sinni í mánuði sl. 10 ár auk hátíðarviðburða og þorrablóta. Þá hafa önnur hjúkrunarheimili verið að sækja um slík leyfi og aðlaga starfsemi sína m.a. til að ná hagræði í innkaupum og afgreiðslu.
Halldór Sigurður Guðmundsson, framkvæmdastjóri ÖA, segir við fyrirspurn blaðsins að tilefnið vegna umsóknar um vínveitingaleyfi komi úr ýmsum áttum, enda umræðan verið í gangi af og til síðastliðinn áratug.
„Fyrir það fyrsta viljum við einfalda innkaup, bæta þjónustuna og minnka fyrirhöfnina þegar kemur að kráarkvöldum og öðrum viðburðum sem fram fara hér innanhúss,“ segir Halldór. „Annað er að vissulega hafa íbúar, aðstandendur og starfsfólk opnað á umræðu um af hverju ÖA sé ekki með vínveitingaleyfi. Slíkt væri í takt við þróunina og menningu í samfélaginu og ætti samleið með áherslum á sjálfræði og lífsgæði íbúa, að þeir geti keypt sér öl eða vín með mat ef svo stendur á. Í þriðja lagi má horfa til þess að önnur öldrunarheimili hafa stigið þetta skref, eins og t.d. Hrafnista og vitað að fleiri eru að undirbúa leyfisumsóknir.“
Halldór bendir einnig á að mikilvægur þáttur í starfsemi ÖA sé að stuðla að ánægjulegum samverustundum, hópastarfi og tilefnum til að ættingjar og aðrir komi og eigi þar góða samveru.
„Vínveitingar geta verið hluti af því og eru það reyndar eins og söngur og sherry-stundir eftir hádegi á föstudögum. Kannski eigum við eftir að prófa „gleðistundir“ eða „happý-hour“, þar sem íbúar eigi val um veitingar. Við sjáum fyrir okkur að vínveitingaleyfi verði til þess að auðvelda ýmislegt af því sem við erum að gera og sem okkur langar að gera um leið og vínveitingar eru hluti þess sem gerist í samfélaginu utan ÖA verð líka innan heimilanna,“ segir Halldór.
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.