Vinir Wathnehúss vilja framtíðarstaðsetningu fyrir húsið
Þorstein Arnórsson fyrrverandi safnstjóra Iðnaðarsafnsins við Wathnehúsið Mynd MÞÞ
Eigendur Wathnehússins, sem staðið hefur við Minjasafnið á Akureyri óhreyft frá árinu 2002 hafa óskað eftir að því verði fundin framtíðarstaðsetning á Akureyri og benda á að þeir telji besta kostinn að húsinu verði fundin staður á uppfyllingu við Höepfnersbryggju. Málið var til umfjöllunar í skipulagsráði sem frestaði afgreiðslu og fól skipulagsfulltrúa að afla frekari upplýsinga.
Í erindi frá Hönnu Rósu Sveinsdóttur sem sent var inn fyrir hönd Vina Wathnehússins kemur fram að húsið er frá árinu 1895 og það er friðað. Upphaflega var það byggt sem síldartökuhús á Oddeyri af Otto Wathne en hýsti síðar skipasmíðastöð KEA ásamt fleiri hlutverkum. Það þurfti að víkja af lóð á Oddeyrartanga vegna skipulagsbreytinga árið 2002 og var þá flutt inn á Krókeyri þar sem það stendur enn þá án lóðar.
Skapar skemmtilega ásýnd
Vinir Wathnehússins er björgunarfélag sem á húsið og vill finna því framtíðarstaðsetningu innan bæjarins sem og framtíðarhlutverk. Fram hafa komið ýmsar hugmyndir varðandi staðsetningu þess, m.a. á Torfunefi og það er nefnt í núgildandi skipulagi þess svæðis en ekki á þeirri lóð sem eigendur hefðu viljað sjá og hefur aðkomu að sjó.
Einnig hafa verið hugmyndir að setja það niður á Höepfnersbryggju/uppfyllingunni. Eigendur hússins telja það besta kostinn þar sem þar hefur húsið aðkomu að sjó og hægt að byggja bryggju við húsið auk þess sem það myndi skapa skemmtilega ásýnd að elsta bæjarhlutanum og minna á mikilvægi þessa svæðis í sögu bæjarins.
Nýjast
-
Lokaorðið-Helgin
Um helgina var ég fyrir austan, nánar tiltekið í Fjarðabyggð. Ástæðan fyrir veru minni þar voru samstarfsfélagarnir í leikskólanum. Við eigum gott samstarf og okkur líður vel í vinnunni. Við hittumst reglulega utan vinnu, skemmtum okkur og eflum andann með ýmsum nýungum. Þær nýungar tengjast stundum námi barna en líka lífinu almennt. -
Framkvæmdir við jöfnunarstöð að hefjast
Framkvæmdir við nýja jöfnunarstöð fyrir Strætisvagna Akureyrar eru að hefjast. Stöðin verður staðsett við Borgarbraut, á móti Glerártorgi. -
Vinir Wathnehúss vilja framtíðarstaðsetningu fyrir húsið
Eigendur Wathnehússins, sem staðið hefur við Minjasafnið á Akureyri óhreyft frá árinu 2002 hafa óskað eftir að því verði fundin framtíðarstaðsetning á Akureyri og benda á að þeir telji besta kostinn að húsinu verði fundin staður á uppfyllingu við Höepfnersbryggju. Málið var til umfjöllunar í skipulagsráði sem frestaði afgreiðslu og fól skipulagsfulltrúa að afla frekari upplýsinga. -
Mannréttindi á okkar dögum
Þrátt fyrir að miklar framfarir hafi orðið í mannréttindamálum á Íslandi á síðustu áratugum má enn sjá merki um að sú framtíðarsýn um jafnrétti og virðingu fyrir öllum hafi ekki að fullu ræst. Í opinberri umræðu, þar á meðal á Alþingi, birtast reglulega deilur sem snerta grunnþætti mannréttinda, svo sem jafnrétti, menntun og stöðu minnihlutahópa. -
„Okkur tókst að kveikja það bál sem við ætluðum að kveikja“
Leikfélag Húsavíkur sýnir í Þjóðleikhúsinu -
Fjöldi fólks á flugslysaæfingu á Akureyrarflugvelli
Um 250 manns tóku þátt í flugslysaæfingu Almannavarna og Isavia sem haldin var á Akureyrarflugvelli laugardaginn 9. maí 2026. Æfingin var sú fyrsta á flugvöllum landsins í ár. -
Við ætlum að vinna keppnina um unga fólkið
Það hefur aldrei verið auðveldara að taka sig upp og flytja búferlum. Í dag er Akureyri ekki bara í samkeppni við önnur sveitarfélög á Íslandi, heldur allan heiminn. Þess vegna verðum við að taka samkeppnina um fólk, fjölskyldur og framtíðina alvarlega. Ég vel að búa hérna með mína fjölskyldu vegna þess að Akureyri er frábær staður sem hakar við þau box sem ég horfi til. Við megum samt aldrei setja fæturna upp á borð og halda að það sé sjálfgefið að fólk velji að búa á Akureyri. Við þurfum stöðugt að gera betur. -
Innflytjendur á Íslandi – ég er ein þeirra
Þrátt fyrir að hafa búið hér stærstan hluta ævinnar mun ég alltaf vera innflytjandi. Ekki vegna þess hvernig aðrir líta á mig, heldur vegna þess að ég á rætur í annarri menningu og ólst upp við önnur gildi. Ég skil íslenskt samfélag, hugsunarhátt þess og menningu, en mínar rætur eru annars staðar – og þannig mun það alltaf vera. -
atNorth fær viðbótarlóðir á athafnasvæði sínu
Bæjarstjórn Akureyrar hefur samþykkt samhljóða að fyrirtækinu atNorth verði veitt vilyrði fyrir svæði við Hlíðarvelli þar sem nú eru sjö minni athafnalóðir. Lóðirnar eru veittar án auglýsingar.
