Norðurport, norðlenskt Kolaport, tekur til starfa á Akureyri
"Það má segja að ég hafi verið búin að vera heima hjá mér í eymd og volæði í vikutíma eftir uppsögnina í bankanum, þegar þessi hugmynd kom upp. Ég var að fara hitta sálfræðinginn minn, sem ég leitaði til eftir atvinnumissinn og var keyra niður Borgarbrautina í fallegu veðri, þegar ég fór að velta þeim möguleika fyrir mér að setja upp svona markað. Það er því skemmtileg tilviljun að ég skildi fá inni í þessu húsi, sem er í eigu Akureyrarbæjar. Sálfræðingurinn hvatti mig til dáða og ég fór því að vinna að hugmyndinni. Ég lagði mikla vinnu í undirbúning, gerði rekstraráætlun og setti fram markmið, sem ég svo fór með á fund bæjarstjóra, sem tók mér mjög vel. Niðurstaðan varð sú að bærinn leigir mér húsnæðið alla vega út þennan mánuð en á þessari stundu liggur ekki fyrir hvort ég fæ að vera þar lengur. Ef ekki, leita ég að öðru húsnæði til að halda áfram með starfsemina eftir áramót," sagði Margrét, sem hefur m.a. sótt um styrk til verkefnisins hjá Impru.
Hún sagði að fjölmargir aðilar hefðu tekið á leigu borð eða bása í húsnæðinu og hún vonast til að fá sem flesta þarna inn. Margrét hefur fengið fyrirspurnir víða af landinu, m.a. úr Reykjavík, Skagafirði og Þingeyjarsýlsum. "Ég held að þetta sé mjög góður tími til að setja upp svona markað og aðstaðan í þessu húsnæði er mjög góð, bæði fyrir seljendur og gesti. Það eru þó ekki margir með eitthvað matarkyns til sölu enn sem komið en þeim mun meira af alls kyns handverki, auk þess sem fólk er að selja úr geymslunum sínum."
Í Laugarborg í Eyjafjarðarsveit hefur verið starfræktur markaður en Margrét sagði að þeir aðilar sem þar hafa verið ætli flestir að koma til sín um helgina og að það sé góður hópur. Margrét er með reksturinn á sinni kennitölu til að byrja með en stefnir að því að stofna einkahlutafélag á næsta ári. "Ég er því líka búin að læra heilmikið um hluti sem ég vissi ekkert um áður."
Vaknaði aftur til meðvitundar
Margrét var yfir gjaldkeradeildinni hjá Landsbankanum á Akureyri og hún sagði að það hafi komið sér á óvart að vera sagt upp störfum. "Ég hef verið á vinnumarkaði frá árinu 1971, þetta hefur aldrei hent mig fyrr en einhvern tíma er allt fyrst. Eftir að ég lokaði bankadyrunum á eftir mér, má segja að með þessu nýja verkefni hafi ég vaknað aftur til meðvitundar um að geti gert eitthvað."
Norðurport verður opið frá kl. 11-17 á laugardögum og sunnudögum en Margrét segir að einnig komi til greina að hafa opið á föstudögum. Unnið er að því að setja upp heimasíðu, nordurport.is og þar getur fólk fengið upplýsingar um starfsemina og pantað sér pláss í húsnæðinu. Margrét vildi árétta að aðeins fáir söluaðilar taki við greiðslukortum.
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.