Þjóðaratkvæðagreiðsla, laugardaginn 29. ágúst 2026
Á Akureyri verður kosið í Verkmenntaskólanum Mynd akureyri.is
Kjörstaðir í Akureyrarbæ vegna þjóðaratkvæðagreiðslu laugardaginn 29. ágúst nk. eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey.
Akureyrarbæ er skipt í 12 kjördeildir: 10 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 22. júlí 2026 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is.
Kjörfundur hefst kl. 9 og lýkur eigi síðar en klukkan 22.
Kjósendur í Hrísey og Grímsey athugi, að kjörstað kann að verða lokað fyrr að uppfylltum skilyrðum 91. gr. kosningalaga nr. 112/2021. Þeir eru því hvattir til að mæta á kjörstað fyrir kl. 17. Kjörstaðir í Hrísey og Grímsey verða þó að lágmarki opnir til kl. 17.30 nema allir á kjörskrá hafi kosið fyrir þann tíma.
Kjósendum ber að sýna persónuskilríki á kjörfundi; nafnskírteini, ökuskírteini eða vegabréf. Rafræn skilríki eru ekki tekin gild nema þeim sé framvísað í gegnum island.is appið.
Á kjördag hefur yfirkjörstjórn aðsetur á bókasafni VMA.
Netfang kjörstjórnar er kjorstjorn@akureyri.is.
Atkvæðagreiðsla utan kjörfundar
Yfirkjörstjórn vekur athygli á því að þeir sem eru á kjörskrá utan Akureyrar geta kosið utankjörfundar hjá embætti Sýslumannsins á Norðurlandi eystra að Strandgötu 1 (Landsbankahúsið við Ráðhústorg, gengið inn að suðvestan).
Opið virka daga kl. 10-15.
Frá 15. ágúst lengist opnun sem hér segir:
Alla virka daga kl. 10-18. Um helgar kl. 11-15. Á kjördag kl. 10-17.
Nýjast
-
Sýning Myndlistarfélagsins í Hofi
Nú stendur yfir glæsileg sýning í Hofi þar sem sextíu og einn félagi í Myndlistarfélaginu á Akureyri sýnir verk sín. Sýningin gefur innsýn í persónulegan og margslunginn myndheim þar sem tekist er á við flókinn veruleika með fjölbreyttum tjáningarformum myndlistarinnar. -
Þjóðaratkvæðagreiðsla, laugardaginn 29. ágúst 2026
Kjörstaðir í Akureyrarbæ vegna þjóðaratkvæðagreiðslu laugardaginn 29. ágúst nk. eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. -
Landsmenn telja boðaða skattahækkun á banka hafa neikvæð áhrif
Meirihluti landsmanna telur að boðuð skattahækkun stjórnvalda á íslenska banka muni hafa neikvæð áhrif á almenning, íslensk fyrirtæki, viðskiptavini bankanna og hluthafa þeirra. Þetta kemur fram í nýrri könnun Gallup fyrir Samtök fyrirtækja í fjármálaþjónustu, SFF. -
Rólegan æsing!
Sumri er tekið að halla og lífið gengur senn sinn vanagang. Gott er að taka upp gömlu rútínuna og feta veginn áfram. Umferðin þyngist jafnt og þétt nú þegar fólk snýr aftur til vinnu og skólar hefja störf. Umfang daglegs lífs verður ögn flóknara. -
Blakspilandi prófessor með sjálfbæran sjávarútveg að markmiði
Vísindafólkið okkar – Thanh Viet Nguyen Vísindafólkið okkar er mánaðarleg kynning á rannsakendum við Háskólann á Akureyri. Thanh Viet Nguyen, prófessor við Auðlindadeild, er vísindamanneskja mánaðarins. -
JMJ fagnaði 70 ára afmæli
„Það skiptir mestu máli að vera á gólfinu, hlusta á hvað viðskiptavinir vilja, eftir hverju þeir eru að kalla og verða svo við þeirra óskum. Það skiptir líka máli að hafa góða þjónustulund,“ segir Jón M. Ragnarsson hjá herrafataversluninni JMJ á Akureyri sem fagnaði fyrr í vikunni 70 ára afmæli. Haldið var upp á daginn með því að gefa ríkulega afslætti, kökur og kruðerí og söngur hljómaði um búðina. Fjölmargir gerðu sér glaðan dag og fögnuðu með eigendum. -
Alfa ný framkvæmdastýra Aflsins
Alfa Jóhannsdóttir hefur verið ráðin ný framkvæmdastýra Aflsins. -
Stærsta bleikja sem sögur fara af í Eyjafjarðará
Aron Sigurþórsson landaði stærstu bleikju sem sögur fara af í Eyjafjarðará, hún var 76 sentímetra löng, 43 sentímetrar í ummál og 11,5 pund. Fiskurinn tók á svæði 5,neðri Torfufellsármótum á fluguna Krókinn númer 10 eftir Gylfa Kristjánss. Veiðidagarnir sem voru tæplega tveir voru gjöfulir, en Aron veiddi samtals 57 bleikjur á þeim tíma. -
Svalbarðsstrandahreppur Sex lóðir fyrir einbýlishús í landi Geldingsár
Sveitarstjórn Svalbarðsstrandarhrepps hefur samþykkt að auglýsa tillögu að nýju deiliskipulagi fyrir íbúðarbyggð í landi Geldingsár.
