Margir framhaldsskólar horfa til okkar í forvarnarmálum
Sigríður Huld Jónsdóttir skólameistari VMA.
Sigríður Huld Jónsdóttir skólameistari Verkmenntaskólans á Akureyri, kom inn á félagslífið í skólanum í ræðu sinni við brautskráningu rúmlega 100 nemenda skömmu fyrir jól. Hún sagði afar mikilvægt að haldið sé vel utan um félagslíf nemenda. VMA hefur náð að halda úti öflugu félagslífi þar sem nemendur hafa skemmt sér án áfengis og vímuefna, eitthvað sem er sérstakt fyrir framhaldsskólana á Akureyri og horfa margir framhaldsskólar til okkar í forvarnarmálum og félagslífi nemenda.
Í VMA hefur sem betur fer ekki myndast hefð þar sem eldri nemendur taka að sér yngri nemendur sem felst m.a. í því að standa fyrir heimboðum eða skemmtunum úti í bæ þar sem áfengi er haft um hönd. Þetta er skemmtanahald sem skólarnir hafa staðið hálfráðþrota gagnvart og erfitt að eiga við þær hefðir. Það er hluti af framhaldsskólalífinu að hittast oggerasér glaðan dag saman. Ég vona að framhaldsskólanemendur framtíðarinnar haldi því áfram því þessi tími á að vera skemmtilegur. Hinn gullna meðalveg verður að hafa að leiðarljósi og þeir einstaklingar sem velja að skemmta sér án áfengis eða annara vímuefna eiga að geta skemmt sér án pressu frá félögunum. Þau viðhorf viljum við í VMA hafa í heiðri.
Sigríður Huld leiðir skólastarfið í VMA þetta skólaárið, í eins árs námsleyfi Hjalta Jóns Sveinssonar skólameistara. Hún sagðist vera stolt af því að vera fyrsta konan sem gegnir skólameistaraembætti hér á Akureyri. Ég er ekki síður stolt af því að vera fyrsti skólameistari VMA sem hefur útskrifast frá þessum góða skóla. Sömu sögu er að segja um Benedikt Barðason aðstoðarskólameistara, sem er einnig útskrifaður frá VMA.
Nýjast
-
Nýtt upphaf í fjölnýtingu jarðhitaafurða á Þeistareykjum
Nýja húsnæðið sem Landsvirkjun reisir verður á svokallaðri fjölnýtingarlóð milli skiljustöðvar og aflstöðvar Landsvirkjunar, og mun GeoSilica fá beinan aðgang að auðlindastraumum frá jarðvarmavinnslunni. -
Assgolli fínt! – Múmínkastalinn frægi tilbúinn
Múmínkastalinn í Ævintýralundi í Kjarnaskógi er tilbúinn. Ævintýraþyrst börn á öllum aldri velkomin að líta við. -
Myndlistarsýning: Fjallið Kerling séð frá Fujian héraði
Laugardaginn 5. júlí kl 18.00 opnar myndlistarmaðurinn Aðalsteinn Þórsson sýningu á nýjum verkum í Dyngjunni - listhúsi í Eyjafjarðarsveit -
Neistinn tendraður í Kveikjunni Norðlensk fyrirtæki sameinast um nýsköpun innan fyrirtækja að sænskri fyrirmynd
Upphafsviðburður Kveikjunnar á vegum Driftar EA fór fram á dögunum í Messanum við Ráðhústorg á Akureyri. Þar komu saman fulltrúar ellefu fyrirtækja úr fjölbreyttum greinum atvinnulífsins og hófu formlega þátttöku sína í verkefninu. -
Sparisjóðir sameinast
Stjórnir Sparisjóðs Höfðhverfinga hf. og Sparisjóðs Strandamanna hf. hafa undirritað samrunaáætlun um sameiningu sjóðanna en hún tekur mið af stöðu sjóðanna í upphafi árs. -
PWC styður áfram við bakið á Völsungi
PwC og Völsungur hafa skrifað undir áframhaldandi samstarfssamning sín á milli -
Vilja lóð undir iðnaðarmannaíbúðir
Hnjúkur efh. hefur óskað eftir að fá úthlutað eða leigða lóð á Akureyri til að reisa á iðnaðarmanníbúðir. -
Sótt um rekstur ölstofu í fyrrum apóteki
Sótt hefur verið um leyfi til reksturs ölstofu á neðstu hæð Hafnarstrætis 95 við göngugötuna á Akureyri. Þar hefur um árabil verið rekið apótek,m.a. Stjörnuapótek í eina tíð og síðar Apótekarinn, en því var lokað nú nýverið. -
Blood Harmony spilar á tónleikum á Minjasafninu í kvöld.
Blood Harmony er samstarfsverkefni systkinanna Arnar, Aspar og Bjarkar Eldjárn sem hófst snemma árs 2020 þegar heimsfaraldurinn skall á og sökum hans voru þau flutt í heimahagana fyrir norðan.
