Norðursprotar verða til á Norðausturlandi
Það var Tómas Már Sigurðsson forstjóri Alcoa á Íslandi sem afhenti Þorsteini Gunnarssyni rektor HA styrkinn vegna Norðursprota. Styrkur samfélagssjóðsins svarar til rúmlega 6,7 milljóna króna, miðað við gengi dagsins í dag. Verkefni Norðursprotar snýr að gerð viðskiptaáætlana og verður styrkurinn úr Samfélagssjóði Alcoa notaður til að standa undir kostnaði við gerð þeirra. Styrkurinn var afhentur í húsnæði rafverktafyrirtækisins RAF á Akureyri, sem hóf göngu sína sem sprotafyrirtæki og hefur vaxið og dafnað síðan, m.a. undir handleiðslu Impru og þar starfa nú ellefu manns. Impra Nýsköpunarmiðstöð mun annast framkvæmd verkefnisins í samstarfi við HA og á næstunni verður auglýst eftir umsóknum frá einstaklingum á Norðausturlandi. Er gert ráð fyrir að unnt verði að styrkja á bilinu 12-15 umsækjendur til gerðar viðskiptaáætlunar fyrir nýsköpunarhugmynd þeirra. Styrkirnir nema allt að 400 þúsund krónum til hvers og eins. Ekkert verður því til fyrirstöðu í framhaldinu að unnið verði að framgangi sjálfra viðskiptahugmyndanna í samstarfi við fyrirtæki á Norðausturlandi sem hafa áhuga á að hrinda þeim í framkvæmd í samstarfi við viðkomandi aðila.
Nýjast
-
Kveldúlfur, ný tónlistarhátíð á Hjalteyri
Kveldúlfur er ný tónlistarhátíð sem verður haldin á Hjalteyri á morgun laugdaginn, 12. júlí. Skipuleggjendur hátíðarinnar eru þau Sara Bjarnason verkefnastjóri og Vikar Mar bóndi á Ytri Bakka og listmálari. -
Dýrey flutti starfsemi að Baldursnesi 2
„Þörfin fyrir að stækka við okkur húsnæði var löngu tímabær. Eftir mikla leit og vangaveltur varð húsnæði við Baldursnes 2 fyrir valinu, enda hentar það okkar starfsemi einkar vel. Þar getum við sameinað spítala fyrir bæði gæludýr og stór dýr. Við erum hæst ánægð með flutninginn í nýtt húsnæði sem og okkar viðskiptavinir,“ segir Helga Berglind Ragnarsdóttir dýralæknir og einn eigandi Dýralæknaþjónustu Eyjafjarðar, Dýrey. -
Mjölhúsið og síldarverksmiðjan á Raufarhöfn heyra brátt sögunni til
Í maí sl. gerði Hringrás ehf. tilboð í niðurrif hluta húseignanna, þ.e. mjölhúsið og verksmiðjuhúsið -
Gefur okkur færi á að sækja fram og auka starfsemina -Segir Jón Ingvi Árnason sparisjóðsstjóri Sparisjóðs Höfðhverfinga.
„Við verðum betur í stakk búinn til að sækja fram, að auka okkar starfsemi og efla hana,“ segir Jón Ingvi Árnason sparisjóðsstjóri Sparisjóðs Höfðhverfinga. Stjórnir Sparisjóðs Höfðhverfinga hf. og Sparisjóðs Strandamanna hf. hafa undirritað samrunaáætlun um sameingingu sjóðanna og tekur hún mið af stöðu sjóðanna í upphafi árs. Sameinaður sparisjóður fær nafni Smári sparisjóður en verður áfram markaðsettur undir merkjum Sparisjóðanna. -
Að fá rafræn skilríki fyrir fatlaða barnið sitt!!!
Hrafnhildur Jónsdóttir á Akureyri, móðir tveggja fatlaðra drengja skrifar pistil á Facebookvegg sinn í morgun sem hefur vakið mikla athygli. Hrafnhildur gaf samþykki fyrir birtingu pistils hennar hér. -
Jöfnuður er lykilorðið – svar framkvæmdastjóra sveitarfélaga á landsbyggðinni
Sjö bæjar- og sveitarstjórar skrifa um grunntilgang Jöfnunarsjóðs sveitarfélaga -
Ja þessir unglingar
Um 70 manns frá EBAK Félagi eldri borgara á Akureyri, EBAK heimsóttu Kjarnaskóg í vikunni, líkt og þau gera alla þriðjudaga sumarlangt til að ganga sér til gleði. -
Hugleiðingar hafnarstjóra
Sigurður Pétur Ólafsson hafnastjóri skrifaði hugleiðingar sínar á Facebookarvegg sinn í gærkvöldi, vefurinn fékk leyfi til að birta þær ásamt myndum sem fylgdu með. -
Listasafnið á Akureyri: Hekla Björt Helgadóttir með gjörning á Listasumri
Laugardaginn 12. júlí kl. 15 verður boðið upp á gjörning Heklu Bjartar Helgadóttur í Listasafninu á Akureyri í tengslum við þátttöku hennar í samsýningu norðlenskra listamanna, Mitt rými. Viðburðurinn er hluti af Listasumri á Akureyri
