Meint óviðeigandi framkomu starfsmanns á Tröllaborgum haustið 2024 tekin upp að nýju
Akureyrarbær hefur ákveðið að fara yfir verklag sitt og innri ferla vegna máls sem kom til kasta lögreglu haustið 2024 og lýtur að meintri óviðeigandi framkomu starfsmanns á leikskólanum Tröllaborgum gagnvart barni í skólanum
Akureyrarbær hefur ákveðið að fara yfir verklag sitt og innri ferla vegna máls sem kom til kasta lögreglu haustið 2024 og lýtur að meintri óviðeigandi framkomu starfsmanns á leikskólanum Tröllaborgum gagnvart barni í skólanum. Starfsmanni var vikið frá störfum í kjölfar þess að málið kom upp. Málið var á sínum tíma rannsakað af lögreglu en látið niður falla. Þetta kemur fram í tilkynningu frá Akureyrarbæ.
Ýmislegt bendir til þess að upplýsingaflæði hafi á þeim tíma ekki verið fullnægjandi. Markmið Akureyrarbæjar er að tryggja með afgerandi hætti að sambærileg mál séu í framtíðinni meðhöndluð á eins skýran og faglegan hátt og unnt er.
Mánudaginn 23. mars voru haldnir fundir með foreldrum og forráðamönnum barna í leikskólanum Tröllaborgum. Fundina sátu fulltrúar bæjarins, lögreglu, barnaverndar, stjórnendur skólans og sérfræðingur um hagnýtar leiðbeiningar til barna og foreldra ef upp kemur grunur um brot á barni.
Tilgangur fundarins var að veita foreldrum upplýsingar um málið, auk þess að bjóða upp á ráðgjöf um hvernig ræða megi erfið mál við börn. Foreldrum var jafnframt leiðbeint um hvert þeir geti leitað hafi þeir áhyggjur af velferð barna sinna og hvernig koma megi á framfæri ábendingum til lögreglu.
Sveitarfélagið mun óska eftir því við lögreglu að málið verði tekið aftur til skoðunar reynist forsendur fyrir því, þannig að óvissa um atvik og niðurstöður verði sem minnst fyrir foreldra og starfsfólk.
Öryggi og velferð allra barna skal ávallt og undantekningarlaust vera í fyrirrúmi
Akureyrarbær biðst afsökunar á því að foreldrar hafi ekki fengið upplýsingar fyrr. Á næstu vikum verður verklag bæjarins varðandi innri ferla og skipulag rýnt og endurbætt. Markmiðið er að bæta upplýsingaflæði, verklag og viðbrögð, og skerpa á hlutverkaskiptingu í viðkvæmum málum. Hlutaðeigandi aðilar, þar á meðal starfsfólk og foreldrar, munu koma að þeirri vinnu auk þess sem leitað verður ráðgjafar sérfræðinga eftir þörfum. Einnig er lögð rík áhersla á fræðslu til starfsfólks, foreldra og barna sem hluta af forvörnum gegn brotum á börnum.
Öryggi og velferð allra barna skal ávallt og undantekningarlaust vera í fyrirrúmi þegar þjónusta sveitarfélagsins er annars vegar og mikilvægt er að foreldrar geti borið fullt traust til þeirra verkferla sem unnið er eftir.
Akureyrarbær tekur í tilkynningu skýrt fram að hann ber fullt traust til starfsfólks leikskólans Tröllaborga hér eftir sem hingað til.
Nýjast
-
Meint óviðeigandi framkomu starfsmanns á Tröllaborgum haustið 2024 tekin upp að nýju
Akureyrarbær hefur ákveðið að fara yfir verklag sitt og innri ferla vegna máls sem kom til kasta lögreglu haustið 2024 og lýtur að meintri óviðeigandi framkomu starfsmanns á leikskólanum Tröllaborgum gagnvart barni í skólanum. Starfsmanni var vikið frá störfum í kjölfar þess að málið kom upp. Málið var á sínum tíma rannsakað af lögreglu en látið niður falla. Þetta kemur fram í tilkynningu frá Akureyrarbæ. -
Styrktartónleikar fyrir Úlfar Baldvin annað kvöld.
