Mikilvægt að halda málefnum Reykjavíkurflugvallar á lofti
Njáll Trausti segir að um 430 sjúklingar hafi verið fluttir árlega með sjúkaflugflugi frá landsbyggðinni til Reykjavíkur á undanförnum árum og þar af hafi um helmingur þeirra verið í lífshættu, eða um alls 2.000 manns á einum áratug. Bæjarstjórn Akureyrar samþykkti á fundi sínum um miðjan nóvember sl., með 11 samhljóða atkvæðum, tillögu Njáls Trausta varðandi Reykjavíkurflugvöll. Samkvæmt tillögunni var bæjarstjóra m.a. falið að láta vinna skýrslu um afleiðingar þess fyrir Akureyri og þá sem nýta sér Akureyrarflugvöll að Reykjavíkurflugvöllur verði lagður af í núverandi mynd. Sérstaklega verði litið til öryggissjónarmiða, sem og efnahagslegra áhrifa við gerð skýrslunnar.
Eiríkur Björn Björgvinsson bæjarstjóri á Akureyri segir að verkefnið sé í undirbúningi. "Það hafa nokkur fyrirtæki og ein stofnun haft samband sem vilja vinna þessa vinnu fyrir okkur. Meðal annars þess vegna skiptir máli að vanda allan undirbúning, því við vitum að niðurstaða þessarar vinnu verður umdeild sama hver hún verður," segir Eiríkur Björn.
Allir borgarfulltrúar á móti
Njáll Trausti segir að þetta mál tengist hverri einustu fjölskyldu í landinu með einum eða öðrum hætti. "Fyrir mér er þetta grundvallarmál og mér finnst hafa vantað svolítið upp á að barist sé fyrir því af krafti að flugvöllurinn verði þarna áfram í óbreyttri mynd. Þess vegna lagði ég fram þessa tillögu í bæjarstjórn um að ráðist yrði í að gera skýrsluna. Í framhaldinu verði haldin fundur um þessi mál og þá líka með borgaryfirvöldum, til að opna augu þeirra fyrir þessu mikilvæga máli. Það er enginn að tala með Reykjavíkurflugvelli í borgarstjórn Reykjavíkur og allir 15 borgarfulltrúarnir eru á móti flugvellinum."
Njáll Trausti segir að nýtingarhlutfallið á flugvellinum í Reykjavík sé í dag um 99%. "Ein austur vestur flugbraut í Reykjavík myndi þýða að nýtingarhlutfallið færi í 85% og jafnvel neðar og þar með væru forsendur fyrir flugrekstri brostnar." Hann bendir jafnframt á að ef Akureyri missti flugsamgöngurnar, yrði það mesta högg sem bæjarfélagið gæti orðið fyrir í einni svipan. "Við erum nógu einangruð og fyrir fjölda fyrirtækja og atvinnurekstur í bænum yrði það mikið áfall."
Nýjast
-
Minningarbekkur í Birtugerði
Minningarbekkur til heiðurs systkinunum Huldu Benediktsdóttur (f. 1938) og Sigurjóni Benediktssyni (f. 1936) hefur verið vígður í Lónsbakkahverfinu í Hörgársveit. -
Geislameðferð sem lífsbjörg
Ég held að við upplifum flest áhyggjur þegar við lesum fréttir af því að bið fólks með krabbamein eftir því að komast í geislameðferð sé orðin tvöfalt lengri en sú hámarksbið sem miðað er við. Flest þekkjum við til og vitum hversu mikið álag er á fólki sem gengur í gegnum þessa erfiðu meðferð og sömuleiðis á ástvini þess. Það er hálfóhugsandi að ímynda sér stöðu þeirra sem hafa lokið lyfjameðferð og bíða bara eftir að geta haldið áfram sinni meðferð við þennan lífsógnandi óvin. -
Alls 100 kg af rusli fjarlægð úr fjörunni
Í liðinni viku stóðu starfsmenn PCC á Bakka við Húsavík fyrir ruslahreinsun utan athafnasvæðis fyrirtækisins í samstarfi við Ocean Missions -
Lagt til að heimgreiðslur verði festar í sessi
Alls fengu foreldrar 81 barns heimgreiðslur frá Akureyrarbæ árið 2024. Greiðslur námu tæplega 38,6 milljónum króna. Á tímabilinu janúar til maí á þessu ári hafa foreldrar 61 barns fengið heimgreiðslur að upphæð 15,5 milljónir króna. -
Sumarið er byrjað í Hlíðarfjalli
Sumaropnun í Hlíðarfjalli hefst í dag, 8. júlí, og stendur til 6. september. -
Afmæliskaffi GA í gær - sex nýir heiðursfélagar GA
Afmæliskaffi GA í tilefni 90 ára afmælis klúbbsins á árinu var haldið í golfskálanum að Jaðri í gær kl.14:00. -
Ferro Zink og Metal sameinast
Skrifað hefur verið undir samninga um sameiningu á Ferro Zink og Metal með fyrirvara um samþykki hluthafafunda og Samkeppniseftirlitsins. Með sameiningu þessara tveggja rótgrónu fyrirtækja verður til eitt öflugasta þjónustufyrirtæki á sviði iðnaðar á landinu með yfir 70 starfsmenn og starfsstöðvar á Akureyri og á höfuðborgarsvæðinu en ársvelta þessara félaga var samtals tæpir 5 milljarðar í fyrra. -
Tvö tilboð í lóðir við Hofsbót
Tilboð bárust frá tveimur lögaðilum í lóðirnar við Hofsbót 1 og 3, en frestur til að sækja um rann út í gær. Þeir sem buðu voru annars vegar SS Byggir sem bauð 251 milljón króna í lóðirnar og Sigtún Þróunarfélag bauð 235 milljónir. -
Hálsmelar – Falin útivistarperla
Þingeyjarsveit vill benda íbúum á einstakt útivistarsvæði sem margir hafa ekki enn uppgötvað, Hálsmelana. Árið 2022 var vígður 1,4 km langur göngustígur sem liggur um melana og býður upp á nærandi útivist í afar fallegu umhverfi.
