Rólegan æsing!
Guðlaug Gísladóttir átti Lokaorðið s.l. fimmtudag
Sumri er tekið að halla og lífið gengur senn sinn vanagang. Gott er að taka upp gömlu rútínuna og feta veginn áfram. Umferðin þyngist jafnt og þétt nú þegar fólk snýr aftur til vinnu og skólar hefja störf. Umfang daglegs lífs verður ögn flóknara.
Sumir eru með allt á hreinu, skipulagðir í öllu og ekkert raskar ró þeirra því þeir eru til alls undirbúnir. Þeir eru með plan, taka sig til fyrir daginn og mæta minnst tíu mínútum á undan áætlun. Lífið virðist þeim létt og einfalt því allt er í föstum skorðum. Þeir þurfa ekki vekjaraklukku heldur stökkva á fætur þegar þeir vakna. Góðan daginn!
Mér finnst gott að kúra og óþarfi að flýta mér. Ég vil dorma í mínum draumaheimi, njóta mjúka koddans og hlýjunnar undir sænginni. Ég vil ekki stíga fram úr í morgunsvalann, drífa mig í sturtu og ganga í verkin. Ég þarf að drekka kaffibollann í rólegheitum áður en ég ræði hvenær bíllinn á að fara í smur eða hvað verður í matinn. Ég segi ekki „góðan daginn“ þegar vekjaraklukkan hringir.
Þrátt fyrir hvað vinir mínir halda, þá er ég með plan. Það inniheldur aðeins þau verkefni sem ég þarf að leysa næsta klukkutímann. Nákvæmir útreikningar liggja fyrir hvenær ég get í síðasta lagi klárað allt og hvað ég er snögg að redda öllu. Ég áætla helmingi minni tíma í allt en þarf og ég er alltaf á sumartíma í umferðinni.
Takið lífinu með ró og njótið síðsumarsins. Munum gömlu rulluna: „Rólegan æsing!“ Kúrið áfram upp í rúmi, sleppið að smyrja bílinn og leyfið hinum að sjá um matinn.
Nýjast
-
Rólegan æsing!
Sumri er tekið að halla og lífið gengur senn sinn vanagang. Gott er að taka upp gömlu rútínuna og feta veginn áfram. Umferðin þyngist jafnt og þétt nú þegar fólk snýr aftur til vinnu og skólar hefja störf. Umfang daglegs lífs verður ögn flóknara. -
Blakspilandi prófessor með sjálfbæran sjávarútveg að markmiði
Vísindafólkið okkar – Thanh Viet Nguyen Vísindafólkið okkar er mánaðarleg kynning á rannsakendum við Háskólann á Akureyri. Thanh Viet Nguyen, prófessor við Auðlindadeild, er vísindamanneskja mánaðarins. -
JMJ fagnaði 70 ára afmæli
„Það skiptir mestu máli að vera á gólfinu, hlusta á hvað viðskiptavinir vilja, eftir hverju þeir eru að kalla og verða svo við þeirra óskum. Það skiptir líka máli að hafa góða þjónustulund,“ segir Jón M. Ragnarsson hjá herrafataversluninni JMJ á Akureyri sem fagnaði fyrr í vikunni 70 ára afmæli. Haldið var upp á daginn með því að gefa ríkulega afslætti, kökur og kruðerí og söngur hljómaði um búðina. Fjölmargir gerðu sér glaðan dag og fögnuðu með eigendum. -
Alfa ný framkvæmdastýra Aflsins
Alfa Jóhannsdóttir hefur verið ráðin ný framkvæmdastýra Aflsins. -
Stærsta bleikja sem sögur fara af í Eyjafjarðará
Aron Sigurþórsson landaði stærstu bleikju sem sögur fara af í Eyjafjarðará, hún var 76 sentímetra löng, 43 sentímetrar í ummál og 11,5 pund. Fiskurinn tók á svæði 5,neðri Torfufellsármótum á fluguna Krókinn númer 10 eftir Gylfa Kristjánss. Veiðidagarnir sem voru tæplega tveir voru gjöfulir, en Aron veiddi samtals 57 bleikjur á þeim tíma. -
Svalbarðsstrandahreppur Sex lóðir fyrir einbýlishús í landi Geldingsár
Sveitarstjórn Svalbarðsstrandarhrepps hefur samþykkt að auglýsa tillögu að nýju deiliskipulagi fyrir íbúðarbyggð í landi Geldingsár. -
Málverkið sem slapp út úr striganum
Málverkið sem slapp út úr striganum er heiti á sýningu Núma Kristínassonar sem opnuð hefur verið á Amtsbókasafninu á Akureyri. Hún samanstendur af fjórum lágmyndum þar sem klassíska málverkinu er snúið á haus. -
Fyrsta farþegaskipið til Kópaskers
Merkilegur áfangi í sögu Kópaskers varð í liðinni viku þegar fyrsta farþegaskipið lagðist úti fyrir þorpinu. Um er að ræða leiðangursskipið Ultramarine, sem er 128 metra langt og flutti um 150 farþega. Skipið er eitt af fullkomnustu leiðangursskipum heims og er sérhannað fyrir siglingar á norðurslóðum. -
Þingeyjarsveit - Þjóðaratkvæðagreiðsla verður að Breiðumýri 29.ágúst
Þjóðaratkvæðagreiðsla um það, hvort að Ísland eigi að hefja á ný aðildarviðræður við Evrópusambandið, verður þann 29. ágúst næstkomandi. Kjörfundur í Þingeyjarsveit verður á milli 10:00 og 22:00 að Breiðumýri. Mikilvægt er að muna að taka með sér gild persónuskilríki. Hægt er að nota rafræn ökuskírteini. Svarkostir á kjörseðlinum verða já og nei. Upplýsingar um málefni þjóðaratkvæðagreiðslunnar þann 29. ágúst nk. má nálgast á sérstökum kynningarvef landskjörstjórnar, kosning.is. (af vefnum island.is) Hér má sjá upplýsingar um utankjörfundaratkvæðagreiðslu.