Úlfar er 6 ára Dalvíkingur. Fyrr á árinu greindist hann með æxli í höfði og eiga hann og fjölskylda hans fyrir höndum langt og strangt ferli sem byrjar á lyfjameðferð í Svíþjóð. -
easyJet breytir flugdögum frá Manchester til Akureyrar og lengir flugtímabil
Flugfélagið easyJet hefur ákveðið að færa flugferðir sínar milli Mancester og Akureyrar til mánudaga og föstudaga í stað þriðjudaga og laugardaga áður. Jafnframt mun flugáætlun til Manchester næsta vetur hefjast þremur vikum fyrr en áætlað var, eða 26. október n.k. -
Heppnin
Ég er ein af þeim heppnu í þessu lífi. Fædd á besta stað í heimi og hef búið þar megnið af mínu lífi. Ég var svo heppin að fá leyfi frá foreldrum mínum að fara sem skiptinemi ef ég gæti borgað það sjálf. Það kostaði 2 milljónir. Þá bara hætti ég eftir prófin í janúar í MA og fór að vinna á ÙA og með allri vinnu sem gafst var ég búin að safna 2.2 milljónum àður en ég fór af stað. Ferðin greidd og ég klár í ævintýrið. -
Vilja lítinn sparkvöll í Hrísey
„Við teljum að sparkvöllur muni bæta aðstöðu til útivistar og hreyfingar fyrir börn og íbúa eyjarinnar,“ segir í erindi frá Ungmennafélaginu Narfa til hverfisráðs Hríseyjar. Á fundi félagsins fyrr á árinu var ákveðið að setja efst á stefnuskrá að koma upp litlum sparkvelli á svæði ofan við íþróttamiðstöðina. -
M – Listi Samfélagsins í Norðurþingi lagður fram
Framboðslisti M – Lista Samfélagsins í Norðurþingi var samþykktur 15. mars 2026. Listinn er settur fram með það að markmiði að sameina öflugt og reynslumikið fólk úr ólíkum áttum samfélagsins til að vinna að hagsmunum íbúa sveitarfélagsins, eins og segir í tilkynningu framboðinu. -
Elísa Kristinsdóttir UFA/Fjallahlaupaþjálfun með glæsilegan sigur í 75 km utanvegahlaupi
Íslenska hlaupakonan Elísa Kristinsdóttir sem keppir fyrir UFA/Fjallahlaupaþjálfun náði í dag stórkostlegum árangri þegar hún sigraði í 75 km utanvegahlaupinu Chanti Ultra Trail 75 með yfirburðum. Elísa kom í mark heilum níu mínútum á undan einni fremstu utanvegahlaupakonu heims, Judith Wyder, sem fyrirfram var talin sigurstranglegust í hlaupinu. Með frammistöðu sinni setti Elísa jafnframt nýtt brautarmet og bætti fyrra met um tæpar 40 mínútur – sem telst gríðarleg bæting á jafn krefjandi braut. -
Skemmtilegast að skapa eitthvað nýtt og sjá hvað aðrir skapa úr því
„Það skemmtilegasta og besta við að lita garn er að skapa eitthvað nýtt og einstakt og sjá í framhaldinu hvað aðrir hafa skapað úr því. Viðskiptavinirnir eru duglegir að sýna mér þær flíkur sem þeir skapa og ég elska það,“ segir Salóme Sigurðardóttir eigandi verslunarinnar Dottir Garnverslun við Tryggvabraut 22 á Akureyri. Þar stundar hún einnig handlitun á garni undir nafninu Dottir Dyeworks. Slagorðið er handlituð hamingja. Verslunin var opnuð í byrjun október og gengur vel. „Það er góður stígandi hjá okkur og alltaf aukning á milli mánaða sem lofar góðu.“ -
Örverur koma til hjálpar við niðurbrot á plasti
Í meistaraverkefni sínu við Auðlindadeild rannsakaði Radek niðurbrot á plasti með örverum úr íslenskum jarðvegi. Helstu niðurstöður rannsóknarinnar geta haft víðtæk áhrif og hafa vakið athygli innanlands og á alþjóðavísu enda notkun örvera í niðurbroti á plasti talin ein af mikilvægustu lausnunum við ört vaxandi plastmengunarvanda heimsins. Nýjustu niðurstöður verkefnisins bárust vorið 2025 og hafa verið samþykktar til birtingar í alþjóðlega vísindatímaritinu Frontiers sem er stórt skref hvað varðar alþjóðlega viðurkenningu á niðurstöðunum.
