Lokaorðið - Vinátta
Það var Dýrleif Skjóldal sem átti Lokaorðið í blaðinu s.l. fimmtudag
Nù þegar sumarið stendur sem hæðst og Reynitréin skarta svo miklum blómum að kona fer að gleðjast yfir yfir komandi litríku hausti, þá er henni hugsað til vináttunnar.
Góð vinátta er gulli betri og um það efast ég ekki. Góð vinátta er dýrmæt og hana þarf að rækta en ekkert endilega á hverjum degi.
Við sem höfum farið á endurfundi vegna skólaútskrifta eða árganga og jafnvel vinnustaða höfum fundið að sum vinátta deyr aldrei þótt við hittumst bara á nokkurra ára fresti. Það sem tengdi okkur þá gerir það enn.
Vorið , sumarið og haustið bjóða upp á endurfundi í ár hjá mér. Ég gat að vísu ekki verið með í vor vegna vinnu en á hina stefni ég ótrauð og hlakka mikið til.
Og svo er það þessi dags daglega vinátta. Vináttan við maka, börn, tengdabörn og barnabörn. Vináttan við vinkonurnar og vinina sem sum hafa fylgt konu allt frá barnæsku, og frændfólkið sem hefur fylgt manni alla tíð. Vináttan við vinnufélagana bæði núverandi og fyrrverandi. Og ekki minnst vináttan við öll börnin mín sem ég hef verið svo heppin að hafa í lífi mínu.
Vinátta er sennilega sú tilfinning sem allir ættu að læra að rækta með sér frá blautu barnsbeini og leggja sig fram um að viðhalda. Vináttan ein og sér gerir hverja manneskju ríkari og hamingjusamari.
Svo mín ráðlegging til allra er: Líttu upp úr verkefnunum og stressinu, andaðu djúpt og farðu í heimsókn til góðs vinar/vinkonu reglulega eða hringdu og spjallaðu! Gefðu þér tíma til að rækta vináttuna og njóttu hennar. Munuð að þú uppskerð eins og þú sáir! Og til allra minna vina, TAKK fyrir að hafa komið inn í líf mitt og gert það ríkara og betra. Mér þykir óumræðilega vænt um það og YKKUR!
Dilla
Nýjast
-
Lokaorðið - Vinátta
Nù þegar sumarið stendur sem hæðst og Reynitréin skarta svo miklum blómum að kona fer að gleðjast yfir yfir komandi litríku hausti, þá er henni hugsað til vináttunnar. -
Menningarhátíðin Mannfólkið breytist í slím
Menningarhátíðin Mannfólkið breytist í slím verður haldin dagana 16.–18. júlí í iðnaðarhúsnæði við Dalsbraut á Akureyri. Listasamsteypan MBS stendur að hátíðinni, sem hefur verið haldin frá 2018. -
Leikskólinn Hagasteinn Framkvæmdum flýtt
Samþykkt hefur verið að flýta framkvæmdum við seinni áfanga leikskólans Hagasteins og er það gert vegna óska verktakans, Húsheildar Hyrnu. Fyrirtækið hefur lagt fram breytta framkvæmdaáætlun sem gerir ráð fyrir að seinni áfangi verði tilbúinn í janúar 2027 og fullnaðarfrágangur lóðar þá um vorið. -
Tækifæri fyrir ungt fólk að skapa tónlist saman í faglegu hljómsveitarumhverfi
Lionshreyfingin tekur þátt mörgum norrænum samstarfsverkefnum og er Orkester Norden eitt þeirra. Anna Fr. Blöndal fyrrverandi fjölumdæmisstjóri Lions á Íslandi segir söguna ná aftur til ársins 1986 þegar þáverandi alþjóðaforseta var falið að finna samnorrænt verkefni fyrir fólk á aldrinum 15 til 25 ára. Forsetinn sem var skólastjóri tónlistarskóla réri strax á þau mið að sameina ungt fólk í tónlist með því að koma á laggirnar sinfóníuhljómsveit í hæsta gæðaflokki. Hljómsveitin var formlega stofnuð fáum árum síðar eða 1993. -
Akureyri Hækkun launa kjörinna fulltrúa fellur niður
Bæjarráð hefur samþykkir að fyrirhuguð hækkun launa kjörinna fulltrúa og bæjarstjóra, sem taka átti gildi 1. júlí 2026 samkvæmt þróun launavísitölu, falli niður. -
Hörgársveit Nýjar reglur um heimgreiðslur
Sveitarstjórn Hörgársveitar hefur samþykkt nýjar reglur um heimgreiðslur til forráðamanna barna. -
Sumartónleikar í Akureyrarkirkju 40 ára
Alla sunnudaga í júlí kl. 17 eru haldnir tónleikar í Akureyrarkirkju. Aðgangur er jafnan ókeypis og dagskrá jafnt sem flutningur vönduð og fjölbreytt. Hefur svo verið síðustu fjörutíu sumur og gengur tónleikaröðin undir nafninu Sumartónleikar í Akureyrarkirkju. Björn Steinar Sólbergsson og Hrefna Harðardóttir ýttu Sumartónleikum í Akureyrarkirkju úr vör sumarið 1987, og héldu utan um hana í ein tuttugu ár. Í sumar leikur Björn Steinar á Sumartónleikum í Akureyrarkirkju í tilefni afmælisins, sunnudaginn 12. júlí. -
Var staddur í tónleikahöll í París þegar rafmagni sló út
Þungarokk í miðri hitabylgju í Evrópu -
Líf að færast í Holuna á Húsavík
Jarðvegframkvæmdir eru hafnar við nýtt Hjúkrunarheimili á Húsavík
