Norðurorka vill leggja metangaslögn frá sorphaugunum
Norðurorka hefur spurst fyrir um leyfi til að leggja metangaslögn frá gömlu sorphaugunum á Glerárdal að hreinsistöð sem staðsett yrði við vatnsgeymi Norðurorku við Súluveg. Skipulasstjóri leitaði eftir áliti Skipulagsstofnunar á því hvort merkja þurfi gaslögn frá urðunarstað á Glerárdal að hreinsistöðinni inná aðalskipulagsuppdrætti. Lögnin mun liggja um 12 m frá Súluveginum sunnanverðum og meðfram honum frá urðunarstað að vatnsgeymi þar sem hreinsistöðin mun standa. Niðurstaða skipulagsstofnunar er sú að ekki er talin þörf á að breyta aðalskipulagi vegna framkvæmda við lögnina þar sem svipaðar lagnir sem tilheyra dreifikerfum annarra veitukerfa eru ekki háðar aðalskipulagsákvæðum, en gera þarf deiliskipulag vegna staðsetningar hreinsi- og afgreiðslustöðvar. Stofnunin bendir einnig á að framkvæmdin er háð framkvæmdaleyfi Akureyrarbæjar, segir í bókun frá fundi skipulagsnefndar í vikunni.
Einnig kemur fram í fundargerð skipulagsnefndar að Mannvit ehf. hafi fyrir hönd Norðurorku hefur sent Skipulagsstofnun tilkynningu um framkvæmd vegna fyrirhugaðrar metangasleiðslu meðfram Súluvegi, skv. 6. gr. laga um mat á umhverfisáhrifum. Stofnunin óskaði eftir því að Akureyrarbær gæfi umsögn um hvort og á hvaða forsendum ofangreind framkvæmd skuli háð mati á umhverfisáhrifum. Skipulagsnefnd telur að framkvæmdir vegna lagningar metangasleiðslu og rask henni fylgjandi séu óverulegar og afturkræfar og skulu því ekki háðar mati á umhverfisáhrifum.
Nýjast
-
Samorkuþing fjölmenn ráðstefna í orku- og veitumálum hefst á Akureyri á fimmtudaginn
Samorkuþing verður sett kl. 9.30 í Hofi n.k. fimmtudag. Þingið er haldið á þriggja ára fresti á Akureyri og hefur aðsóknin aldrei verið meiri en í ár. Óhætt er að segja að Akureyri verði undirlögð af starfsfólki orku- og veitufyrirtækja um allt land, en 620 manns eru skráð til leiks á þingið. -
Góð gjöf til Krabbameinsfélags Akureyrar og nágrennis
Krabbameinsfélag Akureyrar og nágrennis fékk á dögunum góðan styrk frá árgangi 2008 sem útskrifaðist úr Hrafnagilsskóla vorið 2024. -
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori