Nýbreytni og glæsilegir aukavinningar í Mottumars
Auk þess að keppa um titilinn Mottan 2012 og hljóta flotta vinninga í lok Mottumars - fjáröflunar- og árvekniherferðar Krabbameinsfélagsins - eiga keppendur í ár einnig möguleika á að vinna ýmsa glæsilega aukavinninga. Þannig fara allir keppendur í einstaklingsflokki sem safnað hafa meira en 6.000 krónum í sérstakan pott á miðvikudaginn, sem og liðin sem safnað hafa 12.000 krónum og verða vinningshafa dregnir út í beinni útsendingu í þættinum Virkum morgnum á Rás 2 miðvikudaginn 7. mars næstkomandi. Verðlaunin í einstaklingskeppninni eru flugferð fyrir tvo með WOW Air og sigurvegarinn í liðakeppninni fær glæsilega gjafakörfu frá Íslenskum grænmetisbændum. Dregið verður þrisvar sinnum í mars og fara keppendur í pottinn sem hafa náð tiltekinni upphæð á ákveðnum tímapunktum.
Nú þegar er ljóst að margir verða í pottinum hjá útvarpsfólkinu góðkunna; þeim Gunnu Dís og Andra Frey á miðvikudaginn kemur því um hádegi í dag höfðu vel á annað hundrað einstaklingar náð að safna 6.000 krónum eða meira í áheitum og á fjórða tug liða hafði safnað 12.000 krónum eða meira.
Hátt í þrjár milljónir króna höfðu safnast í Mottumars um hádegisbilið í dag en alls höfðu yfir eitt þúsund keppendur þá þegar skráð sig til leiks í einstaklingskeppninni og vel á annað hundrað liða í liðakeppninni. Enn er þó nægur tími til að vera með því söfnuninni lýkur ekki fyrr en 29. mars og er markmiðið að þá hafi safnast alls 35 milljónir króna til stuðnings baráttunni geng krabbameinum í körlum. Krabbameinsfélagið hvetur landsmenn alla til að taka þátt í Mottumars, hvort sem er með því að skrá sig til leiks á www.mottumars.is eða með því að heita á keppendur.
Nýjast
-
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn.