Umhverfislistaverkið Sókn afhjúpað á Gömlu bryggju á Grenivík
Fjölmenni tók þátt í athöfninni í blíðskaparveðri. Myndir grenivik.is
Umhverfislistaverk var formlega afhjúpað á Gömlu bryggju á Grenivík í einmunablíðuá dögunum, hægviðri og hiti fór yfir 20 gráður. Afhjúpunin var í tengslum við árlega Grenivíkurgleði.
Frá því Útgerðarminjasafnið á Grenivík var opnað 2008, hefur markvisst verið unnið að endurbótum á umhverfi safnsins. Útisvæðið var bætt jafnt og þétt með pallasmíði í áföngum fram til 2016. Báturinn Hermann var gerður upp í sýningarhæft ástand á aldarafmæli sínu, 2021 og í framhaldinu var Hermannsbúð byggð til að varðveita hann inni. Hermannsbúð var vígð á Grenivíkurgleðinni fyrir ári síðan.
Þar sem vegurinn endar
Árið 2018 fékk Grýtubakkahreppur veglegan styrk frá Framkvæmdasjóði ferðamannastaða, til að gera áningarstaðinn „Þar sem vegurinn endar” og var hann vígður í júní 2019. Tengist hann safnasvæðinu og Gömlu bryggju beint. Þá stóð eftir að gera bryggjunni sjálfri til góða, steypan í dekkinu var að morkna upp og orðin varasöm yfirferðar. Ákveðið var að nýta m.a. umhverfisstyrki Hafnasamlags Norðurlands til að bæta úr þessu og einnig fékkst styrkur hjá Styrktarsjóði EBÍ í verkið. Sumarið 2024 var þekja bryggjunnar steypt og smíðaður nýr standur undir björgunarhring.
Sveitarstjórn ákvað að vel færi á því að setja upp einhvers konar myndaramma fram á bryggjunni, enda útsýni óvíða fegurra til fjarðarmynnis og mikið myndað þar. Hugmyndir voru ræddar fram og aftur og endaði með því að Sigríður Björg Haraldsdóttir var fengin til að teikna umhverfislistaverk með beinni vísun í staðinn og söguna. Fyrirmynd verksins er sótt í stefnið á Hermanni TH 34 og er einróma ánægja með útkomuna.
Til heiðurs sjómönnum og sjósókn frá Grenivík
Verkið heitir „Sókn” og er nafnið til heiðurs sjómönnum og sjósókn frá Grenivík fyrr og síðar, en táknar einnig sókn staðarins til framtíðar. Slippurinn á Akureyri sá um að smíða verkið og tókst það svo vel að kalla má með réttu listaverk. Starfsmenn sveitarfélagsins sáu um uppsetningu þess og tengingu rafmagns, en ljós er í verkinu. Til að klára fjármögnun verksins var leitað til útgerðarfélaganna Gjögurs hf. og Frosta ehf. sem komu að lokafjármögnun með myndarlegum hætti ásamt Sænesi ehf. og loks framlagi sveitarfélagsins sjálfs.
„Má segja að með þessu umhverfislistaverki sé svæðið fullklárað með sóma og eru styrktaraðilum færðar alúðarþakkir fyrir að hjálpa okkur að láta þetta verða að veruleika,“ segir á vefsíðu Grýtubakkahrepps.
Nýjast
-
Endurskoðun menntastefnu Akureyrarbæjar er hafin
Menntastefna Akureyrarbæjar frá árinu 2020 gildir út árið 2025. Nú er hafin vinna við endurskoðun stefnunnar og ber fræðslu- og lýðheilsuráð ábyrgð á þeirri vinnu í umboði bæjarstjórnar. Stýrihópur hefur verið skipaður og honum sett erindisbréf. -
Umhverfislistaverkið Sókn afhjúpað á Gömlu bryggju á Grenivík
Umhverfislistaverk var formlega afhjúpað á Gömlu bryggju á Grenivík í einmunablíðuá dögunum, hægviðri og hiti fór yfir 20 gráður. Afhjúpunin var í tengslum við árlega Grenivíkurgleði. -
Breyting á leiðakerfi SVA
Áætlun aukavagns á leið 6 (skólavagn) verður seinkað um 15 mínútur frá og með mánudeginum 1. september nk. Vagninn mun leggja af stað úr miðbæ kl. 07:55. Er þetta gert vegna þess að MA seinkaði byrjun skóladags núna, eins og VMA var búin að gera eða til kl. 08:30. -
120° / ÓMUR í Verksmiðjunni á Hjalteyri - Opnun nk. laugardag kl. 14
Á þessari sýningu verður frumflutt nýtt hljóðverk eftir Áka Ásgeirsson (1975) sem ber heitið 120°. -
Undirritun viljayfirlýsingar um gagnaver á Bakka við Húsavík
Sveitarfélagið Norðurþing og bresk-norska félagið GIGA-42 Ltd. hafa undirritað viljayfirlýsingu um uppbyggingu gagnavers á iðnaðarsvæðinu á Bakka við Húsavík. Um er að ræða fyrsta fasa á gervigreindarveri á 4,3 hektara lóð með 50 MW raforkuþörf en GIGA-42 þarf að semja við Landsvirkjun um afhendingu rafmagns til verkefnisins. Það voru Bergþór Bjarnason, staðgengill sveitarstjóra Norðurþings og William Tasney forstjóri GIGA-42 sem undirrituðu viljayfirlýsinguna á Húsavík í morgun. -
HSN frestar byggingu annarrar heilsugæslustöðvar á Akureyri
Framkvæmdastjórn Heilbrigðisstofnunar Norðurlands (HSN) hefur eftir samtöl við hagsmunaaðila og endurmat á forsendum ákveðið að fresta byggingu nýrrar heilsugæslustöðvar um að minnsta kosti 5 ár. -
„Íslenskur sjávarútvegur er í harðri samkeppni á alþjóðlegum mörkuðum“
Hermann Stefánsson tók við sem framkvæmdastjóri Ice Fresh Seafood ehf. í júní er Gústaf Baldvinsson lét af störfum eftir að hafa stýrt félaginu frá stofnun, árið 2007. Ice Fresh Seafood er sölu- og markaðsfyrirtæki Samherja. -
Viljayfirlýsing um uppbyggingu gagnavers á Bakka
Fyrir byggðarráði Norðurþings liggja drög að viljayfirlýsingu sveitarfélagsins við gagnaversfyrirtæki, sem hefur sérhæft sig í starfsemi á norðurslóðum, um byggingu gagnavers á Bakka. -
Nemendur 6. bekkjar fara í vettvangsferð á sjó með Húna II
Nemendur í 6. bekk grunnskóla Akureyrarbæjar fara á haustdögum í vettvangsferð á sjó á Húna II EA 740. Það eru Hollvinir Húna II sem standa að ferðunum í samstarfi við Háskólann á Akureyri og fræðslusvið Akureyrarbæjar.