Ný samgöngumiðstöð á að leysa öryggisleysi strætófarþega
Farþegar landsbyggðarstrætó þurfa að stíga út á götu í veg fyrir bílaumferð til að ná í farangur. Aðstaðan mun færast í nýja samgöngumiðstöð sem til stendur að reisa. Mynd/Þröstur Ernir.
Öryggi farþega sem ferðast með landsbyggðarstrætó til og frá Akureyri verður ekki tryggt fyrr en ný samgöngumiðstöð rís. Í skoðun er hvar best sé að staðsetja slíka miðstöð en heppileg staðsetning hefur ekki fundist enn.
Skipulagsráð Akureyrar hefur vísað erindi sem barst í síðustu viku, um aðstöðuleysi fyrir farþega strætó við Hof, til umhverfis- og mannvirkjaráðs. Vikudagur fjallaði um strætóstoppistöðina við Menningarhúsið Hof fyrir þremur árum en hún þykir hættuleg fyrir farþega sökum þess að hlerar farangursrýmis opnast í báðar áttir. Þannig þurfa farþegar oft að ganga út á götu til að sækja farangur sinn.
Ingibjörg Isaksen, formaður umhverfis- og mannvirkjaráðs Akureyrarbæjar, segir spurð um núverandi aðstöðu við strætóstoppistöðuna að hún sé óheppileg. „Þetta er alveg bagalegt og alls ekki gott. Þess vegna höfum við verið að skoða þetta mál. Við höfum hugsað okkur að ný samgöngumiðstöð leysi þennan vanda en það hefur tekið langan tíma og er enn í vinnslu. Við erum búin að setja fjármagn varðandi nýja samgöngumiðstöð inn á fjárhagsáætlun þannig að við ætlum í þetta verkefni,“ segir Ingibjörg.
Vandræði með staðsetningu
Upphaflega var gert var ráð fyrir því að ný samgöngumiðstöð yrði tekin í notkun árið 2017 en það sem tefur verkefnið er að ekki finnst heppileg staðsetning.
„Vandræðin hafa verið að finna staðsetningu og við erum í þarfagreiningu eins og er um hversu stórt svæði og stórt hús við þurfum og hverjir ætla
að vera með í þessu og svo framvegis. Eins og staðan er núna eru það landsbyggðarstrætóinn og innanbæjarstrætó sem þar myndu hafa aðstöðu. Staðir eins og svæðið við Nætursöluna eða við Ráðhúsið hafa verið nefndir en ekkert er fast í stöðunni. Vandinn er sá að það þarf svo stórt malbikað svæði í kring,“ segir Ingibjörg.
Hún segist reikna með að niðurstaða þarfagreiningar á samgöngumiðstöð liggi fyrir í vor.
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.