Mögleikamiðstöðin fyrir fólk í atvinnuleit opnar á ný
Möguleikamiðstöðin er samstarfsverkefni Akureyrarbæjar, Vinnumálastofnunnar, Vinnumarkaðsráðs og stéttarfélaga á svæðinu. Ætlunin er að sameina á einn stað upplýsingar um það sem í boði er á Akureyri fyrir fólk sem leitar nýrra tækifæra í námi og starfi. Á staðnum er bæði aðstaða til þess að lesa blöðin, fá sér kaffi og með því, spila pool, fara í borðtennis, spila eða fara í tölvurnar - svo eitthvað sé nefnt. Möguleikamiðstöðin mun eftir fremsta megni reyna að styrkja það fjölbreytta starf sem er nú þegar í boði í bænum, en auk þess bjóða upp á félagsaðstöðu, aðstoð, upplýsingagjöf, kynningar, fræðslu og hópastarf í jákvæðu andrúmslofti . Eins verða haldnar þar ýmsar gagnlegar kynningar. Starfsfólk miðstöðvarinnar mun veita fjölbreytta og einstaklingsmiðaða aðstoð af ýmsum toga, t.d. að hjálpa fólki að sækja um niðurgreiðslu vegna námskeiða, sækja um skólavist, fá upplýsingar um réttindi sín, miðla sjálfboðaliðastarfi, gera áætlun í atvinnuleitinni, aðstoða við gerð ferilskráa, spjalla o.s.frv.
Íslenskt samfélag gengur nú í gegnum erfiðan tíma og eru Akureyringar þar ekki undanskildir. Fjölmargir eru atvinnulausir eða í hlutastarfi, fólk úr öllum stéttum og atvinnugreinum er án vinnu. Það tekur á alla að missa vinnuna og erfitt er að reyna að finna aðra - sérstaklega í þessu árferði, þegar fá störf eru í boði. Flestum reynist, a.m.k. tímabundið, erfitt að halda í bjartsýnina og kraftinn. Þetta tímabil mun hins vegar líða hjá. Á meðan eigi flestir engra annarra kosta völ en að nýta tímann eins vel og mögulegt er og vera til í slaginn þegar að kemur. Það er ótrúlega margt í boði á Akureyri fyrir einstaklinga sem eru án vinnu eða í hlutastarfi. Möguleikarnir eru alls staðar, það ættu flestir að geta fundið eitthvað við sitt hæfi, segir m.a. í fréttatilkynningu.
Nýjast
-
Dýrey flutti starfsemi að Baldursnesi 2
„Þörfin fyrir að stækka við okkur húsnæði var löngu tímabær. Eftir mikla leit og vangaveltur varð húsnæði við Baldursnes 2 fyrir valinu, enda hentar það okkar starfsemi einkar vel. Þar getum við sameinað spítala fyrir bæði gæludýr og stór dýr. Við erum hæst ánægð með flutninginn í nýtt húsnæði sem og okkar viðskiptavinir,“ segir Helga Berglind Ragnarsdóttir dýralæknir og einn eigandi Dýralæknaþjónustu Eyjafjarðar, Dýrey. -
Mjölhúsið og síldarverksmiðjan á Raufarhöfn heyra brátt sögunni til
Í maí sl. gerði Hringrás ehf. tilboð í niðurrif hluta húseignanna, þ.e. mjölhúsið og verksmiðjuhúsið -
Gefur okkur færi á að sækja fram og auka starfsemina -Segir Jón Ingvi Árnason sparisjóðsstjóri Sparisjóðs Höfðhverfinga.
„Við verðum betur í stakk búinn til að sækja fram, að auka okkar starfsemi og efla hana,“ segir Jón Ingvi Árnason sparisjóðsstjóri Sparisjóðs Höfðhverfinga. Stjórnir Sparisjóðs Höfðhverfinga hf. og Sparisjóðs Strandamanna hf. hafa undirritað samrunaáætlun um sameingingu sjóðanna og tekur hún mið af stöðu sjóðanna í upphafi árs. Sameinaður sparisjóður fær nafni Smári sparisjóður en verður áfram markaðsettur undir merkjum Sparisjóðanna. -
Að fá rafræn skilríki fyrir fatlaða barnið sitt!!!
Hrafnhildur Jónsdóttir á Akureyri, móðir tveggja fatlaðra drengja skrifar pistil á Facebookvegg sinn í morgun sem hefur vakið mikla athygli. Hrafnhildur gaf samþykki fyrir birtingu pistils hennar hér. -
Jöfnuður er lykilorðið – svar framkvæmdastjóra sveitarfélaga á landsbyggðinni
Sjö bæjar- og sveitarstjórar skrifa um grunntilgang Jöfnunarsjóðs sveitarfélaga -
Ja þessir unglingar
Um 70 manns frá EBAK Félagi eldri borgara á Akureyri, EBAK heimsóttu Kjarnaskóg í vikunni, líkt og þau gera alla þriðjudaga sumarlangt til að ganga sér til gleði. -
Hugleiðingar hafnarstjóra
Sigurður Pétur Ólafsson hafnastjóri skrifaði hugleiðingar sínar á Facebookarvegg sinn í gærkvöldi, vefurinn fékk leyfi til að birta þær ásamt myndum sem fylgdu með. -
Listasafnið á Akureyri: Hekla Björt Helgadóttir með gjörning á Listasumri
Laugardaginn 12. júlí kl. 15 verður boðið upp á gjörning Heklu Bjartar Helgadóttur í Listasafninu á Akureyri í tengslum við þátttöku hennar í samsýningu norðlenskra listamanna, Mitt rými. Viðburðurinn er hluti af Listasumri á Akureyri -
Minningarbekkur í Birtugerði
Minningarbekkur til heiðurs systkinunum Huldu Benediktsdóttur (f. 1938) og Sigurjóni Benediktssyni (f. 1936) hefur verið vígður í Lónsbakkahverfinu í Hörgársveit.
