Ævintýrin sem enda vel eru best ! - Snorkstelpan okkar snýr aftur
Frá framkvæmdunum s.l. sumar Mynd Skógræktarfélagið
Síðastliðið sumar reis múmínhús í Ævintýralundinum í Kjarnaskógi. Ungir og aldnir glöddust en stormur í vatnsglasi brast á og kvittur um ólögmæti framkvæmda, brot á höfundarrétti, fyrirhugaðar málsóknir rétthafa osfrv barst út, kyntur upp af virðulegum fjölmiðli úr borginni á smelluveiðum.
Hið rétta er að við höfum frá upphafi átt afar góð og innihaldsrík samskipti við rétthafa, framleiðendur og innflytjanda. Í samvinnu við alla þessa aðila er þessa dagana einmitt verið að undirbúa næsta áfanga Ævintýraskógarins sem lítur dagsins ljós í sumar.
Veðrabrigði sumars leiddu þó í ljós eina skyssu sem okkur hafði orðið á. Í skóginum stóð stytta ein um árabil af Snorkstelpunni á gönguskíðum. Styttan sú ásamt fleirum var smíðuð af börnum í Listasmiðju, hluti af lestrarátaki þar sem líkneskjum af frægum ævintýrapersónum var komið fyrir í Kjarnaskógi til að hvetja til aukins bóklesturs ungmenna. Snorkstelpan er höfundaréttarvarin, höfundarréttur er jú eitthvað sem að sjálfsögðu ber að virða og því fjarlægðum við stúlkuna úr skóginum strax í vor og færðum í skemmu Skógræktarfélagsins þar sem hún eyddi svo sumrinu.
Borið hefur á að yngri gestir skógarins hafi spurt hvort mögulegt sé að Snorkstelpan eigi afturkvæmt á sinn gamla stað. Á dögunum viðruðum við í samtali við Kristínu vinkonu okkar á rétthafaskrifstofunni ytra þessa sömu spurningu og svarið var einfaldlega á þá leið að í ljósi jákvæðs samstarfs og greinilegs tilfinningalegs gildis fyrir börn og fjölskyldur á Akureyri samþykki þau málaleitan. Jafnframt óskar hún okkur öllum gleðilegra jóla og við sendum að sjálfsögðu öll hlýjar þakklætis og jólakveðjur í hennar hús
Snorkstelpan mætir því á árlega jólatrésskemmtun Skógræktarfélagsins nú á sunnudaginn þar sem hægt verður að bjóða hana velkomna heim.
Að því loknu verður henni svo komið fyrir á framtíðarstað í Ævintýraskóginum þar sem hún vonandi stendur keik um aldir !
Skógræktarfélagið sagði fyrst frá
Nýjast
-
Ævintýrin sem enda vel eru best ! - Snorkstelpan okkar snýr aftur
Síðastliðið sumar reis múmínhús í Ævintýralundinum í Kjarnaskógi. Ungir og aldnir glöddust en stormur í vatnsglasi brast á og kvittur um ólögmæti framkvæmda, brot á höfundarrétti, fyrirhugaðar málsóknir rétthafa osfrv barst út, kyntur upp af virðulegum fjölmiðli úr borginni á smelluveiðum. -
Ertu ekki með hagar hendur?
Hildur Eir Bolladottir prestur við Akureyrarkirkju segir frá þvi í dag að skemmtilegt verkefni sé farið í gang í Safnaðarheimili Akureyrarkirkju og allt sem vanti núna séu fleiri hagar hendur -
Sunna og Unnar íshokkífólk ársins á Íslandi
Sunna Björgvinsdóttir og Unnar Hafberg Rúnarsson hafa verið valin íshokkífólk ársins 2025 af Íshokkísambandi Íslands. Bæði tvö koma frá Skautafélagi Akureyrar, Unnar er leikmaður SA Víkinga en Sunna spilar með Södertalje SK í Svíþjóð. -
Norðurþing - Ekki fleiri atvinnulausir síðan í Cóvid-19
Samkvæmt mælaborði Vinnumálastofnunnar er augljóst að atvinnuleysi fer mjög vaxandi á svæðinu. Hér að ofan má sjá stöðuna í nóvember í Norðurþingi en 138 einstaklingar eru þar á atvinnuleysiskrá. Ekki hafa fleiri verið skráðir atvinnulausir í Norðurþingi síðan í Covid-19 faraldrinum. Áberandi er hversu stór hluti atvinnulausra í Norðurþingi koma úr iðnaði. Það kemur auðvitað ekki á óvart vegna lokunnar PCC. -
,,Ég er kominn hingað til að vinna titilinn"
Nýjir þjálfarar, leikmenn og styrktaraðili kynntir á notalegri kvöldstund Völsungs -
„Skiptir mestu að gestirnir okkar viti nákvæmlega hvað þeir fá“
Veitingastaður í Mývatnssveit í úrslit í alþjóðlegri keppni -
ATH! Mjög mikið álag er á bráðamóttöku SAk
Sjúkrahúsið á Akureyri vill ítreka að mjög mikið álag er á bráðamóttökuna þessa dagana og ákaflega mikilvægt er að leita ekki þangað nema að brýn þörf sé á. Í vafatilfellum skal hringja í upplýsingasímann 1700. -
Odddfellowar styrkja starf Bjarmahlíð
Í vikunni sem leið veittu Oddfellowstúkurnar á Akureyri Bjarmahlíð veglegan styrk upp á 1.950.000 krónur. -
Nýtt Upphaf ráðgerir framboð fyrir bæjarstjórnarkosningar næsta vor
Nýtt Upphaf býður fram fyrir norðan. Nýtt Upphaf sprettur ekki úr skrifstofuherbergjum hefðbundna flokka, heldur úr samtölum milli fólks.